فراج التويجـر الدماســـي ،، أحد فرسان وشعراء العضيان واحد مشاهير عتيبه

[العميد]

قال عنه منديل الفهيد الأسعدي في كتاب من آدابنا الشعبيه ص 1/157
(هو فراج بن فلاح التويجر الدماسي من العضيان من الروقه وشاعر كبير حظر معركه بين مطير وعتيبه على الشيخ محمد البراق ومن معه من ذوي ثبيت)
وسجل قصيده في تلك المعركه سأوردها لاحقاً


فراج التويجر الدماسي العضياني من فرسان العضيان ومن مشاهيرهم وشاعر القبيله في وقته بل كان الناطق بأسم عتيبه في عصره وسجل أغلب المعارك وأرخها بقصائده التي يستشهد بها الرواه في وقتنا الحاضر.


كان من اشجع رجال العضيان وحظر معركة ابرقيه الشهيره وفعل في ذالك اليوم وذكره سلطان التهامي حينما تطرق للفرسان الذين برزو في ذالك اليوم
يقول التهامي




ونهمهم ضاوي الخمري بحس يفرح النشطان=وفــــراج الـــتـــويـجــر ردهــــا لــلـي مــتـــلـــيـــنـا




ولعل هذا الشطر هو خير شاهد للرجل وشجاعته واما ضاوي الخمري المذكور فالشطر الأول هو الفارس ضاوي الخمري البيشي احد ابرز فرسان العضيان



فراج التويجر اراد من ابن هندي فرسً اصيله وقصد أمير عتيبه وابو عتيبه الأمير محمد بن هندي ومدحه في قصيدةً يذكر فيها بعض من فعول داهية عتيبه.




يقول فراج التويجر فالقصيده التي قصد بها الأمير محمد بن هندي






قال العضياني تمثل وغنا = مثايلن من خاطره واهتنا بها
مـــاهــــو بــشــاريــهــا ولا مـسـتـعـيــرهــا=مــــصــــدارهـــــا عــــــــــــــن غـــيـــابــــهــــا
خـــــــــوف يــلــزمــهـــا فـــقـــيـــه يـــنـــقــــد=يــاخـــذ مـصـالـحـهـا ويــنــطــل خــرابــهــا
يـــاراكــــب مـــــــن عــنــدنـــا صــيــعــريــه=ســـديـــس والا تــــــو مـــاشـــق نــابــهـــا
مسراحها من روق من خشم عسعسكــل =يشـوفـه صـبــح يـــوم الـتــوى بـهــا
ملفـاك بــن هـنـدي مـنـا هـاشـل الـخـلا=عـيــد النـكـيـف الـلــي تـضـالـع ركـابـهــا
تـلـقــون ثــايــة كـنـهــا واكـــــف الــنـــدى=من مـس الايـدي عقـب لـوخ العشابهـا
خــيـــال بـــــوش يـــــوم لـحــقــوه شــمـــر=هــــل الـمـهــار الــلــي تــلاعــج ثـيـابـهـا
يـوم اوحـت الشرفـا بـحـس ابــن هـنـدي=تــبــاشــرت بــشــرفــه بــفــكــة رقــابــهـــا
والخـيـل يــوم اوحــت صيـاحـه وعـزوتـه=تـقـلـعــت مــــــن كــــــل فــــــج اطـنـابــهــا
وابــــــن طـــوالـــه نــــــار قــــــدام ربـــعـــه=وابــنــه ذبــيــح وذبـحـتــه مـــــا درا بــهـــا
لاكـــــن قــلـــع الــخــيــل بــيــنــه وبــيــنــا=زمـــــــول فــرقــانـــن مـــوطــــاً زهــابــهـــا
ذوي حـمـيـد الـهــم عـلــى الـخـيـل ذارب=غــــز الـقـديـمـي لآن يــــروى نـصـابـهــا
والــثــانـــيـــه نـــــثـــــران دم الـــمــــعــــادي=بـرديــنــي بـالــجــوف غــمـــق صـوابــهــا
يــاشــوق عــــذرا كـنــهــا قــايـــد الـمــهــا=والــبـــدر كـــنـــه نـــاقـــع فــــــي لـبـابــهــا
يـابـنـت مـــن يــضــرب بـشـلـفـا طـويـلــه=لازرفـلــت والـطــرح جــــا فــــي زهـابـهــا
قصـدتـهـا فـيـهــا عــلــى شــــان ابــوهــا=ابــــا اتـمـثــل فــيــه لــــو مـــــادرى بــهـــا
يـا الشيـخ ابـو سلـطـان ابـالـي اصيـلـهي=ازيـنـهـا وان كــــان ربــــي نــــوى بــهــا
انـــا بـلايــه مـــن شـبـيـب بــــن حـجـنــه=يــــوم ان طــاحــس راح يــمــه وجـابـهــا
والــشـــوخ يــمـــك دوب تـنــقــل حـزاتــهــا=مــثــل الـحـنـاشـل يــــوم تـنـقــل جـرابــهــا
وانـتـه حبـالـك بــاع مــن فــوق حبلـهـم=ومـن ورد دلـوه فـي حبالـك سقـى بـهـا
وانـتــه تـشـيـل حـمــول مـــن لايشيـلـهـا=شــال الحـمـول الكـايـدات ومـشـى بـهــا






