انا اذكرخالتي حمده ومقبوله ومستوره

[ثامرالشيباني]

يمه انا ودي اقول للناس

عن الشيمه عن الحسره عن الاحساس

انا ودي احكيهم, اضحكمهم,ابكيهم
http://center.jeddahbikers.com/download.php?img=221517 (http://center.jeddahbikers.com/)


عن الدمعه وليل الخوف

عن القصه حروف حروف

عن جروح تسافر بي وترقى

ثم تحول بي مثل غيري من الاجناس
http://center.jeddahbikers.com/download.php?img=221577 (http://center.jeddahbikers.com/)
وانا عمري يقول يمه

وانا فرحي يقول يمه

وانا جرحي يقول يمه




انا اذكر طفيه الفانوس
http://center.jeddahbikers.com/download.php?img=221521 (http://center.jeddahbikers.com/)
وانا اذكر لذعه الناموس

وطعم الرز والمعدوس

ولا به شرح او قاموس


انا اذكر كل ذا واسأل

زمان راح واتبدل

وذاك القرص من ايدك

تعجنينه.تلمينه.تخبزينه.وانا فرحان
http://center.jeddahbikers.com/download.php?img=221518 (http://center.jeddahbikers.com/)
تبدل كل شيء فينا

ماعاد به شيء يكفينا

انا اذكر اول بجامه

وثوب مشترى للعيد

وانا اذكر اول عمامه

وفرحه خالتي بالعيد

انا اذكر خالتي حمده .ومقبوله. ومستوره

اسامي تمتلي صوره

انا اذكر حمست المحماس

انا اذكر دقة المهراس

انا اذكر ما مت الدافور

وربعي وخاطري المكسور

وصوت العنز واللبان

رواية في زمان كان

انا اذكر يوم قالوا عيد

وانا عيدي بزنوبه

وانا احفظ سوره الاخلاص

وارتل سوره التوبه

وانا اعرف حظي المسكين

يباريني نزيف الجرح

ويسأل وين ودوا به

اقوله وش تبي يا جرح

تبي تاخذ على نوبه

تبي تحرس معاناتي

وكل الارض مقلوبه

تبي تسكن على قبري

وانا المدفون في ثوبه

وعمي مات في بيته

وخالي قد تغدوا به


انا جرحي يسافر بي

وليت الناس حسوا به

تبين الصدق يا يمه

انا بذاك الزمن مجنون


عرفت اشلون لاصحتي احب راسك

عرفت اشلون لا صمتي ولا افطرتي

ولا باعك بعض ناسك

غريبه قصه الدنيا

انا اذكر دمعتي بعيني

وثيقه بينك وبيني

تعذبني..تكذبني..تعاتبني

تبي تقبض على رمشى وتسحبني


انا حظك وانا منك

كبرنا بالعمر يمه

تغربنا .. تباعدنا.. تعذبنا

بعضنا غادر الديره
http://center.jeddahbikers.com/download.php?img=221580 (http://center.jeddahbikers.com/)
بعضنا غاص في الحيره

ولكنا نسينا الروح

ومعنى الحب والحيره

بعضنا ما قرا كلمه

وبعضنا فز من حلمه

وبعضنا طاح به علمه

انا يمه.انا ودي اصارحكي

وعيني ما تبارحكي

ابيكي تصفحي يمه

جعل ربي يسامحكي

انا يمه...وكم مثلي

غريب غربته بيته

زماني راح من عيني

واحسب اني تعديته

تشوفي من انا بغيرك

ومن هو حبني غيرك

انا يمه بعد صدرك

ادور في زمن قاهر
http://center.jeddahbikers.com/download.php?img=221519 (http://center.jeddahbikers.com/)
ادور عن لبن طاهر

ادور عن فرح طاهر

اسامر حزنك الساهر على جفني

وليلي صار يعرفني يعذبني

ويسعفني ...يهاودني يكتفني

يوديني ويجرفني
http://center.jeddahbikers.com/download.php?img=221578 (http://center.jeddahbikers.com/)
انا يمه اعيش بجرح

اذاا لديت يزهمني

ولا ماغفيت يزهمني

ولابه حد يرحمني

سكوتك بس يفهمني

http://center.jeddahbikers.com/download.php?img=221581 (http://center.jeddahbikers.com/)


منقول

اللهم اغفر لامي واموات المسلمين

[فهد الجبري]

عسى الله يرحمها

ويسكنها فسيح جناته

[منصور سعد]

الله يرحمها ويغفرلها

ويرحم اموات المسلمين