لاواسنــدنــاا قصيـــــدهـ رثــاء بالمرحوم حـمود الجبــــــري للشاعر حسين العتيبي

[ابوعلي]

لا واسندنا
الشاعر الخلوق حسين العتيبي يكتب هذه القصيدة الوافية والجزلة في رثاء النائب السابق حمود ناصر الجبري رحمة الله عليه الذي خدم الكويت والمواطن بكل صدق واخلاص ليكون للشعر كلمته الصادقة

شعر حسين العتيبي

لا والله الا راح من روسنا راس
راس ياقل اللي يسد ابمسدّه
لا واسندنا الصلب واضلعنا الراس
حول عليه الموت نجمه وهدّه
حمود لا عدوا هل الفعل والباس
اسمه مع الاسماء الاوائل نعده
اسم تسلسل من جدوده على ساس
مثل الجبل بالسهله المجرهدّه
الجبري وسميّ على الموقف القاس
جدّه يحب الجبر في كل شدّه
وحمود من نوماس يحظى بنوماس
من طلعته ما له عن الطيب صده
كم موقف متعقد وفيه لولاس
خلص شرابيكه وفكك اعقده
حتى لو ان الراس واقع به الفاس
ليا قام لين ايقوم محدٍ يرده
فعايله عند الوفيين نبراس
وطيب الفقيد من الفقيد استمدّه
من راس ناصر واسم ناصر مع الناس
اللي عتيبه من فعوله تودّه
سلايله بالطيب ما فيهم الهاس
شجرة وفا والها على العز مدّه
وكان المدايح تلبس الطيب إلباس
الكل منهم ملبس المدح قده
وان غاب عنا حمود ما صابنا الياس
عقبه سيوفٍ للسعد مستعده
ماتنطفي ناره وللنار قباس
من صلب ابوه وصلبه وصلب جده
له الدعاء النابع من شعور واحساس
حقه علينا في دعانا نمده
لعل قبره نور ويجيه نسناس
والله يغفر له ويحسن مرده
ويحط اله في جنة الخلد مجلاس
آمين يا من طالبك ما ترده

[تعبت ابكي]

الله يرحمه ويسكنه فسيح جناته
وصح لسان شاعرنا

[افتخر بعزوتي]

الله يرحمه ويسكنه فسيح جناته

صح لسانك بو يزيد

قصيده رائعه ..