دردشة بين الاعضاء المنتدي حياكم الله شاركنا بالسوالف

[الذيابي الهلالي]

بسم اللة الرحمن الرحيم


ا رجو من المشرفين تثبيت الموضوع

دردشه لاعضاء المنتدى الرائع والصرح الشامخ

وطرح كل مايخطر على بال اي عضو او عضوه

والدعوه مفتوحه للجميع

بسم الله ............... نبدأ

[الذيابي الهلالي]

«®°·.¸.•°°·.¸¸.•°°·.¸.•°®»مبارك عليكم«®°·.¸.•°°·.¸¸.•°°·.¸.•°®»أولا أنا غبت عن هذا المنتدى لمدة شهر أو أقل ثانيا أحب أن أبارك للاخ محمد المقاطي على حصولة على وسام المشرف المتميز ومن أعلى إلى أعلى إن شاء اللة وأيضا الاخ مناحي على حصولة على وسام العضو المتميز ومن تقدم إلى تقدم إن شاء اللة وأيضا الاخت أحساس ومشاعر التي حصلت على وسام الكاتب المتميز ومن إزدهار إلى إزدهار رغم أن التهنئة أتت متأخرة لكن أرجو أن يعذرونني لانني أبتعدت عن هذا المنتدى قصريا تحياتي وأمنياتي لكل من في هذا المنتدى العظيم والصرح الشامخ بالتوفيق والنجاح في الدنيا والاخرة

[الــولــيــد]

يعطيك العافية هلالي



مشكوووور

[احساس ومشاعر]

اهلا برجعتك اخونا الذيابى ونورة المنتدى...

انا اأيدك على هذا الاقتراح لان فعلا اغلب المنتديات لهم شات يتركون الاعضاء او يسجلون فية دخولهم المنتدى

اتمنى ان الادراة تتجاوب للموضوع وشكرا

ومشكرو على التهنئة والفال لك انشاللة

[الذيابي الهلالي]

مشكورين على المرور أخوي أبو يوسف وأختي إحساس ومشاعر $ تحياتي$

[الذيابي الهلالي]

ياللة ياشباب الي فاضي أنا موجود على الدردشة نبي نناقش موضوع هام جدا ياللة

[محمد المقاطي]

السلام عليكم ورحمة الله وبركاته


صبحكم الله بالخير واسعد الله اوقاتكم

ان شاء الله بداية اسبوع سعيده وموفقه للجميع

والله الله لاحد يرقد ويكب دوامه

انا حبيت اني اصبح عليكم قبل لا اروح الدوام

ولا يفوتني ان اشكر الاخ هلالي ذيابي علي علي

طرحه الفكره والله يعطيه العافيه علي مجهوده الطيب

وتحيتي للجميع

[محمد المقاطي]

يالله انا استأذن

وتصبحون علي خير احبائي

وها لا وصيكم ابي ادخل الصباح

والقا مواضيع تشدني

ولا تري ابزعل عليكم

وامسح من كل عضو موضوع

لا ومو اي موضوع بعد

اكثر مواضيعه من ناحية المشاركات

مو انا المشرف العام (( كيفي ))

ههههههههههه

[الــولــيــد]

هههههههههههههههههههههههههههههههه



صحيح المقاطي كيفك >>>>>>> خخخخخخخخخخ


صباح الخير اخووي محمد



صباح جميل جدا


صباااح الخير للجميع

[محمد المقاطي]

هلا والله ابو يوسف

خلاص اليوم سماح

لكن من بكره نبي نبدا

بالثواب والعقاب

ههههههههه

شرايكم

[الــولــيــد]

اوكي




يدا بيدانسعى لرقي المنتدي

[ولد النفعه]

الموضوع فعلا يستحق التثبيت

وتشكر علاه

[نمران -ال شرار]

يعطيك العافية

[ابو عثمان]

