فهد الجبري
04-12-2010, 05:41 PM
... الشعر النسائي وما أدراك ما الشعر النسائي ...
لعل التاريخ والمؤرخين لم يعطوا الشاعرات حقهن في حفظ قصائدهن ,,
ولا شك ولا ريب أن هناك من الشاعرات التي يعجز التاريخ على أن يجد مثلهن في هذا الزمن
ولا سيما الشاعره نوره بنت حوشان صاحب القصيده البيت المعروف الذي اصبح مضربا للمثل
ألي يبينا عيّت النفس تبغيه ,,, والي نبا عيّا البخت لا يجبه
وعابرة سبيل , وبنت ابوها , والمرهوصه , ومويضي . و الكثير الكثير التي يعجز المقام عن إحصائهن .
أما اليوم فنحن مع إحدى شاعرات الباديه بل تُعد من شاعرات قبيلة عتيبه
الشاعره عمشه بنت مشعان بنت فرج القبع الدغيلبي البرقاوي العتيبي رحمها الله ,
بنت الفارس المعروف وأخت الشاعر المعروف عبدالهادي بن مشعان عليهم رحمة الله اجمعين .
حدثني احد الاقارب ويوقول انها تجاوزت المئه من عمرها , ويحدثني قائلاً : أذكر اثناء الاحتلال الصدامي للكويت
أنها كانت ترى التلفاز وكان خلف بن هذال يلقي قصيدته وبينما كان خلف بالتلفاز وهو يلقي قصيده إقتربت من التلفاااز
وقالت : ( إيـــه يا خلف علمهم , إيه يا خلف علمهم ).
طبعا كانت في تلك الايام قد أصيبة بالخرف ولم يعلم احد ما قصدها بقولها : يا خلف علمهم . ( وأظني اعرف قصدها ) .
توفيت رحمة الله عليها بعد الغزو بسنه او سنتين وقد تجاوزت التسعين عام , ولها إخت حيّه إلى الآن وهي كبيره بالسن وعمرها أظنها
فوق التسعين كذلك . أطال الله عمرها بالصحه والعافيه
أترككم الآن مع الشاعره أم نايف رحمة الله عليها
ضيقة البــال
شفت البحر زايد ٍ يانـوف=يابنت مـن يحتـم الهيّـه
يابنت من يبذل المعـروف=الطيـب اللـي نفـل حيّـه
ياشبه ظبي ٍ مع القفقـوف=والعيـن عيـن النداويـه
في جحر عينك لميع سيوف=ياكثـر زيـن السعـوديـه
في ضيقة البال وأبي اشوف=والا ّ لا هـذي ولا ذيّــه
يا محمــد
يامحمد إن ّ البعد عنكـم حدانـي=واشتب في صدري سواة الوقودي
ونّيت عقب أوحيت علم ٍ لفانـي=على اللذي حطّوه وسط اللحودي
على عزيز الجار ريف العوانـي=الدمع من عيني تغشّـى خـدودي
لاوالله الا ّ راح نـور المكـانـي=ليته فداه الخايب اللـي حسـودي
ليته بضرب السيف فعل اليمانـي=وأنخى عتيبه معربين الجـدودي
لكن فعل الـرب را ع الحسانـي=وأنا احمد الرحمن رب ّ الوجودي
أنا برجـوى فـارس المرحبانـي=يـوم إن قلبـه للقرابـه ودودي
وناصر بصير وفاهـم ٍ بالمعانـي=يرعى خوانه قاصرين العضـودي
وحصّه صبي العين صاف الثماني=ومن حسّها ياذعار عد ّه يهودي
مــا رخص قعودي
ياراكب اللي بوصف الذيب سرحاني=ضروبته ماخلطهـا نسـل جرميّـه
إليا أقبل الليل مس حبـال ريمانـي=والعصر رفّع شليله وصف وكريّـه
حلفت ماأرخص قعودي غال الاثماني=لو زوّدوا بالثمـن كـل الشريطيـه
سعد طبعا أحد أبناءها
يا سَعد يا سِعد
