وين الجذع ليلنا زان ... فارس الجذعان مطلووووب للتحقيق

[خالد الثبيتي]

ارتاح يا ولد جدعان .. من بعد ما جاك مقسوم = مار استمع في كلامي .. ارتاح يا ولد جدعان
وين الجذع ليلنا زان .. نبغى نهوم الجبل هوم = و ان كان خيب مرامي .. عز الله الليل ما زان

[طويق]

احسنت يالثبيتي وبنتظااااار القدع

[فارس الجذعان]

مافيه رابح وخسران... يعني تري منت مهزوم!!!! :) = لوتذكرون الاسامي.. ماشوف رابح وخسران

عان الجذع ياولد عان .. ماهوب غاوي ومنجوم = وان كنت جوعان ضامي .. عان الجذع ياولد عان

[خالد الثبيتي]

هههههههههههههههههه
الله الله



ما اذم انا الرجل لو كان .. يسرح و يمرح مع القوم = مادام لابس حزامي .. ما اذم انا الرجل لو كان
شيخٍ رحل كب الاوطان .. و اصبح من الخير محروم = من شان حفرة عظامي .. شيخٍ رحل كب الاوطان

[فارس الجذعان]

ههههه ياسلام ياسلام


لو قلت منته بغلطان!!! .. الهرج واضح ومفهوم = تخلط حلال بحرامي ... لو قلت منته بغلطان

هاذي قضيه وعنوان .. والامس ماهو كما اليوم = صارت بحسب النظامي .. هاذي قضيه وعنوان

[خالد الثبيتي]

هههههههه لا تكثر و يزعل عزيز القلب هههههههه



ماني بغلطان يا فلان .. و الحق بالمرّ مطعوم = وان كان لحقه ملامي .. ماني بغلطان يا فلان
ماألوم من كان زعلان .. لكنّ لو جاء لمكتوم = الرجل طب فحرامي .. بكرة بتلقاه زعلان

[فارس الجذعان]

الرجل من قلب ولسان ...معلوم ياثبيت معلوم !!= يعرف رشيد الزلامي.... اللى معه قلب ولسان:)

عديت في ضلع حوران ... والضلع من عصر ملغوم !! = نجدي وقلبك تهامي!! .. لو كنت في ضلع حوران

:) :) :)