اخواني الأعزاء اخواتي العزيزات
مساكم مسرات وافراح,,,
صراحه هاذي اول مره اجي في هالمكان الطيب,,,,,
ويشرفني اني اتعرف على عيال العم وكذلك الطيبين من القبائل والعوائل الأخرى
فيه موضوع ودي اناقشه معاكم
وهاذا الموضوع صراحه يجيب القلق النفسي,,,,,,,
اكيد ودكم تعرفونه,,,,,,,,,
طيب..........طيب
السبب اللي خلاني اتكلم عنًه صراحه هو هول ماشفت,,,,,,,,
الموضوع هو ظاهرة التفحيط,,,,,,,,,,
ياأخواني والله شفت مشاهد تحز في النفس
وتكدر الخاطر,,,,
وتترك الواحد يتساءل وين المسؤولين عن هالبلاوي,,,,
الظاهره المذكوره منتشره في السعوديه اكثر من الكويت
ولكن اكيد فيه شباب يمارسونها في الكويت
اللي شفته ياأخواني موت جماعي
واحد من المشاهد كان واحد يلعب لعبة السلسله ومره يروح يمين ومره يروح يسار
وكان فيه شباب على طرف السكه من يمين ومن يسار
وكانوا يشجعون ويصفقون,,,,,,,
وفجأه لف على الجهه اليمنى وفقد السيطره على المقود وصارت السياره تزحف على جنب وتشيلها تقريبا 15 شاب وتوطاهم بعضهم طار في السما وبعضهم سقط تحت عجلاتها ولا حول ولا قوة الا بالله
وكذلك فيه مشهد ثاني وكان الشاب يلف السياره يمينا وشمالا وفجأه فقد السيطره عليها وتقلبت عدة قلبات واثناء تقلبها طار من النافذه فوق تقريبا 15 متر وسقط على الأرض بطريقه مرعبه ولا حول ولا قوة الا بالله وانا الا الله وانا اليه راجعون........
والمشاهد كثيره ولا حصر لها..........
ولكن اكتفي بتلك الحالتين فقط
ولقد فقدنا المئات من ابناءنا بسبب تلك الظاهره اللعينه...
فما هو الحل ياترى للقضاء عليها الى الأبد؟؟؟؟؟؟؟؟؟؟؟؟

[المقاطى_q8]

ابو عثمان
موضوع رائع ..... شكراً علي طرحه
انا اقول ان هالضاهره ليست بغريبه ،،،،، ولها هواة ولها انديه ومسابقات مثل عندنا في الكويت نادي هوات السيارات (( الرابطه )) وبه سبل الأمن والأمان ،،،،، ولاكن الغريب ماشاهده انت وأضن انه بالبلوتوث شي من الخيال ،،، واللي اقدر اقوله لارأية هالمشاهد اقول في نفسي ان هالأشخاص لا عقول لهم ولا قلوب ( والله يكفينا شرهم ) .

واذكر من هذه المشاهد ،،، احد هالأشخاص كان يسوي السلسله ولاكن سلسله غريبه بكل عقده داخلها شاحنه :: كانت ماره ويدور عليها .. اتمني وصلت الفكره .. لأني بصراحه ماعرفت اشرح .

سمعت ان هالشباب معروفين بألقاب وهناك أبناء شخصيات عندهم دراهم يأجرون لهم سيارة ويعطونهم فلوس للأستعراض ،،، والله أعلم

ومنهم كان شيخ لا يحضرني اسمه حالياً المهم انه هالشيخ تاب وهو عتيبي كان ينقاله (( ابو زقم ))

تقبلوووو المرور
والسلام ختام

[الفرحه]

فعلااااً .. أخونا/ بوعثمان .. هالظاهره منتشره بين الشباب .. بشكل مخيف ومرعب .. وأعوذ بالله .. حتى في رمضان مايقعدون بالأرض .. قبل الفطور تلاقيهم متجمعين ويستعروض .. وليمه يقطعون التواير .. ويمشون ع الرنقات .. :(
هذا بدال مايذكرون ربهم ويستغفرون .. يسوون هالبلاوي
والمخطئ الأول والأخير اهم الأهل .. وين الرقابة الأسرية .. عنهم ..؟؟



دمت بحفظ الرحمن

[مهرة الترابين]

[انا من المؤيدين لهذا الطرح لكن على شريطة ان يكون احد العناصر التى تقوى اواصر العلاقة الاخوية الطيبة بين الاعضاء وانيكون مردودها الثقافى والتعارفى فيه منفعة للنفس والناس كافة

[MNahiY]

احم احم

السلام عليكم ..!!

صباح / مساء الخير على اعضاء و مشرفين المنتدى ..!!

شلونكم شخباركم ..!!

<< فاضي ..!!

هخهخهخ ..!!

والله حبيت اسلم عليكم و بس ..!!

MNahiY

[المقاطى_q8]

هلا و غلا

مناااااحي


اخبارك انشاء الله طيب


بما ان المكان للدردشه

اقرأ منك كثير الغربه والدراسه

ومافهمته انك متغرب للدراسه


لو تعطينا معلومه انت تدرس في اي بلد

ولو حكيت عن دراستك وتخصصك


فقط للدردشه والتقرب من شخصك اكثر

[MNahiY]

احم احم

هــلا و غــلا فيك يا المقاطي ..!!

انا بخير علومك انت ..!!

اي والله و انا اخوك ..!!

الحين انا ادرس في امريكا ..!! في ولايه اورغن منطقه بورتلاند ..!! (( اذا حبيت تمر علينا هخهخهخهخ ))

والله ادرس لغه بالاول و بعدها ان شاء الله ادرس هندسه كمبيوتر ..!!

