ستبيان انتخابي

[العتيبي30]

السلام عليكم ورحمة الله وربركاته

شباب نبي ترشحون من تزكيه القبيله في التشاوريه بين الاسماء الموجوده حاليا في الساحه

وهم

1 : سعدون حماد
2:نهار ضاوي
3:عايض ابوخوصه
4:فيصل غازي
5:صباح عبدالله
6:بشير عجاب
7:فيصل ابو عجاريد
8 عبدالله شجاع

والمعذره للمرشيحين اللي ماتوردني اسمائهم الان

وهذا مجرد استبيان والراي الاخير للقبيله

والله يوفق الجميع لدينه ووطنه

وتقبلو تحياتي

[جمال الاسعدي]

عايض بوخوصه

نهار ضاوي

اتوقع هم اللى فايزين وارشحهم لن الجميع يحبهم وما عليهم خلاف من كل القبيله

يعني راح يجيهم دعم غير طبيعي واتوقع هم اللى يجمعون شمل القبيله

[غرام الهيـلا]

عايـض بو خوصه


نهار ضـاوي


>>>داخله عرض بس هذه الاسماء اللي أتمنـاهـا


وبالتوفيق ياعتيبـه

[راجح النفيعي]

عــــايض أبـو خــوصه وبقووووه

[الدكتورA]

نهار ضاوي العتيبي

عايض ابو خوصه

مستقبل نواب عتيبه انتم اهلا له دون قصور فى باقي الاخوان

[الريااانه]

الله يوفق الصالح فيهم



شكرا

[النخيش35]

الله يوفقهم جميعاا

[خلف الجذع]

عايض بو خوصه

go abu fahad all otaibah with u

[سلطان المقاطي]

السلام عليكم ورحمة الله وبركاته
أحبتي اخواني وعيال عمي
انا عن نفسي برشح سعدون حماد وبقوووه وعسى التوفيق يشمل دروبنا كلنا
ان كان في احد منك يسئل بنفسه ليه ..؟ أبو حماد بالذات ..؟
سعدون حماد بتكلم عن عتبان الكويت كافه .
في كل بيت عتيبي بالكويت كلها سواء كان في دائرة سعدون ولا غيره تلقى له فضل ومعروف عليهم ، سواء كان نقل أو توظيف أو علاج فالخارج أو اياً كانت .
50 % من عتبان الكويت سعدون حماد له خدمات عليهم .
فالانتخابات الي طافت لما صارت زعزعت نبي كرسيين وليس كرسي واحد خسرنا تحالف المطران والهواجر والكندري وكان هو أقوى تحالف بالنسبه لنا ...
أنا عن نفسي ماني عارف ليه تطمع بعض الانفس بكرسي ثاني وانتم اصلا عددكم مايكفيكم .
سواء كان فيه فرعي او بالترشيح راح يفوز فيه سعدون حماد ،، ماهو دعم من ربعه المقطه لكن دعم من الناس الي تعارضه والناس الي توافقه ،،
سعدون حماد هو الاخبر والافضل بالانتخاب الرئيسي أمام كل القبايل وكلن يحسب له حساب والدليل بداية عايض ابو خوصه وبداية مذكر ثويران وغيرهم من الاعضاء الي كانت لهم الفرصه الاولى فالترشيح ،، حنا مانبي عضو يجرب نفسه ينجح ولالا اذا انت ماكنت نسبة نجاحك 80% لا تنزل وتخرب على غيرك ..
وعيال عمي الي نازلين الحين كلهم ونعم ولا يقصرهم شي لكن حنا لازم نختار الاكفاْء والافضل وعدم التحييز والتعصب ..
ولكم أخلص الشكر والسلام

[العتيبي30]

مشكورين جميعا على المرور

اخي سلطان المقاطي
اذا سعدون حماد له فضل على العتبان
انا اقولك ان عتبان الكويت لهم الفضل على سعدون حماد لانهم هم اللي وصلوه للمجلس
العتبان هم من ساند سعدون ماديا ومعنويا لاتنسى يصفون دور بالحر بالساعات علشان يصوتون لسعدون حماد تجيني الحين انت وتقول سعدون له فضل عليهم ياخي لولا العتبان ماوصل سعدون الى المكانه وانا متاكد ان سعدون ماينسى معروفهم عليه

وتقبل تحياتي

[بنت الصقور]

السلام عليكم ورحمة الله وبركاته

اخوي سلطان المقاطي اسمح لي اعلق على كلامك شوي

اولاً عتبان الكويت هم اللي لهم الفضل على سعدون حماد لانهم هم اللي وصلوه للمجلس .

