نـوف

[السم الزعآف]

اليا متى قلبي على نوف يرتج
كل ماذكرت جفاه زاد ارتجاجه
واليا متى دمعي على الخد يزعج
واليا متى فكري يعكر مزاجه
واليا متى وانا خجول ومحرج
حتى التحيه أردها بانحراجه
ثنتين لو عدن ترى الهم يفرج
هم الوداع وهم يعلن زواجه
اخاف لو يجبر حبيبي يزوج
غصب عليه ويصير حبي سماجه
يانوف ماني للمقادير محتج
حكم الولي لوشاء يسره افراجه
ياونتي ونة مريض مبنج
ولا عطيب شاربله زجاجه
عايش ورى القضبان والباب مزلج
حكمه مؤبد ولا انقضى منه حاجه
والله لو غابت عن العين لا ادج
وابدل الوان الحزن بابتهاجه
القلب ضايق والنصيب متعروج
ادخل على الله ياعشيري تناجه
منهو يلوم القلب لا عاش في سج
جعل العمى يعميه ويكوى بصاجه
يالايم قلبي على ويش تحتج
خلي من اشرف بيت مابه عواجه
يفديك ياضي القمر من وفد حج
يفديك ربعي موقدين الوهاجه
آلاد روق اللي للاخطار تبهج
افديك بالطيب واكب العجاجه
ياما تمازحنا بايدينا وبالهرج
يمشي على كيفه وانا امشي بمزاجه
يكفيني انه لا نظر لي تغنج
ويكفيه اني تايه في عجاجه
ولابد من يوم اضمه وتفرج
ولابد على ماقيل بكره نتواجه




الشاعر :

سهل بن عوض الثبيتي

[الجود]

صح لسان قايلها وتسلم ايد كاتبها
بصراحة ودك كل حبيبين يتزوجون بعض

[السم الزعآف]

الجود


مشكورهـ ع المرور العطر

[عتيبيه مطنوخه]

واالله في قمة الرروعه

صح لسانكـــ

[السم الزعآف]

مشكورهـ على مرورك عتيبيه

[فهد الجبري]

لا هنت

ولا هان ولد ثبيت

اخوك / فهــد الجبــري

[عــمـــر]

صح لسان شاعرها وتسلم يمين ناقلها

لاهنت