قصيده عن شاعر الوطن

[ابو معاند]

بسم الله الرحمن الرحيم
السلام عليكم ورحمة الله وبركاته
قصيده عن شاعر الوطن للشاعر ناصر بن راشد الرويثي الحربي حبيت ان انقلها لكم اتمنى ان تنال رضاكم ,,,


يا اهل الادب والشعر والعلم والقول = واهل الذمم واهل النفوس العفيفه
سلام من عندي به الشكر موصول = لاهل الشهامه و العلوم الطريفه
سمعت لي يا ناس تحريف منقول = تحريف ما يعقل بحجه ضعيفه

الله يكافينا من الجــور والهول = والله يكافينا بلاوي مخيفه

رحت انتخي بالشعروالفكر مشغول = وانشد وانادي بالسلوم الشريفه

يا اللي لكم بالشعر سلطان وحلول = نبغي نرقيها الجبال المنيفه

ومن كل من يبدع نبي علم مدلول = قولة صحيح الحق ماهي كليفه

لو زالت الدنيا ترى الحق مايزول = ولامات حق لو تزايد نزيفه

تريحوا وخذوا من العلم مفصول = تريحوا يا اهل الوجيه اللطيفه

(شاعر الوطن) حق من سنين منزول = تاريخ ماهو كل ناشيء يحيفه

لا يدعي به بيننا شخص ويقول = ترى عيوننا للحق ماهي كفيفه

خلف ولا غيره له الاسم معزول = الشاعر اللي يرهب الخصم طيفه

شاعر رسى فوق البحر كنه اسطول = من اول شبابه بان لمعة رفيفه

خمسين عام وكنه السيف مسلول = شعر الوطن في كل عام يضيفه

لادندنة للمعركه ودقة طبول = شعره يحمسنا لرمي القذيفه

هز المنابر كلها عرض مع طول = مثل الحصان اللي قوي رجيفه

قصايده بالمملكه كلها تجول = بالشعر يشهد له بلاط الخليفه

خلف ولاغيره من الناس مقبول = هو للوطن بالشعر درعه وسيفه

ماله مثيل ولا معه فعل مفعول = الا شعر حسان عند السقيفه

على المنابر دايم يجول و يصول = سيل يتحدر مثل وادي حنيفه

ماهي تخاريف ولا هرج معسول = شعر الحماسه والبيوت النظيفه

قدم الملوك يقدم الشعر ويقول = شعر الوطن ماهي سوالف خفيفه

وحنا ترانا للوطن درع وخيول = دون الوطن مثل السيوف الرهيفه

ولا قلت قولي باغي فيه محصول = لله اقول الحق ما اقول زيفه

لاني بماجور ولاني بمرسول = ولانلت عنها ربع والا نصيفه

ماهي بدعوى عنصريه و لاميول = امور دنيا عاقبتها عنيفه

شهاده اعلنها و انا بيوم مسئول = يوم القيامه عند نشر الصحيفه


وسلااااااااااااااامتكم

[الكيكة]

صح لسان الشاعر وتسلم على النقل الرائع