لمني بشويش !!

[فيصل العتيبي]

مصافحة أولى

أتمنى أن تليق بذائقتكم ,,





التفت بالهـون واسمـع يامـلاك=ودي اسولف على كيفـي وأقـول
ايه أحبك موت "واتنفـس هـواك"=والعمـر ويـاك ياليتـه يـطـول
أبتديت العشق الاول مـن غـلاك=أسبق الخطوه وأجيك أركض عجول
مادخل قلبي مـن العالـم سـواك=وحدك الغالي وفـي قلبـي تجـول
اخجلت شمس المحبه مـن سنـاك=والقمر من كامل أوصافك خجـول
أرضك أرضي والسما عندي سماك=ياشتا عمري ويـا كـل الفصـول
اطلب عيونـي وانـا كلـي فـداك=وأعتبر ماتطلبـه عنـدك وصـول
لو يغار الورد الاحمر مـن شـذاك=من يلومـه لـو تهـادى للذبـول
ياحسيـن القـدّ جيتـك بارتبـاك=رجفـت الكفيـن مافيهـا ذهـول
الكـلام العـذب مايلحـق مــداك=حسنـك الجـذاب يثّـر بالعقـول
الحلا والزيـن ياعمـري زهـاك=لو يضيع الوصف حسنك مايـزول
والله المعبـود سبحانـه عـطـاك=امتلكت الزيـن فـي كـل الميـول
ثغرك الرمـان والمـوت بشفـاك=من حلاك الرمش لاسلهـم كسـول
لمني بشويـش وأنثرنـي معـاك=واسأل الخفـاق يعطيـك الحلـول
ماسكن بالقلب وعروقـي سـواك=ياشتا عمري ويـا كـل الفصـول





أخوكـ فيصل العتيبي ـــــــــم

[صقر روق]

الأخ فيصل العتيبي

قصيدة رااائعه صح لسانك أخي الكريم

وننتظر جديدك دائماً

تقبل تحياتي

[((الـروقـي))]

صح لسانك شاعرنا الكبير ابومحمد

والقصيده هذي اعتبرها نقطه من بحر لشاعر فيصل العتيبي الذي يمتلك

في جعبته الشىء الكثير واتمنى ان لايحرمنا من قصائده الرائعه


ولاهنت لاهنت ياشاعرالقرين وخريمان

[نسيم الشرقية]

صح لسانك اخوووي

الله يعطيك العافيه ..

[حزن القوافي]

صح لسانكــ..

الله يعطيكـ العافيه يارب..وما قصرت

[العصيمي]

صححح لسااانكـ يافيصل



والله لايهيينكـ



كلماات جدا رائعه



بانتظاار المزييد

[جراح العصيمي]

صح السانك يافيصل ونحتري القادم



وتقبل تحياتي

[ولد نافع]

صح السانك يافيصل

[العطـاوي]

قصيده رااائعه ..
صح لساانك على الابداااع ..

سجل اعجاابي / العطـاوي

[شايب أخلاق]

الســـلام عليكم ورحمــــة الله وبركاته


لو يغار الورد الاحمر مـن شـذاك ... من يلومـه لـو تهـادى للذبـول

الحــب اعمى صحيــح يا فيصل :)

يا ســــلام يا ســــلام ... جزله يا جزل صــح السانك ولاهنت ... وونتظر المزيد من الإبداع ...



مع فايق احترامي ...



أخوك .. شايب أخلاق

[العضياني]

صح لسانك

يافيصل
على القصيده

[أبــو مـانــع العتيبي]

يـاسلام عليـك أشهد إنك شاعرن منت بسيـط اللــه يبـارك فيـك ويوفقـك يـأرب

.......


.. القصيـده كلهـا أبـداع بالكلمـات . . . وعجبنـي هالبيـت

أبتديت العشق الاول مـن غـلاك
أسبق الخطوه وأجيك أركض عجول


صــــــــــح لســانـك
لآهنتـ زودنـا بالكثيـر

تحيـأتي لـكـ. . .

[؛¤ّ,¸¸,ّ¤؛°`°؛¤ عــــســـــوول]

بيض الله وجهك يافيصل والله يعطيك العافيه علي القصيده الرائعه

وانشاء الله ننتظر القادم............؟

[المحياني]

صح لسانك اخووي ويعطيك العافيه على القصيده الرائعه ولاهنت

[العتيبي]

الله يعطيك العافية أخوي فيصل العتيبي

[متعب الخيل]

السلام عليكم
صح الله السانك قصيده عذبه تستاهل التعقيب
سجل اعجابي وانا بأنتظار جديدك

تقبل تحياتي

[خالد المقاطي]

التفت بالهـون واسمـع يامـلاك
ودي اسولف على كيفـي وأقـول
ايه أحبك موت "واتنفـس هـواك"
والعمـر ويـاك ياليتـه يـطـول


الاخ العزيز .. فيصل العتيبي

ياسلام عليك قصيده وافيه من راس وآفي
والله القصيده حلوه كلها بي هالبيتين غيــــر :)

تقبل مروري

دمت بود

[احساس ومشاعر]

صح السانك يافيصل على هذا القصيد الرائع

بس اتمنى نلقا فى هذا الزمن الحب اللى ينكتب على الاوراق .. فى هذا الزمن نادر ماتلاقى حب .. زمنا زمن المصالح , والحب صار بس قصيد على ورق..

[محمد المقاطي]

فيصل العتيبي

صح لسانك
وبيض الله وجهك
وعز الله ان قلبك خضر


تحيتي

[d-r]

ياسلام يافيصل
وشكرا

[الشويب]

السلام عليكم صح لسانك اخي فيصل
وننطر القصائد الجايه

[محمد الدعجاني]

صح لسانك

ويعطيك العافيه

[جراح العتيبي]

الاخ فيصل العتيبي


لو يغار الورد الاحمر مـن شـذاك
من يلومـه لـو تهـادى للذبـول

صح لسانك


الحقيقه انها رائعه