خالد ... بحر صعب بس شد حيلك

[شاعر صعب]

كان خالد طرقته ياعرب طرقه طويله

ياخذ البراد من شيشتن خلف احلباني


غاية الي يمسك الدرب يومين ن وليله

ثم يسحقها دقيقة ومن تحت الساني

[شاعر صعب]

وين الصفوووووووووووووف

يا ادارة

[محمد المقاطي]

صح لسانك

شاعر صعب

وابشر بالصفوف

عاني اجمع الصفوف

:clap: :clap::clap: :clap:

:clap: :clap::clap: :clap:

[شاعر صعب]

مشكور .... المشرف العام بلحمه وشحمه يجمع الصفوف

انا اشهد اني محظوظ ................... شكرا لمعاليكم على الاهتمام الواضح للجميع


المهم ... وين خالد ؟؟؟؟؟؟؟

[خالد المقاطي]

خالـــد موجود يالصعب انت :) مار رحنا انتغدى فيها العافيه استلم :)



الجمال اليا ارتكت للحمل لازم تشيله = ماتشيل الا .. الثقيله وتترك كل داني
مانعرف الا الدلال الصفر ياهل الجميله = وانت اضنك ماتداني شقاره ماتداني

[شاعر صعب]

صح لسانك ,,,,

نسمع ابها ياعميلي ولا شفنا المخيله

يشهدالله مع عبيدة ماتقرب في مكاني


مايجربها ترى غير بياع البليله

ياعسا منته بمجني عليه او لا انت جاني

[خالد المقاطي]

هههههههه طيب استلم :)


انت اضنك صاحب الشد يالله العقيله = يوم اشوفك كل طرق(ن) تجيبه دان داني
التحسف لو نفع فازبه مجنون ليله = انته المجني وانا فيك ماني قلباني

[خالد المقاطي]

نصلي ونكمل يالذيب

:)

[شاعر صعب]

الفكر موجود ماعازته بأية وسيلة

مارضى الى بالجزيلة وتصوير المعاني


ياحليلة صاحبي ياجماعه ياحليله


شقلب الموضوع والظاهر انه شقلباني

[شاعر صعب]

نكتفي بهذا الكم من الابيات .... واذا عندك رد مافيه مشكله نشوف ردك



والليله نغير الطاروق ,,,,, وشكرا على الردود الطيبة ياخالد ..تدري حزة عصر او مسايير


وشكرا

[خالد المقاطي]

صح بدنك ولسانك وقلبك // للمعلوميع ( المعاني _ المقصود منها الرجل المعان )
عشان ماتسري على :) ... نكمل في مابعد سعدت بالعب معك والايام اطول من لياليها



لا يصيبك شك خابرك ياراع الجزيله = مانقول انك تحوس المعاني يامعاني
عزتيله من سواته نشبي عزتيله = يحسبنا نترك الدرب مثل ابا الحصاني