يا (سعد ) ياسعد منهو مرجهنّي=من كثير الهم في قلبه جـلادي
ياسعد دوك الليالـي غربلنـي=كن ضو إبقيق تشعل في فوادي
ياسعد يابعد من همّـه شحنّـي=دونه الصمان مع حمر الريادي
يارجاي إدموع عيني غرّ قنـي=مثل سيل ٍ حادر ٍ له وسط وادي
وهذه القصيده قالتها في إبنها سعد عندما أدخل السجن
السجن
ن وصلت السجن شوفه ماحصلّي=دونــــه الـشـبــاك مــايـــوح الـمــنــادي
طـالـبــك يامـعـتـلـي رب ّ الـمـصـلـي=تظهر اللي مامشـى درب الفسـادي
لاحــــســـــود ولابـــخـــيـــل ولايـــــذلّـــــي=كـامـل الاوصــاف طـيــر ٍ للهدادي
وإن نـصـاه ضـيـوف قابـلـهـم يـهـلّـي=قطع راس الكبش من يـوم العيـادي
نصف السّنه
نصف السنه فـي حجـرة ٍ مستكنـي=وفالليل ماحولـي ياكـود العصافيـر
افرح ليـا شفـت الخـوات أقبلنـي=هجّن علـي البـاب جنّـي مساييـر
أحمس لهن بالجمـر فصليـن بنّـي=وترحيب ٍ أكثر من حصى كشب والنير
بنـات مـن يـروون حـد المسنـي=وبيوتهـم تعـرف ليـال المعاسيـر
يا جر قلبي
ياجر قلبي مـع (دحيـم) ياجـره=جر الرشا من فوق عوج اللوحيف
ياراكب من عندنـا فـوق حـره=ممساك ابو بتلا زبون المواجيف
رد السـلام وعلمـه بالمـسـره=ودموع عيني فوق خدي ذواريف
وهذ القصيده مسنده إلى ولدها نايف
قنبت
قنبت انا قنبـة السرحـان يا نايـف=والحر في الكبد ودمع العين تجري به
جاني خبر من زبون الحرد والخايف=خـلاه هويـدي ولا كبـر مواجيبـه
ياليتني عند ابوي وبحالـه ارايـف=واون اذا ون ياسعيدان وامشي بـه
وسامحوني على التقصير ولكن هذا الي قدرت أحصله من قصايدها , وبإذن الله إن حصلت على اي قصيده لها سأقوم بإظافتها ضمن ديوانها
أخوكم / فهد الجبري
لعل التاريخ والمؤرخين لم يعطوا الشاعرات حقهن في حفظ قصائدهن ,,
ولا شك ولا ريب أن هناك من الشاعرات التي يعجز التاريخ على أن يجد مثلهن في هذا الزمن
ولا سيما الشاعره نوره بنت حوشان صاحب القصيده البيت المعروف الذي اصبح مضربا للمثل
ألي يبينا عيّت النفس تبغيه ,,, والي نبا عيّا البخت لا يجبه
وعابرة سبيل , وبنت ابوها , والمرهوصه , ومويضي . و الكثير الكثير التي يعجز المقام عن إحصائهن .
أما اليوم فنحن مع إحدى شاعرات الباديه بل تُعد من شاعرات قبيلة عتيبه
الشاعره عمشه بنت مشعان بنت فرج القبع الدغيلبي البرقاوي العتيبي رحمها الله ,
بنت الفارس المعروف وأخت الشاعر المعروف عبدالهادي بن مشعان عليهم رحمة الله اجمعين .
حدثني احد الاقارب ويوقول انها تجاوزت المئه من عمرها , ويحدثني قائلاً : أذكر اثناء الاحتلال الصدامي للكويت
أنها كانت ترى التلفاز وكان خلف بن هذال يلقي قصيدته وبينما كان خلف بالتلفاز وهو يلقي قصيده إقتربت من التلفاااز
وقالت : ( إيـــه يا خلف علمهم , إيه يا خلف علمهم ).
طبعا كانت في تلك الايام قد أصيبة بالخرف ولم يعلم احد ما قصدها بقولها : يا خلف علمهم . ( وأظني اعرف قصدها ) .