وبالنسبه لكلامك ان في كل بيت عتيبي بالكويت كلها سواء كان في دائرة سعدون ولا غيره

تلقى له فضل ومعروف عليهم ، سواء كان نقل أو توظيف أو علاج فالخارج أو اياً كانت

طيب خلنا نتكلم بجد وبصراحة لانا محسوبين على كلامنا انا واهلي عندنا كذا معاملة ورحنا

لسعدون ولا فادنا وولا همةوترا حنا بني عمه وقريبين منه ...

بس نصوت ونأييد وبقوة """ عايض ابو خوصة"""" وفاااله المجلس ان شاءالله بوفهد يشرف

عتيبة وماهو ردي يصك باب بيته في وجيه اعيال عمه مثل غيرة .

[سلطان المقاطي]

سلام عليكم ورحمة الله وبركاته
أخوي العتيبي 30
يعطيك العافيه على ردك المميز والمعاتب بنفس الوقت
طبعا محد يجحد ان العتبان لهم الفضل الاول والاخير على سعدون في توصيله للمجلس
لكن هل كان توصيله للمجلس علشان خاطر ابو حماد يعني ؟؟
ولا علشانه كفو وهو الاكفأ من النواحي الانتخابيه كافه
ثاني شي سالفة انه ماديا جاه دعم هذا شي انت ماتدري عنه لأنك مع احترامي الشديد ما اعتقد جاك سعدون حماد وقالك انه اخذ من اي عتيبي فلس واحد ..
وبعدين انت ليش تكابر وتنتقد وتلف عينك وانت عارف انه الاقوى سعدون حماد ..
أخوي العتيبي السالفه ماهي تعصب لكن القبيله يلزمها كرسي يمثلها والافضل اختيار الاقوى وصاحب الخبره ..
وأخيراً (( أتمنى ان ابو حماد يوصل للمجلس لان بعيني انا وبعين غيري من الناس هو الافضل )) وعسى التوفيق فال الجميع

[عبدالله]

اتتمنى التفوفيق لجميع اعضائنا ولكن؟؟؟

لابد ان نذكر رجل المواقف الأول وضابط عتيبه الأول نـهـار ضـاوي العتيبي
حان وقت التغير ونهار ضاوي خير تغير
نهار هو الانسب والاقرب لهذا المجلس باذن الله

[العتيبي30]

اخي سلطان المقاطي سعدون حماد ونعم الرجل ورجل مكافح ويستاهل بس عتيبه غنيه بالرجال ماتوقف على سعدون والا غيره

اما سالفت الدعم المادي اسال سعدون اول مانزل من كان يدعمه غير عتيبه بالعواني
سعدون ماعتمد على نفسه الا 2006 وانت تعرف من اللي دعمه 2006 و2008 واذا تبيني اقول اقول ماعندي مشكله ولا تخلي سعدون حماد رسول ترى حاله حال اي عتيبي
وبلا نفخ زايد

وانا عن نفسي من الناس اللي يوقف مع سعدون من بدايته 89 الى 2008

وزيدك من الشعر بيت عمري ماجيته بمعامله والله لايحدني عليه ولا على غيره

واذا زكوه عتيبه هالسنه بوقف معاه بعد

[محمد المسعودي]