انا بلايه من شبيب بن حجنه=يوم ان طاحس راح يمه وجابها

هاذين البيت اورده القداح في كتابه ونقله عن الراوي محمد بن حصيان
وطاحس المذكور هو طاحس بن مشنوطه احد ابرز رجال العضيان في وقته غفر الله له،،




كان للشاعرنا فراج التويجر حظور فالقبيله كما ذكرت وانه الناطق الرسمي بأسم العضيان

وهناك قصه جرت على قبيلة العضيان على وقت الأمير مارق بن صنيتان الضيط ومختصرها ، أنه هناك قصيرً للعضيان اخذ حلاله وجاء سيتفزع بالعضيان وردو أبله العضيان بعد ان كادت تقوم معركه بين العضيان
و(أحدى قبائل عتيبه)!!
يقول فراج التويجر






قصيرنا لوهو ورى بندر الحاج = غصباً عليكم ياعور عين تديه
لو سالفه عن سالف البدو منعاج=يدعـى ورفـاع النظـر مـثـل مرخـيـه
وأن لاح بــراقً مــن الـوســم لـعــاج=قطعانـنـا قـامــت تـخــوض خـبـاريـه
فـــي رأي امـيــراً للمـجـاويـخ زعــــاج=مــزحــم رعـايـلــه وطـلـحــه تـراعـيــه




وهو يقصد الأمير مارق الضيط في البيت الأخير

وتعتبر ابيات التويجر هذه حفظً للهذه القصه التي لولا ابيات التويجر يمكن ان تذهب مع الزمن،،،،




فراج التويجر كان معاصراً لوقت صنيتان الضيط ومعاصرً في آخر عمره وقت مارق الضيط

يقول في معركة (بدن) وهو جبل مشهور وقعة بجانبه الغاره وكانت احدى المعارك التي حفظها ايضاً بأبياته
المعركه كانت بين المزاحمه على صنيتان الضيط والسقايين من مطير
وبرز في تلك المعركه الفارس بالود بن ناصر بن شالح الضيط والفارس مدوخ بن تنيبيك




يقول فراج وهو يتحدث عن بعض تفاصيل المعركه





ياذيب ياللي في بدن تقنب قنيب = دونك على العوني تجدد لك مراح
غالب و طالب دوك في حرف الشعيب=فـــي مـعـلـج خـيــل ٍتــــزارق بـالـرمــاح
ذبـاحـهــم شــيـــخً لــنـــا نـــــاشً بـطــيــب=يـروي السنـان ومــن وراه الـجـب طــاح
بــالــود يلـعـبـهـم كــمــا لــعــب الـغــريــب=مـــن فـــوق قـبــاً كـنـهـا ضـبــي الــبــراح
وزيــد ابــن سـحـلـي يشيـلـونـه صـويــب=عـلـيـه عـلــو شــــه تـغـثــري بـالـصـيـاح




بالود هو الفارس بالود الضيط بناخي صنيتان ووالد الفارس المشهور(منصور بن بالود)

وزيد بن سحلي صوب في تلك المعركه والذي صوبه هو الفارس المشهور مدوخ بن تنيبيك




أيضاً تمثل الشاعر فراج التويجر العضياني مخاطبً احد فرسان الروقه المشهورين




يا.........ما انت بضدنا =لو كان باليمنى طليق
ذود المعلج حدنا=ولا نعتذر دون الرفيق




