قصيدة موجهه للشيخ بندر بن نايف بن حميد

[محمد المقاطي]

بسم الله الرحمن الرحيم


قصيده موجهه الي الشيخ : بندر بن نايف بن حميد
من خزام بن سلطان المقاطي


واقلبي اللي بين الأضلاع ينجر
والدم كنه من عروقي يفوعي

صابر علي حكم القضا وأتصبر
ومن حكم رب الكون ماني جزوعي

ويامل كبدٍ كن في وسطها مر
ومن مابكبدي صار فيها مزوعي

فالسجن لي عامين وسبعة أشهر
وضاق الصدر والعين هلت دموعي

وذكرت من في قاسي الوقت يشهر
ريفٍ لربعه في نهار الفزوعي

هو مقدم الهيلا ذرا كل منظر
نسل الشيوخ اللي تقود الجموعي

أبديت له ما بالضمير وتسمر
والنار في صدري حطبها ضلوعي

حكم القصاص إصدر عليه مقرر
ميز وجاله شهر وايضا سبوعي

ياشيخ عندك علم ماني مكرر
شئ ٍ حصل والله فجعني فجوعي

مالي خيار ٍ فيه شئ ٍ مقدر
مكتوب عند الله وأنا به قنوعي

والعين من جور البهاذيل تسهر
ولاجيت أبرقد مسندي راس كوعي

والعظم لامنه كسر يوم يجبر
بأمر الولي لو كان كسره يروعي

وانت طبيب عتاق الأرقاب والعمر
دكتور طب اللي شكا من وجوعي

ياشيخنا اللي نعتزي به ونفخر
يادرعنا اللي من كبار الدروعي

بندر ابن نايف بالطيب يذكر
ضلع ٍ رسا ماهو هشاش الضلوعي

بعد الولي أنخاك ياوافي الشبر
عسي علي يدينك تنور شموعي

وصلاة ربي عد ماهل وأمطر
علي النبي اللي للأمه شفوعي

[مالك العتيبي]

سيصل ُ صوتُك , والله يفك أسْرك , صح لسانك وبيض الله وجهك وعفى الله عنك .