يا موطني باقي لنا خمسة إحروف

[مخلد الذيابي]

السلام عليكم ورحمة الله وبركاته



اقدم لكم



قصيدة سياسية رائعه لشاعر ( ويكليكس ) تشعل الساحة السياسية في الكويت



http://www.a-mot.com/up/Image/bgZ97355.jpg








يا موطني باقي لنا خمسة إحروف=وإعرابها النحوي مسيرة ( كـ ر ا مـ ه )
سرنا مسير أحرار والوجه مكشوف=يا إمبرقعٍ وجه القطا والنعامه
عُزّل ولا نرمي بطول الملوتوف=لو تجعل الغاز المسيّل غمامه،،!!
يا قاصف العُزل ترا منت مقصوف=وش له تحط إمن التعجب علامه !!
كف الشجاعه تلطم الذل والخوف=وتقول بالتغيير مابه سلامه
والعز فالميقاف واضح ومعروف=هاماتنا من فوق الابراج هامه
أهل ( السفير) إصفوفهم تبرد الجوف=وتقول وين أهل الوفا والشهامه
حنا لها وصفوفنا تردف إصفوف=يا لين ( برج أحمد ) يزيد إزدحامه
لا شك مابه خيل ورماح وسيوف=وانتم لها لا من نطلت العمامه
فالبحر دوامه وفالبر عاصوف=والحر طلعه غير طلع الحمامه
يا راصد الاعداد لو تبعد الشوف=الموج ،، ما تحصيه وقت إرتطامه ؟
والله ما تحصيه والعالم إوقوف=لو تستعير إبشوف زرقا اليمامه
واللي من الذله يبي يطمر الروف=وإيخاشر أهل الدنفسه والرخامه
في مجلسٍ من جملة الشعب منسوف=الذل صوته ،، والتفدوي نظامه
دامه على قبض الدنانير ملهوف=لا يطلب أحرار البلد بإحترامه !!
قالوا ذلول حزام وحزام مردوف=مدري علام حزام همّل حزامه













~~

مع السلامه