نبض المشــــــــــــــــــاعر ,,,,,

[نواف الشيباني]

يشرفني تعليقكم على بوحـــــــي ,,,,






صدق المشاعر ياحسافه بكم ضاع=حتى الوفا ياكيف في حبك يضيع
أرخصت قلب(ن) شاري(ن) لك ولاباع=ياوضع قدرك المشاعر لها تبيع
حبي على وضح النقا باين وشاع=ماهو بحب(ن) جاه بالكذب تلميع
الكذب مصدر متخذ منك مذياع=ماهي غريبه لحصل فيه....... تطبيع
حتى العلاقه بينكم ماخذه باع=نفس طويل(ن) مايجي فيه تقطيع
ياما نهيت القلب عنكم ولا طاع=مايستمع للهرج فيكم ولا... يطيع
يقطعك ياحب(ن) به القلب ملتاع=نبض الندامه بذبحه دون تشييع
لصار نبضه تسلية زيف وخداع=وشلي بنبضه دام كذبه له ....اتبيع
أخطيت ياعذب المشاعر والأطباع=في حق منهو قطع القلب تقطيع

وسلامتكـــــــــم ,,,

[محمدغازي العتيبي]

لافظ فوك وبيض الله وجهك رائعه

[الكيكة]

ياما نهيـت القلـب عنكـم ولا طـاع

مايستمـع للهرج فيكـم ولا... يطيـع




كلمات كنها بالقلب طعنات


صح لسانك يانواف

[سفيرة مطير]

يقطعك ياحب(ن) بـه القلـب ملتـاع
نبـض الندامـه بذبحـه دون تشييـع

الله عليك بس

على راسي هالبيت وراااعيه

صح لساانك

وننتظر جديدك

[العصيمي]

صــــــــــــــــــــح لســــــــــــــانكـ يانــــــــــــــــــــــــــوااااااااااااااااف



واعتـــــــــــــــلـــى شـــــــــــــانكـ


قـــــــــــدام قــــــــــــــــدام

[نواف الشيباني]

أخوي محمد لاهنت على مرورك الجميل وتعليقك الأجمل ولا خلا ولا عدم ,,, شرفني مرورك ,,,,

[نواف الشيباني]

أختي الكيكه شرفني مرورج وتعليقج ولاخلا ولاعدم ...... أسعدني مرورج,,,,

[نواف الشيباني]

أختي سفيـــرة مطير يسلم راسج وهذا من ذوقج ياذوق ولا خلا ولا عدم ... أسعدني مرورج ,,,

[نواف الشيباني]

العصيمي بيض الله وجهك ولا خلا ولا عدم وقــــدام في وجودك ... لاهنت وأسعدني تواجدك ,,,,