راحت يا ياسر والهوى صار ذكرى

[كارلوس الروقي]

السلام عليكم ورحمه الله وبركاته




راحت يا ياســـــــر والهوى صار ذكرى
راحت ودمعـــــــي حابسه وسط الاعيان

راحـــت ولا ادري ليه به شـــــــي اقوى
بعثـــــر حكايــــة عشـــــــق مابين خلان

كـــــل ماذكرت الصبــــح وشلون اصحى
علــــى نغــــم صـــوت(ن) يذوب به اذان

لاقــال هــــذا الصبح بك صـــــــار احلى
واقــــول انت الصبح يا اجمـــل انســـان

يهمس يقولي عاد برهــوم تكفــــــــــــى
واهمس باذنه مجملك وانـت خجـــــــلان

خل(ن) زرعته داخــــل الـــروح واقفـى
واليــوم انا اجني دمع وجروح واحزان

اثـــــــــــر الزمـــــن لا لان لابد يقســى
يامصفــــــي النية بهالوقت غلطـــــــــان

ماعاد بـــه شيءٍ به الوصـــــــل يطرى
الا رسايـــــل ماضيـــة بخــــط ايمــــان

واليــــــــــوم حــــالي بـــــس لله يشكى
اسهـــر الين خيوط هالصبـــــح ماتبان

واسمع ((الين اليوم)) باحساس ذكرى
واتوسد جروحــــي وانـــــا حيــل تعبان

وراحـــت يا ياسر والهوى صـار ذكرى
راحت ودمعي حابسه وســــط الاعيان