محمد المقاطي
06-29-2007, 02:54 AM
السلام عليكم ورحمة الله وبركاته
مقيط ورشاه!!
للي مايعرف القصه هذي مقدمه بسيطه ,,
صيد الصقور كان يتم عن طريق انهم يصيدونها وهي في الوكر فراخ صغار وهالوكور او الاعشاش
تكون في شقوق الجبال علشان تسلم فريخاتها من الملقف ( جمع ملقوف ) بس الله يخلف على الصقور
ما تدري ان اللقافه سلوك فطري واصلينها واصلينها الملاقيف ( جمع ملقوف بطريقه ثانيه)
وطريقة الصيادين في صيد هالصقور طريقه صعبه تعتمد على تعاون الاثنين والطريقه هي كالتالي :
تعلموا الاسلوب .
يتفق صيادين يصعدون لاعلى الجبل ويربط الواحد منهم نفسه بحبل قوي وطويل ويمسك خويه الثاني
طرف الحبل وينزل خويه المربوط شوي شوي الى ان يوصل للوكر ويأخذ الفراخ ويسحبه خويه لفوق
قبل ما يسون هالعمليه يتفقون بينهم على نصيب كل واحد فيهم من الفريخات من فيهم يأخذ ( النادر ) وهو
الافضل ومن يأخذ ( اللزيز ) وهذا اقل من اللي قبله وآخر شيء ( التبع ) وهذا ما لـه سووق
بتقولون وش دخل مقيط ورشاه
هذي سالفة مقيط
مقيط يا طويلين العمر اتفق مع واحد ينزله بالرشا ( الرشا حبل سميك )الى الوكر وبعيدن يرفعه
اشترط صاحب مقيط ان ( النادر )
يكون من نصيبه و (اللزيز ) من نصيب مقيط وتم الاتفاق .
نزل مقيط وخويه يرخي الحبل شوي شوي لين وصل للوكر يوم شاف النادر في الوكر أعجبه ومن قلة عقله
قال ابرجع باتفاقي مع صاحبي .
صاح على صاحبه يافلان ترى النادر لي واللزيز لك
رد عليه صاحبه اننا ما اتفقنا على كذا قال مقيط والله بكيفك النادر لي واللزيز لك والغبي ناسي انه في مكان
صعب وان الحبل بيد خويه
قال مقيط هاه وش قلت تبي اللزيز ولا بكيفك ترى النادر لي !!
رد عليه صاحبه : (يا مقيط ................. هاك رشاك )
طاح مقيط هو ورشاه من فوق الجبل وصار ملح !!!
وصار هذا المثل منتشر بين الناس للي يبي الفائده ويرجع بالخساره !!!!
وسلامتكم
مقيط ورشاه!!
للي مايعرف القصه هذي مقدمه بسيطه ,,
صيد الصقور كان يتم عن طريق انهم يصيدونها وهي في الوكر فراخ صغار وهالوكور او الاعشاش
تكون في شقوق الجبال علشان تسلم فريخاتها من الملقف ( جمع ملقوف ) بس الله يخلف على الصقور
ما تدري ان اللقافه سلوك فطري واصلينها واصلينها الملاقيف ( جمع ملقوف بطريقه ثانيه)
وطريقة الصيادين في صيد هالصقور طريقه صعبه تعتمد على تعاون الاثنين والطريقه هي كالتالي :
تعلموا الاسلوب .
يتفق صيادين يصعدون لاعلى الجبل ويربط الواحد منهم نفسه بحبل قوي وطويل ويمسك خويه الثاني
طرف الحبل وينزل خويه المربوط شوي شوي الى ان يوصل للوكر ويأخذ الفراخ ويسحبه خويه لفوق
قبل ما يسون هالعمليه يتفقون بينهم على نصيب كل واحد فيهم من الفريخات من فيهم يأخذ ( النادر ) وهو
الافضل ومن يأخذ ( اللزيز ) وهذا اقل من اللي قبله وآخر شيء ( التبع ) وهذا ما لـه سووق
بتقولون وش دخل مقيط ورشاه
هذي سالفة مقيط
مقيط يا طويلين العمر اتفق مع واحد ينزله بالرشا ( الرشا حبل سميك )الى الوكر وبعيدن يرفعه
اشترط صاحب مقيط ان ( النادر )
يكون من نصيبه و (اللزيز ) من نصيب مقيط وتم الاتفاق .
نزل مقيط وخويه يرخي الحبل شوي شوي لين وصل للوكر يوم شاف النادر في الوكر أعجبه ومن قلة عقله
قال ابرجع باتفاقي مع صاحبي .
صاح على صاحبه يافلان ترى النادر لي واللزيز لك
رد عليه صاحبه اننا ما اتفقنا على كذا قال مقيط والله بكيفك النادر لي واللزيز لك والغبي ناسي انه في مكان
صعب وان الحبل بيد خويه
قال مقيط هاه وش قلت تبي اللزيز ولا بكيفك ترى النادر لي !!
رد عليه صاحبه : (يا مقيط ................. هاك رشاك )
طاح مقيط هو ورشاه من فوق الجبل وصار ملح !!!
وصار هذا المثل منتشر بين الناس للي يبي الفائده ويرجع بالخساره !!!!
وسلامتكم