أخـــوي المقـــاطي ،،، وأخــوي العتــيبي ،
تعــوذا مــن ابلــيس الحــين حنـــا بــدال مــانوحد الصـــف نســوي تفــرقه حنــا وش الي ضيعــناا غيــر الناس اهل النفوس الدنيه الي ماهماا الي انه تفرق بين عيال العم وثاني شي انا بصراااحه ،،،، ما أيد انه سعــدون حمــاد ينــزل في الانتخــابــات<<<هذاا طبعن راي شخصي>> ولا ولا قصور في سعدون لاكن الاتفاق في الانتخابات الي طافة انه ماينزل والحين نزل وثاني شي ليش ماتغير تراا فيه كفاءات غير سعدون ولاقصور فيه،،،،،


أتمـــــنااا مــــــــاتـــــــاخذكم العنصـــريه وأنــــتم عيــــال عــــــــــــم ولاوالله اخرتهـــا مالنــا كرسي في المجلس وبسبب التفرفه الي تسونها

[خلف الجذع]

ما هو وقت منه يا الربع ..

عتيبه وقفت مع سعدون وفزعت له ووصلت له للكرسي ..

فـ من باب رد الجميل ابو حماد قام بـ ربعه وما قصر باحد واجتهد معاهم ..

ان شاءالله في ميزان اعمالنا اننا متكاتفين على الخير والمحبه طالما ما خالفنا مبادئ الاسلام

ومصلحة البلاد .. واتمنى محد يثير موضوع صاحب فضل او صاحب جميل على احد ..

حتى سعدون بـ راسه ما يقولها ! انا لي فضل على عتيبه ..

واللي يقول من عتيبه ان حناا وصلنا سعدون .. سعدون ولد القبيله ومنها وفيها ومصلحتنا

تحتم علينا ايصاله الى المجلس لخدمة بلده وخدمة ربعه ..


سلاااام

[المميز]

الاخوان الافاضل زوار موقع عتيبة

صراحة بعد دخولي علي صفحات المنتدي وجدت مجموعة من الزوار تطبل بهدف كسر قاعدة سعدون داخل القبيلة

لايعلمون انهم بهذا العمل سوف يخرجون عتيبة من المجلس القادم
لتحقيق بعض اهداف للحاقدين و الغائرين

حقائق يجب ان ينتبة لها الجميع

كل المرشحين و الف نعم فيهم و فيهم الخير

لكن ليش نحاول ان نفقد كرسي مضمون للقبيلة في مجلس الامة

الجميع يعلم ان جميع مرشحين العتبان مع احترامي لهم جميع لا يملكون قاعدة خارج القبيلة يستطيعون التنافس بها مع العوازم و العجمان و باقي القبائل و الحضر و الشيعة

سعدون اثبت للجميع انه يملك قواعد خارجية لايملكها احد و استطاع لدورتين متتاليتين ان يحصن كرسي القبيلة داخل المجلس

يا اخي خلنا نفكر بشكل منطقي و عقلاني صحيح يمكن يكون في احد المرشحين مرغوب داخل القبيلة !!!!! بس شنو راح يسوي لما يطلع خارج القبيلة شنو يملك من قاعدة ؟؟؟؟؟؟؟؟

هل سوف يحافظ على كرسي عتيبة !!!!!!!!

ليش ما نبتعد عن الحسد و الحقد

انا لست موالي لسعدون لكن الرجال صراحة شغال بكل جهد و كفاح شهادت حق الرجال مواقفة مشرفة الكل يحبة داخل و خارج القبيلة

العوازم يعطونة العجمان يعطونة الحضر يعطونة الشيعة يعطونة باقي القبائل تعطية

اروح انا اختار مرشح تو الناس علية لنفقد كرسي عتيبة

كفاكم ما سويتم فيه السنة الماضية وهقتوا الرجال بشغلت مرشحين لقبيلة عتيبة

شنو صار ليش ما نراجع انفسنا ؟؟؟؟؟؟؟؟؟؟؟؟؟؟

اوكد للجميع اني لست موالي لسعدون انا موالي للقبيلة و احب ان احافظ على كرسي عتيبة في الدائرة الخامسة لانه شرف لنا جميعا

