ما ذم غيـر اللـي عليهـم مذمّـه !

[ليل السهارى]

السـلام عليكـم ورحمـه الله وبـركـاته

قصيـده تحـكى واقـع مجتمـع يكثـر فيـه المنـافقيـن وسـود القـلوب !


ما ذم غيـر اللـي عليهـم مذمّـه
( سودالوجيه ) اللي بهم كل عذروب

أقصارالايدي ما أعتلت كـل قمّـه
( الطيب ) فيهـم مالقينـا لـه دروب

شلّة عفـن ومخالطـه كـل خمّـه
مامنهم اللي بين ( الأخيار ) محسوب

لاجاك واحدهـم تقـل شيـخ أمّـه
وهو ضعيف الشور لاعقل وأسلوب

الزول زول ( الذيب ) والوجه رمّـه
لو بالخلا ثوبه من ( البنت ) مسلوب

وقت الرخا ( فارس ) وبالضيق سمّه
( كلبٍ ) يجرأعواه والقلب مرعـوب

العار فـي وجهـه وحقـده بدمّـه
شين النوايا تـاركٍ كـل ماجـوب

شحيـح كـفٍ والـردا دوم همّـه
حقّه معا ربعه من ( شعيل )عرقـوب

لو طوّل ( اللحيـا ) وقصّـر بكمّـه
عن دربه اللي ماشيٍ فيه ما يتـوب

يا (فهيد) جاك العلم والعلـم عمّـه
خبر به اللي في هقاويـه منكـوب

وإلا رجال (الطيب) أهـل المهمّـه
أفعالهم بيضـا بها (الشعر)مكتـوب

ماذمّهـم و (الطيـب) فيهـم متمّـه
بيض القلوب ولاذكر فيهـم عيـوب

خطلان الايـدي وارده كـل جمّـه
تارد عدود (الطيب) لو قامت حروب

مامنهم اللي لا حكـى جـاب نمّـه
طيب السوالف عندهم شي مطلوب

الطيب فيهم و(الكـرم) بـه ملمّـه
(عوق الحريب) مزبّنه كل مكـروب

لا شفت واحدهـم بعينـي أضمّـه
أفرح بشوفه فرحة (الورع) بالثـوب

والطيب خاله عارفـه قبـل عمّـه
مدهل رجالٍ تحتمي كـل رعبـوب

وأختامهـا هـذا كلامـي متـمّـه
صلوا على خير البشر نسل يعقوب


..


تـمـت لـشـاعــرهـــا

[منصور سعد]

اللهم صلي وسلم على سيدنا محمد

صح لسانك