قصيدة موجه للشيخ محمد بن حميد

[محمد المقاطي]

بسم الله الرحمن الرحيم

هذه القصيده موجهه الي الشيخ : محمد بن سلطان بن جهجاه بن حميد
من خزام بن سلطان بن خزام المقاطي

بديت بأسم الله علي كل ماقيل
الواحد اللي يعلم الخافياتي
بأمره وتدبيره جلا ظلمة الليل
عساه يكفينا صلا الواهجاتي
ومن بعد ذكر الله بدعت التماثيل
وأسرجت خيل الشعر بعد الصلاتي
وشبيت من جزل المعاني قناديل
ونصيت شيخٍ ينطح الموجباتي
اللي مقامه يرفع الراس بالحيل
صليب راي ويكسب الأولاتي
محسوب من روس الرجال المشاكيل
بأمر الولي حلال للمعضلاتي
أمارة أبن حميد جيل بعد جيل
واللي نصاه يشوف منه الغناتي
شيخٍ مهي شيخة مناصب وتمثيل
ولافيه مدح الا بعلمٍ ثباتي
شيوخنا اللي يكسبون التنافيل
اللي فعايلهم لنا بيناتي
لطامة العايل وذباحة الحيل
في وقتنا الحاضر وفالماضياتي
يامقدم الهيلا هل الجيش والخيل
ستر العذاري لا رمن بالعباتي
محمد بن حميد شيخ الرياجيل
النادر اللي يكسب الطايلاتي
هذاك إبن سلطان بشري كما السيل
مثل المطر بديارنا الممحلاتي
إتخايل العربان مزنٍ مخاييل
ويقال وين بروقه الكاشفاتي
وينزح لها لوهي ورا شاطي النيل
ويترك ديارنٍ ماش فيها نباتي
من يرد للماء يرتوي بالدواليل
يشرب قراح ويترك المالحاتي
له موقعٍ بين كما الجدي وسهيل
قد الصعاب وينطح الكايداتي
شيخٍ وله قاله إليا قيل ماقيل
ينطح جموع ويطلع النايفاتي
يامير أبشرح لك علومي بتفصيل
وأفزع إن كان الله كتب لي حياتي
أنا الذي شفت الوزا والغرابيل
عيت عيوني من عناها تباتي
اللي حصل زلزل كياني زلازيل
علي والله كنه الصاعقاتي
بالسجن جالي عام وأرج المقابيل
أرج الكريم يعدل المايلاتي
مكبلٍ بالقيد يامير تكبيل
وبي مشكله من أكبر المشكلاتي
وأنته تشيل الحمل لو فيه تثقيل
ياميرنا أنهض قبل فوت الفواتي
أنا نخيتك وأنت تاصل مواصيل
عوق العدا كساب للسابقاتي
ياميرنا ماينفع اليوم تطويل
أما أفزعوا ولا كتبت الوصاتي
وختامها يامير قد كمل الكيل
ولا ياقفون ألا الرجال الثقاتي
وصلوا علي من جاله الحق تنزيل
شفيعنا وأرياقنا يابساتي

[صنداح الزلامي]

محمد المقاطي


صح السااااانك قصيدة جزله

ويستاهل بن حميد شيخ وبن حموله يستاهل المدح

[سهيل اليماني]

يستاهلون كل ماقيل فيهم ؛ بس ليه ماسويت قصيدة في الشيخ والامير ابن ربيعان تستفزعه يمكن مايفكك من القصاص
الا الله ثم هو ترى أمارتهم بالفعل ما هي أمارة التكشخ والترزز

[بن سواده]

بن حميد ولا بن ربيعان كلهم قد المهمه

[مالك العتيبي]

صح لسانك وأظنك وصلْت , الحمدة فريس وأمراء وشيـوخ , ومواقفهم مالها حصا .

وعيال خزام معروفين وعسى الله يقويهم ويفك الكرب .

ويا سهيل خلك من السوالف المايلـة الله يرضى عليك .

[سهيل اليماني]

ليس في كلامي أي ميله ياأخ مالك بالعكس أنا أشجعه على أستفزاع الحمده وأقول كفو ولكن لايقف عند الحمده وحدهم بل عليه ألا ينسى القسم الآخر من عتيبة وهم الروقة عليه أن يستفزعهم ويستفزع شيوخهم الرباعين حتى تتظافر الجهود وتلتحم القوى لتحقيق الهدف . أرجو أن تحسن النية الله يرضى عليك.

[محمد المقاطي]

صحت ابدانكم وطالت اعماركم
بالنسبه للاخ سهيل ابن ربيعان مانسيناه ولا نسينا احد من شيوخ عتيبه
كلهم كفو ولا يردون من جاهم ولا لنا غني عن فزعتهم
وابن ربيعان عنده علم بالموضوع ووعد خير

[قرناس]

صح السانك