ولقيت صورتها وانادي ولاتجيب .

[سيف الأسلام]

بسم الله الرحمن الرحيم
السلام عليكم ورحمة الله وبركاته
قصيدة لشاعر حمدان الجعفري في بنته البندري رحمه الله


اداء هزاع المهلكي المطيري


http://www.motir.net/vb/uploaded/107_1275822207.mp3

اليوم ياياسـر فتحـت الدواليـب

أبغى الشماغ أوسابقتني دموعـي




ولقيت فستانن معلق بـه الطيـب



ثوب الصغير اللي فراقـه يلوعـي




ولقيت سلسال الذهب والشراريـب



يامن يهدينـي وقـد زاد روعـي




ولقيت خاتمهـا وبـاق اللعابيـب



في رفها ماحرّكت مـن أسبوعـي




ولقيت صورتها ونادي ولاتجيـب



ونظرت فيها قلت مابـه رجوعـي




ولقيت شنطتها وذكرت المطاليـب



اللي توصيني بهـا فـي طلوعـي






ولقيت بـاق أعلاجهـا والأنابيـب
اللي صرفناهـا نهـار الربوعـي









ثم أنصرفت أوذقت حر الملاهيـب



وأمسيت من باقي حياتي قنوعـي




مغير أجر الصوت وأقنب كما الذيب



ذيب الخلا اللي حس بالبطن جوعي






وجرحي صعيب أولاتفيد التطابيـب
جرحن عطيباً بين حدب الضلوعي









يقلعك يادنيـا العنـى والعواقيـب



قلبي من أسبابك حزين أوجزوعـي




ويالله رضيت بقسمتك وأنته أمجيب



فزعتك ماغيرك طلبـت الفزوعـي

[مطيريــهـ وأفتخـر]

قصيــــــــدهـ حـــزينـــهـ حيـــــل ..

تســـلمـ إيــــــــدكـ ع إلنقـــــل يــآ سيـــف ..

[سيف الأسلام]

الله يبعد عنا وعنكم الحزن ،،


مشكورهــ ع المرور


دمتي بوود