للشاعر بندر الثبيتي/ للشيخ تركي بن حميد - تلعب طرب

[مخلد الذيابي]

السلام عليكم ورحمة الله وبركاته


أسعد الله أوقاتكم بكل خير ..



شيلة : بندر الثبيتي

للشيخ تركي بن حميد { رحمه الله }


http://files.mothhelah.com/img/WJd36498.jpg


قصيده : تلعب طرب



,,,,,,,,,,,,,,,,,,,,,,,,,,,


تلعـب طـرب وانــا بنـومـي هواجـيـس
مــا سـامـرك باللـيـل كـثـر الهمـومـي

اسهـر ألـيـا نـامـت عـيـون الهـداريـس
وبالليـل اساهـر ساهـرات النجـومـي

اوجـس بقلبـي مثـل دق النحاحـيـس
الله يـلــوم الـلــي لـحـالــي يـلـومــي

اشــوف عــدلات اللـيـالـي معـابـيـس
ولا احدن من الدنيـا عظامـه سلومـي

تضحك وتخفـي لـك خفـي الهناديـس
تفـطـر لـنــا يـومــن ويـومــن تـصـومـي

إعمـل وتلقـا وافـهـم العـلـم بالقـيـس
دنـيــاك لـــو زانـــت تــراهــا نـقـومــي

قالوا جهلـت وقلـت جهلـن بـلا قيـس
الجـاهـل الـلـي مـايـعـرف اليـمـومـي

من لايـدوس الـراي مـن قبـل ماديـس
عـلـيـه داســـوه الـعـيــال الـقـرومــي

ومن لايقلط شـذرة السيـف والكيـس
تـبـدي علـيـه مــن اللـيـالـي ثـلـومـي

ومـن لاخـذا الدنـيـا بمـيـزن وتقيـيـس
مـثـل الــذي يسـبـح بليـلـن يـعـومـي

والبـان مايصلـح علـى غـيـر تأسـيـس
ومـــن لاتـعـلــم مـاتـســر الـعـلـومـي

ولا تـوافـق مـشــور الـســو وابـلـيـس
تــبــر مــنــه وعــــز ربــــي يــدومـــي

كــلَ القـلـم مــن كتبـنـا بالقراطـيـس
وركـابـنـا مــــن كــثــر الادلاج تــومــي

لاخيـر فـي كثـر الحكـي والتمالـيـس
قولـن بـلا فعـلـن يـجـي بــه وهـومـي
والعـز فــوق معسـكـرات السـواديـس
إليـا قصـدت الـلـي بالاشـيـا رحـومـي

قـــب تــنــازى بالـنـشـامـا كــراديــس
والـطـيـر فـــي روجـاتـهـنـه يـحـومــي

بالليـل اصالـي حامـيـات المحامـيـس
والصبـح أصـالـي كــل قـبـن قحـومـي

اربــع سنـيـن ودمــع عيـنـي امـاريـس
والعـيـن تسـهـر كــن فيـهـا هـزومــي

وإلـيـا ركـبـت معـالـجـات المـضـاريـس
يبرد على تسبـدي لهيـب السمومـي

صوابـنـا بالحـيـل غمـقـن إلـيـا قـيــس
وطريـحـنـا فـــي مـثـبــره مـايـقـومـي

إن جــن بـنـا مـثـل النـعـام الامـاريـس
لاخـف عجـلـن مــع رقــاق الحـزومـي

استلحـق الـلـي يطلـبـون النوامـيـس
اللـي مـن الاقصيـن وأدنـى اللحومـي

إن جــن بالمـيـدان مـثــل الـدواويــس
وتعـاقـبـوا مــــن فــوقــه الـسـهـومـي

عـرجـن بأهـلـهـن كـنـهـن القـرانـيـس
عـلـى الطـريـح مصـوبـراتـن كـظـومـي

ولومي على اللـي ينقلـون الدبابيـس
واهـل الفـرنـج وكــل رامــي لحـومـي

وشلفـن تركـب بالعـروق المناسيـس
وقحـص المهـار وكــل قـبـن قحـومـي

إليـا إختلـط عــج الملابـيـس بابلـيـس
والمسعـد الـلـي حــظ ربـعـه يقـومـي

والشيخ من يعطي الفقارا المفاليـس
عــــســـــاه بـــــعـــــزن يـــــدومـــــي

حــرن لـيـاا دبـــت عـلـيـه النـوامـيـس
يشـهـر وعــن درب المـذلـه يشـومـي

وإليا اكترب من بعض الاشيا نسانيس
اعــــزم ولابــــد الــفــرج بـالـعـزومــي

ثـوب الفـرج لبسـك نظيـف الملابيـس
ينـجـيـك بـأيــام الـكــرب والـزحـومــي

يجلـي صـدا قلبـي ضبيـح المهاريـس
لاقـــام شـــراب الـقـهــاوي يـعـومــي

ودلال فـــوق الـنــار دايـــم محـابـيـس
إكـرامـهــن حــقــن عـلـيـنـا لــزومــي

ومن صنعة الصبة وخمس التخاميـس
بـرايـتـن يـعـمـل بــهــا كــــل يــومــي

وبهـارهـن عشـرهـن بـلـيـا دنـافـيـس
كـيـفـن يـعــدى للنـشـامـا الـقـرومـي

عـــده لـحـمـاي الـعـيــاد الـمـراويــس
والا الحـصـان الـلـي بقيـنـه وهـومــي

حـتـى يـزيـن لـنـا المـثـل والتوانـيـس
والكيـف طـاب لـمـن يـفـك القحـومـي

وصــلاة ربــي عــدَ رمــل الطعامـيـس
علـى شفيـع الخـلـق يــوم اللمـومـي

عــد النـبـات وعــد لـيـل الطعـامـيـس
وعــداد مايـمـطـر سـحــاب الغـيـومـي

,,,,


:: استماع ::


http://www.kuwait80.com/voices/****at/new/3.rm


رابط للحفظ


هنا (http://www.kuwait80.com/voices/****at/new/3.rm)


,,,,,,,,,,,,,,,,,,,,,,,

في الختام اتمنى ان ينال اعجابكم واستحسانكم ,,,



تحياتي لكمـ