الكيكة
04-02-2010, 10:07 AM
السلام عليكم عندي قصه روعه قريتها وودي تقرونها علشان تعرفون ان في ناس حساسه معدنها طيب ، تفكيرها راااقي ورائع ، كان في شاب اسمه خالد جالس مع خاله يوم الجمعه ، يعيشون في جده ، قاله خاله اشرايك نروح اليوم ونصلي الجمعه في الحرم ، وافق خالد وقاله خلاص راح نروح على سيارتي وفعلا راحوا ، وفي الطريق لاحظ خالد وهو يسووق السياره أن هناك ومسجد قديييييم متحطم نصه وعلى مكان مرتفع من الأرض ، والغريب أن في سياره تقف عند هذا المسجد القديييم المحطم ، وصل هو وخاله عند الحرم وصلوا الجمعه ، قرروا انهم يردون لجده قبل صلاة العصر ، وفي طريقهم للعودة ، لاحظ خالد ان السياره الي كانت موجوده عند المسجد ما زالت موجوده ، فاستغرب وقرر انه يدخل ويشوف ، شالسالفه ، طبعا الخال عارض في البدايه لكنه وافق بسس ألحاح خالد ، انزلوا عند المسجد والا بصوووت بقمه الروعه يقرأ القرآن ، دخلوا المسجد فوجدوا شاب يجلس في زاويه من زوايا المسجد يقرأ بكل خشوووع ، لدرجه انه لم يسمع تحيه السلام ولم يرد عليها ، وقف خالد مع خاله باستغراب ينظران الي هذا الشاب الذي لم يشعر بحضورهم ، ثم رفع رأسه ونظر اليهما ، فقال الشاب الأول ممكن نصلي معاك العصر في هذا المسجد ، ابتسم الشاب والتفت وراه وقال (( افرحوا بنصييير جماعه )) تلفت خالد فلم يجد بالمسجد غيره هو وخاله مستغرب هو يكلم منو ؟ ثم صلوا العصر ، وبعد الصلاه ذهب الخال وجلس في السياره ، بقى الشاب مع خالد ، وقاله ممكن اسألك سؤال محيرني شغلني حتى في صلاتي . الشاب : تفضل خالد : انت كنت تكلم منو لما قلت افرحوا صرنا جماعه ؟ الشاب : كنت أكلم الملائكه . انا راح أقولك قصتي ، من أول ماتوفى أبوي الله يرحمه وانا أحب المساجد المهجوره وابحث عنها في مكان ، علشان أدخل واقرأ القرآن فيها وأصلي فيها هذي المساجد انهجرت وتحطمت وكان يذكر فيها اسم الله تعالى ، توقع اشكثر هذي الطوف مشتاقه لصوت المصلييين وهم يقولون آمييييين ، واشكثر الملائكه احزنت لأن المكان ماعاد يقرأ فيه القرآن ، فأصبحت أنا أبحث عن هذي المساجد لأكون ونيس للملائكه ، راجيا من الله تعالى أنه يؤنس والدي في قبره ... فتعجب خالد من هذا الشاب النادر صاحب التفكييير العميييق سبحاااانك يارب منو من الشباب يفكر بهالطريقه ؟ يروح للمساجد يملأها تلاوه وخشوووع وذكر وشكرا لكم