على خير أشوفك كان حنا من الحييّن

[احمد الرويس]

السلام عليكم ورحمة الله وبركاته

حبيت أنقل بين أياديكم قصيده لشاعر

مبارك ابن عينان الهاجري

على خير أشوفك كان حنّا من الحييّـن = مصير الليالي تجمع الحي مـع حيّـه
بقدرة ولي الكون رب البشـر والديـن = ألاهٍ سجدنا تحـت عرشـه وكرسيّـه
يقلّل سنين العمـر ولاّ يزيـد سنيـن = في ايديه الأمر ماهوب في ايديك وايديّه
وترى البعد بعد القلب ماهوب بعد العين = وأنا ابعدت عنّك وانت في قلبي وفيّـه
وأبوعدك وعد الحر والحر وعده ديـن = وبودّعك ذلحين وأوعدك فـي الجيّـه
لو أن البطا والبعد والمنتـزح والبيـن = تقطّع حبـال الوصـل وتغيّـر النيّـه
علي نذر ولاّ أقول تدري علي نذريـن = ماينساك قلبٍ وانـت ذكـره وطاريّـه
معي صبح ولاّ ليل ولاّ منيـن وويـن = تنقّل مابين عـروق قلبـي وعراويّـه
من الثلث ألأول لين يبدابـي الثلثيـن = وأنا أجلس مع طاريك ياحيّـك وحيّـه
أغني عليه يسار وأهرج عليـه يميـن = وألأشواق ماموره وألأحـزان منهيّـه
وأغمض عليك من الغلا عيوني الثنتين = وأرقّدك في ذيّه وأسهـر معـك ذيّـه
ولحّفك خمس ضلوع ووسادتك ضلعين = وأضمك شويّه وارتخي منّـك شويّـه
وتنثر شعرك ومعنزه ركبه وكوعيـن = وأشوفك وأقـول الله يعيـن الهواويّـه
وأذكرك قبل تنام تدعي وأقـول آميـن = تطيب الجروح اللي من الحب مكويّـه
وأذا الله أشاء وعاد حنّا مـن الحييّـن = علي بالحرام أنّي لعايدك فـي ضحيّـه

[الكيكة]

صح لسان قايلها وتسلم يد نا قلها ****

قصيده روعه

امتعتنا يا أحمد****

[احمد الرويس]

شكرررررررررررررررررررا على مرورك

[نواف الشيباني]

أخوي أحمد لاهنت على النقل وصح الله لسان شاعرها ... تقبل مروري ,,,

[احمد الرويس]

نواف الشيباني لاهنت وتسلم على مرورك

[مطيريــهـ وأفتخـر]

مـــن زمـــآآن وأنآ وأدورهــآآ كــآملــــهــ
تســـلمـ يــآ أحمــد ع إلنقـــــل
ومــآ قصرت يــآآلغــآلــي ..

[قمر مطير]

عاش كاتبها وناقلها قصيده جميله وتعبرعن اللي في قلب الناقل لها ر,,,,,,,,وعه

[الزئبق الآحمر]

على خير أشوفك كان حنّا من الحييّـن = مصير الليالي تجمع الحي مـع حيّـه


قصيدة مميزة بيض الله وجهك على النقل