سعدون علية اخطاء لكن سيبقى هو الافضل

الله يوفق الجميع و التشاورية على الابواب و ان شاء يخرج للساحة من فية الخير و الجميع و النعم فيهم

الاول بفارق / سعدون حماد
الثاني / نهار ضاوي
الثالث / بشير عجاب
الرابع / ابوخوصة

[خالد511]

اولا:اذا رشحتواا ابوخوصه افقدوا الامل بالكرسي مع احترامي له العام رشح نفسه وماوصل

ولا له قاعده جماهيريه يرتكز علاها ولاتفرقوون اصواتنا لان العتبان فالمنطقه الخامسه يعتبروون

اقليه يعني اذا مادخل تحالف قوي قولو على الكرسي السلام0

ثانيا :اذا رشحتواا سعدون مو بس العتبان بيصوتون بعض ابناء القبائل بيصوتون له ولاتنسى

الحضر الاغلبيه معه وحتى الشيعه رغم الاشاعات اللي طلعت معه،وترى الرجال مهوب كمبيوتر

يعني اذا سوا لك معامله مدحته فيه وجيت مره ثانيه وماسوااهاا صاار ماينفع ولا فيه خير وهذا

كلام ماهووب صحيح لان في نااس يجوونه من بره دائره الانتخابيه ومايقصر معهم ودوانيته دائم

فاتحه بيبانها وله اكثر من لجنه وكلمه الحق تنقال .

((اختاروا الاكفاء و وليس على اساس القرابه ولايصير فينا مثل العام))


>> اختلاف الراي لايفسد للود قضيه

وعلى فكره سعدون قال اذا خسرت هذي اخر مره ادخل فيهاا >> لتصحيح فقط

[الريااانه]

طيب يامميز ,,,,,,,,, لو قلنا كلامك صح ومحد يقدر يجيب الكرسي غير سعدون
انا كمواطنه شبي بعضو يمثل القبيله ولا يفيدني ويمشي معاملاتي ...!!!!

تمشيها لنا انت يا المميز .....

كل القبايل امورهم تمشي لان اعضاؤهم يركضون بأوراقهم إلا حنا ... بتقولي
سعدون خدمكم ... خلاص صوت له انا ماخدمني ولا ني بملزومه اصوت له

ولا راح نقعد طول حياتنا مايمثلنا إلا سعدون ....نبي نغير ...


المهم انا ضد الاساءه لمرشحينا لانهم يحملون اسم قبيلتنا ولانهم ابناء عمومتنا
ولا نبي العالم تتشمت فينا .... يعني انتقدوا افعالهم ولا تنتقدونهم شخصيا ..

وفي النهايه كلنا لنا الحق بإختيار من نريد ....


وشكرااا

[الحمداني]

التغيرر واااااااجب على كل عتيبي فحل ،،،


وان شاء الله

فيصل غازي

ونهار ضاوي


وعمومااا عتيبه اهي اللي ترفع مرشح وتنزله ماهو المرشح نفسه ،، وليكن في العلم اننا ثالث قبيله في الدائرة الخامسه والكل يتمنى يتحالف معانا ،، يعني اللي يقول سعدون هو الوحيد اللي يجيب الكرسي فهو غلطان

[خالد511]

وعمومااا عتيبه اهي اللي ترفع مرشح وتنزله ماهو المرشح نفسه ،، وليكن في العلم اننا ثالث قبيله في الدائرة الخامسه والكل يتمنى يتحالف معانا ،، يعني اللي يقول سعدون هو الوحيد اللي يجيب الكرسي فهو غلطان



طيب اذاقلنا ان ثالث قبيله بس بدون تحالف قوي وش رايح يصير ؟؟؟ الافضل ان نبحث عن مصلحه القبيله مو لاحساباتنا الشخصيه

*للعلم ليس لي مصلحه بذلك ولادعم لمرشح فقط مصلحه القبيله هي الاهم





يعني اللي يقول سعدون هو الوحيد اللي يجيب الكرسي فهو غلطان

واكبر دليل على ذللك ان ابو خوصه مانجح بالانتخابات السابقه لا نخدع انفسنا