المقاطى_q8
07-30-2008, 02:57 AM
كان الحاضـره في قديم الزمـان وقبل توحيد المملكـه لايذهبـون للحـج الا بعـد اخـذ خوي لهم
من احدى القبائـل يحميهم من جماعتـه وهذا ما حدث لحجـاج الوشــم عام 1314هـ واميرهم
عبـدالله بن هدلـق حيث انهم اخـذوا خـوي من عتيبـه واتجهوا للحـج وعند المورد المعـروف
هكران حدثت وقعه بين الحجاج واخلاط من الباديه المجتمعين على الماء قتل فيها ابن هدلق
واصيب اخرون .
وقد استعان اهل شقراء بالشاعر الكبير ابراهيم بن جعيثن لاثارة خويهم للاخذ بثأر ابن هدلق
وهذا ماحدث بالفعل .
يقول بن جعيثن :
الله من علــــمٍ دهانـي مســـــــــــــيان = تحطمت منه الضلوع الصحـــاحـــي
وعيني يلوج بحجرها تقل عيـــــــــدان = وقلبي يلوفه مثل شوك الطـــلاحــي
الناس في راحه وانابت ســـــــــــهران = والسـد مني تالي الليـــــل باحـــــي
لو صحت انا ماقالوا الناس فســـــــقان = مفجوع ياجابر عزا اللي مجـــــاحـي
من قيل ابن هدلق رمي يم هكـــــــران = ودحيم خلـي عضـــم ساقه لياحـــي
اصبحت وادنيت النجيره وشــــــــقران = مشال غرب الســــانيه بالمنــاحــــي
مرباعه الصمان في ضـــف قطعــــــان = يرعى مع الجبـلان نبت الفيــاحــــي
يجفل اليا زول مع الجــــــــو زيـــــلان = ماتدركه بالمشي رقطا الجـناحــي
يشدي قطاةٍ حدها جـــــول عقبـــــــان = صرت وصاعتـــها هبوب الرياحــي
عليه من يازن حديثـــــــه بميــــــــزان = مهوب هلبـــــاجٍ هذورٍ ســداحـــي
ممشاه من شـــــقراء ليا بان فجــــران = يومه ويومٍ لبرقيــــه مراحــــــــــي
والصبح يمشــــي في فراقين عتبـــان = دور فريق الدلبــــــحي وين راحــي
نوخ عليهم وعقل النضــو ببطــــــــان = وعطهم وكيـــــد العلم زل المزاحــــي
اندب وقل قوموا وقـومـوا بنصــحــان = لاتلبسوا عقب البياض الســـــــــياحي
خويكم ماتنوخـــــذ فيـــــه الاثمــــــان = ريف الهــــزالا راح عمره ســــماحي
عمره قضى والوجه من ذاك ما شــان = ينور ليا كلت وجيـــــه الشـــــــحاحي
حـجـاجـنـا ماثوروا كود بـحـصـــــــان = تخيروا مشـــعل قعـــــودٍ ضياحــــي
يبون به زودٍ وهو صار نقصــــــــــان = وذبحت قرايعـــــهم ســوات الاضاحي
ليت الرفق من عزوة الاد شــــــــــيبان = اهل الســــــلوم الطيبه مثل ناحـــــي
ياكثر مثــله بين لمات الاضعـــــــــــان = كلاٍ على ورثـــــة جـــــدوده يناحــي
وعاين فليفل مع هل الضلع ماشـــــان = دون الحسب داس الخطر وسـتراحــي
وفي مثلها سووا سوات ابن ســلطـان = ولد الدويـش ان كنت للعلم صــــاحي
ولا تنسدح واذكر سوايا ابن ســـجوان = خلا ابن عمه عنـــد فذه ينـــــــاحي
والطايله خذهـــا الصويطي صنيتــــان = من دون جاره صار للشــيل مـــتاحي
يوم انتهض فرخٍ من الوكر ســـــكران = صاده حمود وبرقعه واســــــــتراحي
انشد من المشــــــهد ليــا حــد بــرزان = وماحدرت جوده وقصــر ابن ضاحي
ومن الكويت اجنب ليا عين فـــــــرزان = وماطرت الســــيفه وماها المـــلاحي