وهذه الابيات جاءت عندما اخذ ذود كريون المعلج المرشدي وجاء يستفزع بالأمير مارق الضيط وفزعله وردله ابله

وسجلها فراج التويجر بهذه الحداه،،،،




وأما قصيدة الأخرى وهي من اشهر قصائده التي سجلها لحفظ التاريخ وقد ذكرها

ابو عبدالرحمن بن عقيل في كتابه ص 182/ و3/215
وهذه القصيده قالها بعد الوقعه التي حصلت بن مطير وجز من عتيبه على الشيخ محمد البراق من ذوي ثبيت ومن فرسان الروقه المشهورين






ياراكب حمرا تهوش المضاريـس =ماساقها الجمال واوجر ضهرهـا
حمـرا قفاهـا كنهـا مـن قفـا الفيـس=وعيونها جمر الغضا مـن صطرهـا
مسراحها من غال حـل الغطاليـس=والـعـصــر وادي الـدعـيـكـه قـهـرهــا
حــرم طـعـام معشـيـه بالحـمـاريـس=لاهـبــت النـكـبـا وصـالــف مـطـرهــا
جـزافـه الـدنـا عـلــى غـيــر تقـيـيـس=مـا حسبـوا صرفاتهـا مــن خسـرهـا
جـانـا ولــد سـالـم بـيــد المنـاطـيـس=بنـمـرا يـشـادي الديدحـانـي شـهـرهـا
قدمه ولد هادي مروي المناسيس=بـــاولاد روق مـغــدرة مــــن نـحـرهــا
هضاب غال مشمرخـات الاراويـس=مــــن الـجـنـايـز ضـايـقــات حـفـرهــا
الـمـاطـلـي والـمـارتــي والمـقـايـيـس=والريـفـل الـلـي سـوهـا فــى قـطـرهـا
مـا فرجـت لــه يــوم جـنـه كـراديـس=مــن طــب للمـرمـى يضـيـع نظـرهـا
ريـع السليـل مثـل بـاب المحابيـس=بـريـه عـقـب الــزوم ربـــي حـشـرهـا
والرجل مالت من مجاني القرانيس=والخـيـل عـنـد حلـيـس حــول نبـرهـا





وله قصيده في امير الدغالبه من عتيبه وهو الشيخ خزام المهري والقصيده لم اجد منها الا هذه الأبيات



يانجد وين محيلين الثنيه=ومنزحة عن نجد دقلات الأجناب
هــذي مـحـل اضويـهـم تـقـل حـيـه=مثل الخدور اللي تبنى بالاسلاب
اقفـابـهـم يــاخــزام ضــيــق عـلـيــه=واقبالهم يفتـح علـى قلبـي ابـواب






وكما ذكرات انه الناطق بأسم قبيلة عتيبه وله قصيدة تعتبر من اشهر القصائد التاريخيه في وقتنا الحاضر وهي قيلت بعد مناخ عرجا بين عتيبه وتحالف مطير مع حرب ضد الهيلا وقال هذه الأبيات بعد ما فزعو الروقه وصبحو مطير ولقوهم قد سرو ولا وجدو الا الكلاب مربطه والنيران مشبوبه وهم قد انسحبو ليلاً

والقصيده موجهه للشيخ نايف بن هذال بن بصيص





حنا عتابه للحرايب ماشتحنا= نضير النافر ويركب له وليف
بــرقــا لا يــامـــن الـحــرايــب ولـعــنــا=منزحـه عـن نـجـد دقــلات الحفـيـف
وحنـا لهـم مثـل الجـمـال الـلـي تثـنـا=شياله الحمـل الثقيـل عـن الخفيـف
نمشي وتالي الليل يسري به ضعنا=ونقـل المثـقـل عنـدنـا نـقـل الخفـيـف
فــي نـجـد خليـنـا القبـايـل مــا تـهـنـا=وكم واحد مـن ضربنـا اقفـى معيـف
يالـيـت نـايـف حـاظـراً دقـلــة جمـلـنـا=حتـى يخـلـي نـجـد بالقـلـب النظـيـف
رديفـكـم شلـنـاه مــن عـرجــا لهـلـنـا=ولـومـه عليـكـم يامخـلـيـت الـرديــف
الــعــام يــومــك نـخـيـتـه مــــا تــونـــا=والـيـوم خليـتـه بـعـد جـالــك حـلـيـف
يالـلـي تـجـي هــذال رد الـعـلـم عـنــا=لو هو وراء مكـة وبلـدان الشريـف
لا يحسـبـنـه يـــوم راح وصـــد عــنــا=انـا نقـرط فــي الاصـابـع نستضـيـف