صار لي تقريباً شهرين و نص ..!! و ان شاء الله بعد اقل من شهر راد الكويت عندنا عطله كرسمس ..!!

الدراسه تبي تاخذ 5 سنين الله يعين ..!!

الي يوصي بشي من هني يقول لا يرده الا السانه ..!!

هخهخهخ ..!!

[المقاطى_q8]

مانبي الا سلامتك

الله يعينك وييسر امورك

وترجع لنا مهندس نفتخر فيه جميعاً

[MNahiY]

احم احم

الله يسلمك و يعلي شانك ..!!

الله لا يهينك يا المقاطي على كلامك ..!!

و الفخر لي اني متواجد بينكم ..!!

تقبل تحيتي ..// MNahiY

[MNahiY]

احم احم

السلام عليكم ..!!

شلونكم يا اعضاء المنتدى الغالي ..!!

مبروك تأهل منتخبنا للدور نصف النهائي ..!! :shiny:

و احنا في انتظار ديربي الخليج و ان شاء الله النهائي ..!!

عندي استفسار ..!! :shiny:

شلون ابي انسق الرد و اخليه ثابت ..!!

يعني كل ما ارد على موضوع يكون منسق ما انسقه كل مره ..!!

يالله يا اهل الخبره افيدوني ..!! :shiny:

هخهخهخ ..!!

[MNahiY]

احم احم

السلام عليكم ..!!

يـصبحكم / يـمسيكم بـ الخير ..!!

شـلونكم ؟؟

[عبدالله العتيبي]

وٍعًٍليَكَمً آلسٌِِّلآمً

مًسٌِِّآء آلنْوٍرٌٍ

بٌَِخٌِيَرٌٍ يَآمًآل آلخٌِيَرٌٍ

وٍآنْتُِِّْ شًِْلوٍنْ

وٍيَشًِْ آخٌِرٌٍ آعًٍلوٍمًكَ

بٌَِشًِْرٌٍنْيَ عًٍنْكَ يَآذٍَيَبٌَِ

[MNahiY]

احم احم

هــلا أبو العبد ..!!

بخير يـ وجهـ الخير ..!!

محد عندهـ موضوع نطرحهـ هني نناقشهـ ..!! :p

[فارس النفيعى]

أخوكميعطيك العافيه ماقصرت



واهلن فيك في المنتدى عتيبه

وشكرااااا



تقبل خالص التحيات

[بن عراده]

شلووووووووووووووووووووووونكم شباب

[بن عراده]

السلاااااااااااااااااااااااااااااام وعليكم ياجماااااااااااااااااااااااعه ليش محد يرد السلام

[بن عراده]

انا عندي مو ضووووووووع شرايكم بفرعي العتبان

[بن عراده]

احم احم

هــلا أبو العبد ..!!

بخير يـ وجهـ الخير ..!!

محد عندهـ موضوع نطرحهـ هني نناقشهـ ..!! :p

انا اقولك ممكن تسال العتبان عن عدم حضورهم للانتخابات في الدائره 10 للمجلس البلدي ؟

[ملوك عتيبه]

صباح الخير شلونكم وشخباركم مع الشهر الفضيل ,,,,حبيت اشارك معاكم وهذي اول مره اشارك فيها,,,,وشكراااااا

[ذهب صافي]

صباح الخير

[الكيكة]

صباااح النوووور الموضوووع هذا مهجوووووور من سنه يمكن ههههههههههههه

[نــادر]

السلام عليكم ورحمة الله وبركاته

يالله تحييني بين ربعنا هل الكويت

والله اني ما سجلت هنيا عندكم الا

محبتاً لكم ولعلومكم الطيبه

[الكيكة]

تسلم يا نادر ونورت المنتدى بوجودك

بين اهلك واخوانك

[نــادر]

الله يسلمك ويعافيك

وكل عضو هنيا بعد

[عدنان فارع]

قصيدة فاعل خير



أنا وين أبلقى يالاجاويد فاعل خير

حريصٍ على سرّ المحبين لارسلته

أناّ لوّ أبصبر عام مابان بي تأثير

وهالحين حتّى الصبر يومين ما أحتلته

أنا مثل صقارٍ تولّع بحبّ الطير

ولف قلبه فروخ الصورايم وهبلته

تولعّت في فرخٍ قضيبٍ يتلّ السير

ابيّ نظرتٍ من لفتة الحرّ وسبلته

صغيرٍ بسنّه غير عندي ماهو بصغير

يامغلاه في قلبي وياكبر منزلته

أجمعله سمان الهرج خوفٍ من التقصير

والى جيت ابشرح له كلامي تهيزلته

يجيني منّه هيبه . معزه . سحى . تقدير

اقابله عندي علم وأروح ماقلته