& عتيبه &

[سلطان زايد العتيبي]

(ولاقصور في كل القبايل )




الشعر رجلٍ والمعاني ثوبه،،
والقاف زاده والوزن مشروبه،،

والشاعر المبدع دفع له ديه،،
بحروفه الي من ذهب مكتوبه،،

وانا على شان القصيد الراقي،،
ماذخر عنه نومي وامس دروبه،،

واليا فتحنا للمديح ابوابه،،
وقف وقال (الشعر دوبه دوبه)

وشلون اجاري بالمديح عتابه،،
الي بنو الامجاد طوبه طوبه،،

ربعي من العارض لحد الحره،،
نيرانهم من قدحهم مشبوبه،،

ذباحة الحايل وسقم العايل،،
سيوفنا بدم العدا مخضوبه،،

في سلمنا مثل المطر هتانه،،
وفي حربنا عجٍ تهب هبوبه،،

معربين الجد من جدانه،،
واسماءنا لاافعالنا منسوبه،،

الاد سعد بن البكر والحقها،،
هوازن المنصور لا عدو به،،

خوال ذاك المصطفى العدناني،،
محمد الهادي لخير دروبه،،

الله خلقنا ننصر المستضعف،،
والله خلقنا للعداة عقوبه،،

والله خلقنا للرفيق نعزه،،
لو ضامنا مايشتكي عرقوبه

نعطي حقوق الرفقه ونوجبها،،
واقلنا الي ماقصر ماجوبه،،

حنا لنا تاريخ ماضي حاضر،،
من خلقة عتيبه مشاها صوبه،،

ولا اقول في باقي القبايل ريبه،،
كلٍ ومجده رايةٍ منصوبه،،


لـ‏​~مُحَمَّد صِيَاح الْعُتَيْبِي

[ذيب النشاما]

يعطيك العافيه

[طلال بن نشار]

ربعي من العارض لحد الحره،،
نيرانهم من قدحهم مشبوبه،،

صح لسانك ياسلطان ويالبى قلبي ياربع الي من العارض للحره
تقبل مروري وتقديري

[عبدالمجيد العتيبي]

صح لسان الشاعر ولاهنت سلطان
وبيض الله وجهك قصيدة روعه

تقبل عبوري