المقصود بالرديف فالبيت السابع هو الشيخ حجاب بن نحيت الذي استيسره محمد بن هندي في ذالك اليوم واكرمه شهرين وبعدها ارسله لجماعته مكرماً معززا،،،،



يقول الشاعر كديميس العصيمي مستعرضاً تلك المعركه





أبن نحيت حجاب بين المثارين=دارت عليه بمعتلجهن رحانا
ينخى بني سالـم وهـم عنـه مقفيـن=وخــاب الـرجـا فـيـهـم وعـــود نـخـانـا
وجسمه تشارك فيه شلفا ورمحين=وشـلـنــا واسـقـيـنـا النـحـيـتـي دوانــــا




هذال المذكور في البيت الذي قبل الاخير هو الأمير هذال بن فهيد



وهذه القصيده الختاميه للشاعرنا الكبير فراج الدويجر العضياني في مدح امراء برقا من عتيبه وللأسف ان القصيده حرفت في الوقت الحالي لأغراض خاصه!!







ياولي العرش يـارب العمـوم =يامعدينـي عواقيـب الاثــام
عقـب هـذا قربـوا لـي خمـس كــوم=خمـس زيـنـات الممـاشـي والاولام
مـربـعــات دون شــمــر بـالــجــزوم=ناقضـات الجـزو فــي وادي جـهـام
قيضن بالقيض في وادي الهشوم=ليـن نـي الهجـن جــا كـبـر الـعـدام
انــحــروا بــرقــا مـنـجـيــة الـفــحــوم=مــن خـيـول ابـريـه ولا خـيــل يـــام
يـمـمـوهــن يـــاطـــروش بـالـيــمــوم=يـم ابـو صــلال جعـلـه مــا يـضـام
هيضلـن مـاهـي تلامـيـس العـلـوم=تــرث بـانـي البـيـت عــزال الـجـهـام
ثـــم نـصـوهـن الـــى شـيــخ لــــزوم=شـيــخ بـرقــا بـالـمـنـازل والــزحــام
يم ابـن هنـدي عسـى عمـره يـدوم=سلمـوا لـي واجهـدوا لـي بالـسـلام
يــوم يـركـب فــوق شـقـراه القـحـوم=الـعـبـيـه ركـضــهــا فــيـــه الــدحـــام
فـوقـهــا يـمــنــا تـــــورد بـالـسـهــوم=تشبع اللـي فـي مـراح الخيـل حـام
شايـل حملـه معـه حـمـل الحـمـوم=لـو تعقـل اعـضـاه بالحملـيـن قــام
وراعــــي الـعـلـيـا مــريــع لـلـفـحـوم=حـرز تـالـي الخـيـل بـايـام العـسـام
غيـر نطـح الخيـل نطحـه للسهـوم=ودقـلـه المـظـهـور فـايــام الـزحــام
يالله انــي طـالـبـك فـــي كـــل يـــوم=تفهق أجله من ورى تسعين عام





المصادر بعض من الرواه والباقي أخذ من كتب

من ادابنا الشعبيه منديل الفهيد الاسعدي ص 1 / 157 وديوان الشعر العامي بلهجة أهل نجد/ ابو عبدالرحمن بن عقيل ص 182/ و3/215 وقصه وابيات لأبراهيم اليوسف ص 146




هذا موجز فقط عن رجلاً شرف القبيله رحمه الله رحمة واسعه،،،،











علماً انني قمت بجمع المعلومات من مصادر تاريخيه ورواه موثوقين

[ذيب النشاما]

