لغز جديــــــد

[فهد الجبري]

هذا اللغز جديد وطازج ,,, توني بادعه


ولحد يقول ما يصير او لحد يقول مستحيل


له حل وحله عندي ولكن وين الذيب الي يحله



يقول :



يا ويش بنت ٍ كنها صيدة طير ... لا صادها ثنتين ولا زل بربع

[الجود]

اولا السلام عليكم وماكو شيئ مستحيل بس بالأول فسر كلمة ولا زل موفاهمتها وش معناها!

[فهد الجبري]

زل = يعني اخطأ

يعني اذا صاده الطير كأنه صاد صيدتين

واذا اخطاه كأنه صاد اربع


مع العلم ان الطير يحرص انه يصيده

[الجود]

ههههههههههه يعنني سهلتها لي الحين!!! الا العكس صحيح والف شكر ع التوضيح الكافي والوافي جاري تشغيل المخ ولنا عودة والعود احمدي

[الجود]

مدري بس اتوقع الشارة الي تنحط للرماية

[فهد الجبري]

لا مهمه مالها شغل


اذا صادها صيد 2

وان اخطاها صاد 4

مع العلم انه يحرص وويسوي المستحيل عشان يصيدها

[الجود]

اوكي اخر سؤال الحل طبعا مو كائن حي جماد صح---

[فهد الجبري]

لا هذا ولا هذا
الحــل يصيده الرجال طول عمره وبالنسبه للمره يمكن تصيده بعمرها مرتين او ثلاث ويمكن ما تصيده بعد

[الجود]

صلاة الجنازة او زيارة القبور
واذا غلط لاتجاوب اوكي

[فهد الجبري]

غلط


وللكن قربتي حييل

[الجود]

هههههههههه صلاة الجماعة او صلاة الجمعة

[فهد الجبري]

صلاة الجمعه


اذا لحق عليها الرجال يصليها ركعتين


واذا ما لحق يصليها ظهر اربع ركعات

[الجود]

هههههههه حليتة بس طبعا بمساعدتك يعني مو انا الي حالتة!!!!!! وياعيني ع التشبية طير وبنت وحركات -----

[فهد الجبري]

انتي قلتي لغز وسكتي لج كم يوووم


يالله هاتي الجديد مهمه

[الجود]

تبشر بالجديد