جور الزمن ..

[خالد الثبيتي]

قصيدة متواضعة و قصيرة تحكي الواقع المرّ الذي يعيشه الناس بهذا الزمن , وي جهله أناس آخرون

نظمتها قبل قليل و أتمنى أن تحوز على رضاكم

و المعذرة أن كان فيها قصور



سلام الله بدانا به و طالع من شموخ الراس = على من عاش في وقتٍ معاناته يعانيها
بعد دنّت هواجيسي و حضّر صافي الهوجاس = نظمت لّي قصيدة و المعاني في مثانيها
بيوتٍ تنحفظ بالفكر ما تِكتب على القرطاس = و من يحفظ بيوتي رجل ما يجهل معانيها
بديت بمرقبٍ عالي و معّنت النظر فالناس = وشفت ديارنا من شامها حتى يمانيها
وأشوف الوقت جاير و الزمن غابر يجيب عماس = و كل الناس تخضع له و لو طالت مبانيها
و من جور الزمن صار الذهب سلعة بسوق نحاس = و عند اهل الغشش و أهل الغشش محدٍ يدانيها
و من جور الزمن صار الردي عمره بلا مقياس = يعيش بدنيته هاني و يبطي عن مفانيها
لكنّ الطيبين اللي طواريهم لنا نوماس = يعيشون العمر ساعات .. و تسابق ثوانيها
و من جور الزمن صار الأخو ياقع عليه الباس = و اخوه يناظره و يقول مشْكِلتك كفانيها
هقا فأخوه هقوة وايل بسالم على جساس = وصارت هقوته من عشرها ترجع ثمانيها
بعد هذي ما اقول الا الحياة اتعاس بعد اتعاس = و نفسي عافت العيشة وصار الموت امانيها





خالد الثبيتي

[سفيرة مطير]

ماشالله عليك

صح لسانك

قصيده فعلاً معبره عن الواقع

ننتظر جديدك

[رهف العتيبي]

سلمت سلمت وصح اللسانك ولا هنت :36_1_11[1]: مبدع

[العصيمي]

لكـنّ الطيبيـن اللـي طواريهـم لنـا نومـاس

يعيشون العمـر ساعـات .. و تسابـق ثوانيهـا


عز الله


صـــــــــــــح لساااااااااااااانك ياذيبـــــــــان

[خالد الثبيتي]

صحت ابدانكم

و مشكورين على الاطراء

[سيف الأسلام]

روووعه صح لسانك والله .


تقديري لك . .

[خالد الثبيتي]

صح بدنك ولاهنت يالغالي

[ابن جدعان الزيادي]

الله الله لاباس لا باس

في الحقيقه من اول ما شفت القصيده حسيت ان ودي اقول شي

واليكم ما قلته




بموقع مكمن انواع الذهب ولول واللماس=حرار[ن] تارث انواع المراجل من مجانيها
عتيبه هم الماهود واهل الدرع واهل الطاس=واهل دهم الفرنج اللي توردها يمانيها
وهل الجيش الاصيل ومربط الطيب من الافراس= لهم والكايده فايا مجال اتل سانيها
وهل الابل الزيان اللي عليها تقطع الارماس=وللضيف الجزال اللي مغرقة[ن] صوانيها
مكرمة القصير ولا شكا منهم خلاف وباس=مزبنة الدخيل اللي حياته كان شانيها
انا لوحت شكوا من حداهم ضاقت الانفاس=حميا ، قدر ، لقربها وقاصيها ودانيها
ومن ساعة لقينا ابيات خالد نفرك الاخماس=مع التفكير في كيف العيون ينوم هانيها
وناديت الهجوس وفكرها العزام والحساس=وقلت ابذل سبب ، تستذكر الهيلا غنانيها
بعد شفنا البروق اللي سرا نواضها قباس=على روس الجبال اللي جليل الملك بانيها
ودرسنا الوضع لين الوضع يا اهل المعرفه منحاس=نشوف اللي يشوفه من سوايا ما ندانيها
لقينا الصبر ما غيره ويرضي ساير الاجناس=مكاسيبه عساك اتصير يا ابن العم جانيها

[مطيريــهـ وأفتخـر]

تســـلمـ

وصـــح لســآآنــكـ

[خالد الثبيتي]

الله الله لاباس لا باس



في الحقيقه من اول ما شفت القصيده حسيت ان ودي اقول شي


واليكم ما قلته




بموقع مكمن انواع الذهب ولول واللماس=حرار[ن] تارث انواع المراجل من مجانيها
عتيبه هم الماهود واهل الدرع واهل الطاس=واهل دهم الفرنج اللي توردها يمانيها
وهل الجيش الاصيل ومربط الطيب من الافراس= لهم والكايده فايا مجال اتل سانيها
وهل الابل الزيان اللي عليها تقطع الارماس=وللضيف الجزال اللي مغرقة[ن] صوانيها
مكرمة القصير ولا شكا منهم خلاف وباس=مزبنة الدخيل اللي حياته كان شانيها
انا لوحت شكوا من حداهم ضاقت الانفاس=حميا ، قدر ، لقربها وقاصيها ودانيها
ومن ساعة لقينا ابيات خالد نفرك الاخماس=مع التفكير في كيف العيون ينوم هانيها
وناديت الهجوس وفكرها العزام والحساس=وقلت ابذل سبب ، تستذكر الهيلا غنانيها
بعد شفنا البروق اللي سرا نواضها قباس=على روس الجبال اللي جليل الملك بانيها
ودرسنا الوضع لين الوضع يا اهل المعرفه منحاس=نشوف اللي يشوفه من سوايا ما ندانيها
لقينا الصبر ما غيره ويرضي ساير الاجناس=مكاسيبه عساك اتصير يا ابن العم جانيها




الله الله الله


صح لسانك على المجاراه اللي غطت على القصيدة كلها

اشكرك و لا هنت

يالذيب

[الكيكة]

صح لسانك يا خالد قصيده روعه تدل على تمكنك كشاعر وقدرتك على التعبير ما شالله عليك


(( مهما كان الحال لا بد من التفائل ))

[خالد الثبيتي]

صح بدنك

و مشكورة على الاطراء

و التفائل لا بد منه

لكن فيه حاجات نفضل الموت و لانشوفها

الله يبعدها عنكم و عنا

[رامي العتيبي]

ياسلام ياسلام
صح لسانك ياخالد
شاعر نظم وشاعر محاوره
مافيك حيله
لاهنت يابن العم
تحيتي لك

[خالد الثبيتي]

صح بدنك يا رامي

مشكور على الاطراء

ولا عليك زود

[رهف العتيبي]

صح اللسانك ولاهنت

[خالد الثبيتي]

صح بدنك

مشكورة على المرور