انا شاعر مع الشعار ...

[محمدغازي العتيبي]

في احدى المنتديات واللذي انا ماسك الاشراف لمنتيات المحاوره به
لعبت بهذا المطلع مع احد شعراء المنتدى ولم ي رد عليه حتى الان اكثر من شهرين وسوف ابدأ به معك شاعرنا الكبير فهد الجبري مع تغير بسيط واستلم

انا شاعر مع الشعار ياليل الشعر محلاك..

نجومك يابن جبري فوق ظهر الغيم سباحه..


تفضل يابن جبري والحمى ياصاحبي يحماك..

عسى ربعي عتيبه في وسط خيطان مرتاحه..

[منصور سعد]

الله الله على الابداع

صح الله لسانك يابو غازي

في انتضار فهد.و نتشرف بقيادة صفك..ولاهان اخوي فهد

[خالد الثبيتي]

صح لسااااااااااااانك يا ابن غازي

ولا هنت على هالبدع

[محمدغازي العتيبي]

صح بدنك ابوسعد وانا اللي يحصل لي الشرف طال عمرك

اخو ي /خالد الثبيتي صح بدنك وبيض الله وجهك شرفني مرورك

[فهد الجبري]

اعتذر عن الاطاله ولكن توني اشاهد الموضوع
وصح الله لسانك .. وخابرينك تجيب الجديد وتجيد ولعلي جاريتك بهالابيات



هلا يا مرحبا يلي ندوّر مـن سنين ارضـاك
ولكــن دارت الدنيــا وصــــرت اليوم ذباحه


يا بن غازي كثير الهرج ما يصلح مع شرواك
ولابه داعي نفتح شـي دوب النفس مرتاحه

[محمدغازي العتيبي]

لاهنت يالطيب واستلم ..

يدوم الك البقا ياللي علا البيدا تعد خطاك...

وانا خايف علا شرواك موته جاه بسلاحه ...

ياليتك قبلها شاورت يوم اللعب في مرماك...

لكن اليوم صار الجرح بين ايدين جراحه ..

[محمدغازي العتيبي]

الليل يابو عماش

[فارس الجذعان]

صح لسانكم ياشعار متابع

[محمدغازي العتيبي]

صح بدنك يافارس

[فهد الجبري]

صرحتا انا استغرب من بيت ابو غازي اقصد البيت الثاني ولكن اكتشفت ان لدي خطأ املائي والبيت تم تعديله واشكر ابو غازي على الملاحظه

[تعبت ابكي]

وانا بصف فهد ولاهان شاعرنا
يالله يافهد ابدع

[فهد الجبري]

آسف للإنقطاع ثلاث ايام وذلك بأنني كنت مسافرا

إستلم بصدر ٍ رحب


ابنشد حضرتك عن علم لا جابك ولا وداك ×××× وحالك مثل رجــل ٍ وسط عجّه والهــوى كاحه

ليا من زدت في هرجتك ابا جوّدك من علباك ××× وابا شوتك بوسط البحر ولا لك عندي طفاحه

[الجود]

صح اللة السان شعارنا
وانا بصف شاعرنا المميز فهد الجبري خلوووها
ولاهنت يامحمد

[تعبت ابكي]

الحمدلله عالسلامه المبدع فهد
وحيلك فيهم :36_1_11[1]:

[محمدغازي العتيبي]

حمد لله على السلامه ولعاد تعود الانقطاع عن صفحتك لانه لاغاب الريس غابو الموظفين استلمت ...


تقوله وانت محني في يديني مثل عود الراك...وغزير الجم منته يافهد بلعون سباحه


ترا هاذي صعيبه يافهد من مثلك اوشرواك...ليا زعلتنا نمسح علا الأ سما بمساحه

[منصور سعد]

الله الله يابو غازي صح الله لسانك ولاهنت ياذيب

و صح الله لسان فهد ولاهان

[فهد الجبري]

ابشر بعزك ولحد يسري القيفان يا الذيب


دوووووك




توقع لا تفقع كلمة ٍ ما ظنها تخفــاك *** تبا تضحك على العالم وكل ٍ شاهد الساحه


محمد يا محمد يا حلو زولك هنا ومنّاك *** تعال إقرب ابا عايدك في موزه وتفاحه

[محمدغازي العتيبي]

ياسلا عليك هنا ومناك صح لسانك ..


اظن الفرق واضح يافهد لا تشبك الاسلاك ... ثم اخليك عبره للعرب في منتدى الراحه

الك موزه مع موزتك يالله جعلها تهناك ... بعد ماتاكل الثنتين ريح فوق طراحه

[فهد الجبري]

ههههههههههههههههه ما هنتني

دوووووك

يا بو غازي نعرف انك مع العالم على عمياك **** تجيب العيد في هرجتك ونفسك دوم فضّاحه

تبا تنطح شجاع القوم لكن الشجاع ادماك *** بعد ما كنت جندي يا محمد شايل سلاحه

[خالد الثبيتي]

ههههههههههههههههههههههههههههههه


لا حووووووووووووووووووووووول


صحت الالسن

[محمدغازي العتيبي]

الله لايهينك يابن العم وكفو ونارك حيه مادخلها الرمادي والحقيقه استانست باللعب معك وبيض الله وجيهكم جميعا ..


عسى الله يرحم اللي يافهد بالمرجله رباك... وبنا له فالبلد قصر يشابه قصر فالباحه
.

انا حبيت اساير وقنا والوقت مايغواك ... وتبين لي قرونك يافهد بالحيل نطاحه ..

قفلتها عندك والعذر والسموحه كان جا قصور .

[فهد الجبري]

وغفر لشيبانكم ان شاء الله ولي الشرف في اللعب مع فحل مثلك وشرواك ولا هنت يا الذيب

اي بالله ثم اي بالله قصر ولا هدّه زمان ٍ جاك **** مثبت ساسه بقاعه ولا زعزعته رياحه

ولا به شكّ يا محمد اخذنا من يدك مركاك **** هقيناها بلوَيَ اليدّ لكن جات بالراحه

[محمدغازي العتيبي]

صح لسانك ولنا لقاءات قادمه انشاء الله

[الجود]

اللة اللة عليك يافهد بن جبري واللة انك ماقصرت حيلك فيهم ياشاعر المنتدى
يعطيك العافية ولاهنت على هذة المحاورة الطيبة مثلك وشرواااااااااااك

[خيال]

ههههههههه صح السانكم جميعا لاهنتووو

[طويق]

ياسلام .محمدغازي اشهد انك شاعر معنى وخطير

فهد الجبري لاهنت