شكرا اخوي العميد على موضوعك ولكني وجدت بعض الاخطاء في موضوعك وبعض القصايد لم تنقل بالشكل الصحيح بل زيفت ولا ادري لصالح من يتم ذلك ولكن الامانه العلميه توجب علي ذكر الاخطاء وتصحيحهاوهي كالتالي
1-قصيدة فراج في خزام المهري القصيده قيلت في القضيه التي بين برقاء والروقة وانتهت بصلح جذيب الصلح وكانت المشكله عند امراءه تسمى الطيزاءوالقصيده الحقيقيه كالتالي
ياعد ياللي فوقه الفين خيه==الفين خيه فوقها الفين جذاب
يانجدوين محيرين الثنيه==شيوخ برقاء اللي يضدون الاجناب
شدو من الحاكم عليهم دعيه==والطار يشهر لين يدعيه جذاب
اقفايكم ياخزام غصباعليه==واقبالكم يفتح لقلبي ميه باب
نيرانهم مما يشبون حيه==مثل الخدوش اللي على روسها اسلاب
2-قصيده فراج في مناخ عرجاء مصادرك حرفتها والقصيده الحقيقه هي
برقاءاليامن الحرايب ولعنا==منزحت عن نجدضدات الحفيف
رديفكم شلناه من عرجاءلهلنا==عيبآعليكم يامخلين الرديف
واللة لونايف حاضرآدقلت جملنا==انه ليكب نجد بالقلب النضيف
شيوخهم مثل الجمال اللي تثنا==نقالة الحمل الثقيل عن الخفيف
3-لماذا لم تذكر لك مصادرك قصيده فراج التي مطلعها
ياموتري فربي شرقا==لينن قلبي تمشي عروقه

[العميد]

حياك الله يا ذيب النشاما
ملاحظتك الاولى : جبت القصة ولا عندك شاهد في القصيدة يشهدلك ولم تذكر مصدر
" الثانية : شتبي مدري
- طلبك القصيدة اللي ذكرت البيت هذا مطلع لها
ياموتري فربي شرقا==لينن قلبي تمشي عروقه
ياليت تعلمنا وش موديل موتره
والله ضحكتنا
ووين كان موظف بعد

[ذيب النشاما]

اهلين اخوي العميد وانا راوي عن كبار السن الثقات وفراج التويجري كان كثير المدح لبرقاء والدليل موجود في قصايده التي لم تزيف وتفبرك من قبل بعض من يحقدون على فخذ برقاء من عتيبه الذي فيهم مشيخه عتيبه كافه عند الحمده ماضيا وحاضرا امابالنسبه لقصيده الموتر التي اضحكتك فاكملها بشطر بيت والباقي لن اكمله حفاضا على مشاعر ابناء القبيله الااذا دعت الحاجه الى ذلك واعرف انك ممن يجد في نفسه على برقاء لكن لم ولن تغير التاريخ انت ومن معك فالكل يعرف الحقائق ومصداقيتها
انا لقيت العرب برقا==؟؟؟؟؟؟؟؟؟؟؟؟؟

[العميد]

يا ذيب الله يهديك شنو هالحساسيه الزايدة عندك والله راجعت المقال كذا مره ما وجدت فيه ما يثير او يهضم حق احد من عتيبه فضلا عن برقا عاد وبعدين اخر قصيدة لفراج في المقال كلها في مدح شيوخ برقا والثناء عليهم وهذا حق مهوب فضل من فراج رحمه الله او غيره .
وبعدين الشطر اللي ذكرته لفيحان بن نشار الدلبحي رحمه الله وهو متوفي قبل كم سنه
وفراج الله يهديك معاصر لمحمد بن هندي و صنيتان الضيط وهذال بن فهيد
وهذا يدل انك تجادل وتناقش وانت لم تقرا فارجع للمقال واقرأه بهدوء بدون تعصب على لا شي
ويوفقنا وياك لما يحب ويرضى

[ذيب النشاما]

حصل خير يالعميد وترى مافيه حساسيه ولازكام بس انا حبيت ابين للقاري القصايد الاصليه لفراج التويجري وانت قلت في شطر بيت من القصيد اللي نقلته للقراء [حنالهم مثل الجمال اللي تثنا]
والبيت الحقيقي في القصيده هو[شيوخهم مثل الجمال اللي تثنا]يعني شيوخ برقا وبعض القصايد التي قمت بكتاتها يالعميد فيها تغيير لواقعها
وعلى العموم جزاك الله خير ووفقني وايلك لما يحب ويرضا ولك مني جزيل الشكر اخوك ذيب النشاما