ذكااااء البنت

[الكيكة]

مرحبا شلونكم يا حلوين لبى روحكم والله ،،، بقول لكم قصة حلوه خفيفه وظريفه



الملك سأل الشعب سؤال وقال الي يجاوب عليه صح راح يعطيه فلوووس كثيره وكل شي يبيييييه


شنو اكثر شي وشنو اكبر شي ..؟؟؟؟



راح الخادم .. على بيته وقاعد يفكر ..


جته بنته .. وقالت : شنو فيك ؟؟


قام قالها : الملك اليوم سأل الشعب سوال وقال اللي يجاوب عليه ..
راح يعطيه فلوس وكل اللي يبغاه وانا مو عارف الإجابة..


البنت : شنو هو السؤال ..؟؟


الخادم : شنو اكثر شي وشنو اكبر شي ..؟؟


البنت : روح عند الملك وقله اكبر شي ارضك واكثر شي مالك ..


راح الخادم عند الملك وقاله : ياملك انا لقيت اجابة لسؤالك ..


قال الملك : تفضل ..


الخادم : اكثر شي مالك وا أكبر شي ارضك ..


الملك : منو قالك الإجابة ..؟؟؟


الخادم : بنتي ..


الملك : طيب روح قلها ..


لابسة ومهي لابسة..


ماشية ومهي ماشية ..


هدية ولا مو هدية ؟؟؟


الخادم راح عند بنته وقالها .. : الملك يقولك
لابسة ومهي لابسة..


ماشية ومهي ماشية ..


هدية ولا مو هدية ؟؟؟



البنت : طيب روح جيب لي شبكة .. وغنمة .. ولحمة ..


استغرب الأب الخادم من الطلبات بس راح وجابها ..


لبست البنت الشبكة وركبت الغنمة .. ومسكة اللحمة وراحت ودخلت عند الملك ..


وقالت : ياملك .. انا لابسة شبكة ومو لابسة ..


وماشية بس مو على رجولي على غنمة..


وهذي لحمة انت تعتبرها هدية ولا مو هدية..



الملك .. اعجب بذكاء البنت وقالها تتزوجيني؟؟


اتزوجت بنت الخادم الملك .. وعاشو في سبات ونبات .. وخلفوا صبيان وبنات



المهم ....



بعد سنين .. كان في خادم من الخدم اعطاه الملك حصان هدية ..


وفي يوم نام الخادم ونسي انه يأكل الحصان قام هاج الحصان ..


فجاه الملك وطرد الخادم وقاله هات الحصان ورووح..


راح الخادم وهو زعلااان ..


المهم شافته الملكة .. وقالتله ايش فيك ..


قالها: الملك طردني واخذ مني الحصان..


قامت قالتله: خذ سنارة واقعد اصطاد بالحديقة على العشب


ولو جاك الملك وقالك شنو تسوي قله اذا انت مارزقتني يمكن ربي يرزقني..


سوا الخادم مثل ماقالتله الملكة ..


جاه الملك .. وقاله شنو قاعد تسوي..؟؟


الخادم : اذا انت مارزقتني يمكن ربي يرزقني..


قام الملك قاله : منو قا لك تقول كذا.


الخادم : الملكة..


عصب الملك .. وطفش من ذكاء البنت ..


وراح للملكه .. وقالها : شوفي يابنت الناس .. لمي اغراضك .. وروحي على بيت اهلك .. بس قبل ماتروحي .. سويلي شاي .. وخذي اغلى شي عندك



المهم .. قامت البنت سوتله شاي وحطتله فيه



منوم العوووووووووووبه



المهم صحي الملك .. ولقى نفسه في بيت الخادم ( ابوالبنت )



قام قال :: شنو اللي جابني هني.!!!!!



البنت:مو انت قلت لي روحي بيت اهلك وخذي اغلى شي عندك..!


وانت اغلى شي عندي



صرااحه هالبنت عجيبه ماشاء الله نفسي
بس هي احسن مني بشووووي خخخخخ

[غلاي عتيبه]

قمه الذكاء
يسلمووووو

[سيف الأسلام]

وراح للملكه .. وقالها : شوفي يابنت الناس .. لمي اغراضك .. وروحي على بيت اهلك ..


هالشطر هذآآ أستوقفني كثير وخلاني أضحكــ ,, لان اللي كتب هالقصه , أو اللي نقلها بمعنى أصح ,, متأثر بالمسلسلات الخليجية .


هههههـــاي

يسلموو تقديري لروحكــ الحلوهــ

[الكيكة]

ههههههههههههههههههاي

عاد أنت طووووف سيوووف طووووف بعد هالقصه أنا مغيره فيها شغلات على مزااااجي هع