توفيت رحمة الله عليها بعد الغزو بسنه او سنتين وقد تجاوزت التسعين عام , ولها إخت حيّه إلى الآن وهي كبيره بالسن وعمرها أظنها
فوق التسعين كذلك . أطال الله عمرها بالصحه والعافيه
أترككم الآن مع الشاعره أم نايف رحمة الله عليها
ضيقة البــال
شفت البحر زايد ٍ يانـوف=يابنت مـن يحتـم الهيّـه
يابنت من يبذل المعـروف=الطيـب اللـي نفـل حيّـه
ياشبه ظبي ٍ مع القفقـوف=والعيـن عيـن النداويـه
في جحر عينك لميع سيوف=ياكثـر زيـن السعـوديـه
في ضيقة البال وأبي اشوف=والا ّ لا هـذي ولا ذيّــه
يا محمــد
يامحمد إن ّ البعد عنكـم حدانـي=واشتب في صدري سواة الوقودي
ونّيت عقب أوحيت علم ٍ لفانـي=على اللذي حطّوه وسط اللحودي
على عزيز الجار ريف العوانـي=الدمع من عيني تغشّـى خـدودي
لاوالله الا ّ راح نـور المكـانـي=ليته فداه الخايب اللـي حسـودي
ليته بضرب السيف فعل اليمانـي=وأنخى عتيبه معربين الجـدودي
لكن فعل الـرب را ع الحسانـي=وأنا احمد الرحمن رب ّ الوجودي
أنا برجـوى فـارس المرحبانـي=يـوم إن قلبـه للقرابـه ودودي
وناصر بصير وفاهـم ٍ بالمعانـي=يرعى خوانه قاصرين العضـودي
وحصّه صبي العين صاف الثماني=ومن حسّها ياذعار عد ّه يهودي
مــا رخص قعودي
ياراكب اللي بوصف الذيب سرحاني=ضروبته ماخلطهـا نسـل جرميّـه
إليا أقبل الليل مس حبـال ريمانـي=والعصر رفّع شليله وصف وكريّـه
حلفت ماأرخص قعودي غال الاثماني=لو زوّدوا بالثمـن كـل الشريطيـه
سعد طبعا أحد أبناءها
يا سَعد يا سِعد
يا (سعد ) ياسعد منهو مرجهنّي=من كثير الهم في قلبه جـلادي
ياسعد دوك الليالـي غربلنـي=كن ضو إبقيق تشعل في فوادي
ياسعد يابعد من همّـه شحنّـي=دونه الصمان مع حمر الريادي
يارجاي إدموع عيني غرّ قنـي=مثل سيل ٍ حادر ٍ له وسط وادي
وهذه القصيده قالتها في إبنها سعد عندما أدخل السجن
السجن
ن وصلت السجن شوفه ماحصلّي=دونــــه الـشـبــاك مــايـــوح الـمــنــادي
طـالـبــك يامـعـتـلـي رب ّ الـمـصـلـي=تظهر اللي مامشـى درب الفسـادي
لاحــــســـــود ولابـــخـــيـــل ولايـــــذلّـــــي=كـامـل الاوصــاف طـيــر ٍ للهدادي
وإن نـصـاه ضـيـوف قابـلـهـم يـهـلّـي=قطع راس الكبش من يـوم العيـادي
نصف السّنه
نصف السنه فـي حجـرة ٍ مستكنـي=وفالليل ماحولـي ياكـود العصافيـر
افرح ليـا شفـت الخـوات أقبلنـي=هجّن علـي البـاب جنّـي مساييـر
أحمس لهن بالجمـر فصليـن بنّـي=وترحيب ٍ أكثر من حصى كشب والنير
بنـات مـن يـروون حـد المسنـي=وبيوتهـم تعـرف ليـال المعاسيـر
يا جر قلبي
ياجر قلبي مـع (دحيـم) ياجـره=جر الرشا من فوق عوج اللوحيف
ياراكب من عندنـا فـوق حـره=ممساك ابو بتلا زبون المواجيف
رد السـلام وعلمـه بالمـسـره=ودموع عيني فوق خدي ذواريف
وهذ القصيده مسنده إلى ولدها نايف
قنبت
قنبت انا قنبـة السرحـان يا نايـف=والحر في الكبد ودمع العين تجري به
جاني خبر من زبون الحرد والخايف=خـلاه هويـدي ولا كبـر مواجيبـه
ياليتني عند ابوي وبحالـه ارايـف=واون اذا ون ياسعيدان وامشي بـه
وسامحوني على التقصير ولكن هذا الي قدرت أحصله من قصايدها , وبإذن الله إن حصلت على اي قصيده لها سأقوم بإظافتها ضمن ديوانها
أخوكم / فهد الجبري