أردى العرب في ماضي الوقت لو عاد الرد على الموضوع

[من عضيان الكويت]

أردى العرب في ماضي الوقت لو عاد=في وقتنا هذا يعادل قبيله
هذي حقيقه والحقيقه لها أسناد=تشهد لها حتى رعود المخيله
الله على وقت المراجل والأمجاد=يوم القصيره في نظرنا طويله
ويوم البساطه فالنظر تأخذ أبعاد=هاك الحياه الطاهره والجميله
من جامعة علم التجارب والاجداد=كلٍ نجح مادور المستحيله
كان الولد يرقا على روس الاشهاد=فالأوله والغانمه والفضيله
عمود بيت أبوه والفكر وقّاد=من نظرة الشايب يبرهن حصيله
يكسب من علوم الرجال أطيب إعتاد=بالخبره اللي للمعالي وسيله
ولا شحت يدين الزمن بالوفاء جاد=والطيب يشمخ من عميل لعميله
واليوم ياكثر العتب فوق الأولاد=من ماكرالعزه رضو بالقليله
كلٍ عن الشايب ورى الغير منقاد=مع شلةٍ ماجابو ألاّ الفشيله
خلوه في بيته قليلين الافواد=يكنها فالقلب يومه وليله
والخادم يقرب له الكيف والزاد=والصدر في جوفه لهيب المليله
كنه يقول الوضع ماعاد يزداد=ليت الزمن يرجع ويرجع صهيله
الي على الردات وقفه وميعاد=واله على الردات راع الاصيله
والله لو عود غسل سم الاكباد=مير البلا من عودته مستحيله
والبيت ماياقف بلا طنب واعماد=والقول لو يكثر قليلن حصيله
خير الكلام الزبده ان قل ون زاد=ومن لاعتبر بالنصح ربي يزيله
من لا يعمّر مجلس أبوه بشداد=ويعز قدره بالفعول الجليله
عليه من رب السماء سخط وجهاد=أقولها والحق واضح دليله
للشاعر / مرزوق بن دحيم العتيبي

منقول

[سعد العصيمي]

صح لسان شاعرها ولاهنت على النقل وقصيدة جزله من راس جزل

[فهد الجبري]

لا هنت طال عمرك

أردى العرب في ماضي الوقت لو عاد
فــــــــــــــــي وقـــــتـــــنــــــا هـــــــــــــــــذا يــــــــعـــــــــادل قــــبــــيــــلـــــه


مع احترامي للشاعر ولكن اعتقد ماهو صحيح الطيب طيب في زمانه وغير زمانه مع الردي ردي في كل وقت كما قال شاعر القبيله
دايم ومرقد ميت النار دافي .
ولا هنت

[منصور سعد]

صح لسان شاعرها وتسلم على النقل