وســـــــند ليا مكه ونشــــد بالاوطــان = ان كان في لوم الاخاوه ســـماحي
الاجل والاســـــــباب تجري بالاكـــوان = ولا يلوم المبــــــــتلا الا النفاحــــــي
الحق يبغا حد ولســـــان وســـــــــنان = وربعٍ يطيعونك بكل المشــاحـــــي
وقلبٍ قطــوعٍ وقت زوغات الاذهـــان = فوايهه تذكر بكل الـنـواحــــــــــــي
منتب ضعيفٍ لك مخالب وجنحـــــــــان = وربعك على العايل تراهم ذحاحــي
ولا صرت عن شيل المواجيب عجـــزان = ادخــل على برقـــــا يفكـك منـاحي
اما بجـــــــاهه مع طليقين الايمــــــان = ولا بضرب مـذلقـات الرماحـــــــــــي
وبرك لحمـــــــــل الذم في كـل ديـوان = وهتل مع اللي يســكنون البطاحـي
ترى الدعث يقصر مشـــــــابر دهمان = ويشرى على السبقه حصان الرباحـي
وترى التفق نيشـــان والخيل مــيـدان = هذي دروب اهل القضاء والفـلاحــي
وصلاة ربــــي عــد ماكــــــاينٍ كـان = على النبي ماخضر نبت الضـــواحي
وسلامتكم
من احدى القبائـل يحميهم من جماعتـه وهذا ما حدث لحجـاج الوشــم عام 1314هـ واميرهم
عبـدالله بن هدلـق حيث انهم اخـذوا خـوي من عتيبـه واتجهوا للحـج وعند المورد المعـروف
هكران حدثت وقعه بين الحجاج واخلاط من الباديه المجتمعين على الماء قتل فيها ابن هدلق
واصيب اخرون .
وقد استعان اهل شقراء بالشاعر الكبير ابراهيم بن جعيثن لاثارة خويهم للاخذ بثأر ابن هدلق
وهذا ماحدث بالفعل .
يقول بن جعيثن :
الله من علــــمٍ دهانـي مســـــــــــــيان = تحطمت منه الضلوع الصحـــاحـــي
وعيني يلوج بحجرها تقل عيـــــــــدان = وقلبي يلوفه مثل شوك الطـــلاحــي
الناس في راحه وانابت ســـــــــــهران = والسـد مني تالي الليـــــل باحـــــي
لو صحت انا ماقالوا الناس فســـــــقان = مفجوع ياجابر عزا اللي مجـــــاحـي
من قيل ابن هدلق رمي يم هكـــــــران = ودحيم خلـي عضـــم ساقه لياحـــي
اصبحت وادنيت النجيره وشــــــــقران = مشال غرب الســــانيه بالمنــاحــــي
مرباعه الصمان في ضـــف قطعــــــان = يرعى مع الجبـلان نبت الفيــاحــــي
يجفل اليا زول مع الجــــــــو زيـــــلان = ماتدركه بالمشي رقطا الجـناحــي
يشدي قطاةٍ حدها جـــــول عقبـــــــان = صرت وصاعتـــها هبوب الرياحــي
عليه من يازن حديثـــــــه بميــــــــزان = مهوب هلبـــــاجٍ هذورٍ ســداحـــي
ممشاه من شـــــقراء ليا بان فجــــران = يومه ويومٍ لبرقيــــه مراحــــــــــي
والصبح يمشــــي في فراقين عتبـــان = دور فريق الدلبــــــحي وين راحــي
نوخ عليهم وعقل النضــو ببطــــــــان = وعطهم وكيـــــد العلم زل المزاحــــي
اندب وقل قوموا وقـومـوا بنصــحــان = لاتلبسوا عقب البياض الســـــــــياحي
خويكم ماتنوخـــــذ فيـــــه الاثمــــــان = ريف الهــــزالا راح عمره ســــماحي
عمره قضى والوجه من ذاك ما شــان = ينور ليا كلت وجيـــــه الشـــــــحاحي
حـجـاجـنـا ماثوروا كود بـحـصـــــــان = تخيروا مشـــعل قعـــــودٍ ضياحــــي
يبون به زودٍ وهو صار نقصــــــــــان = وذبحت قرايعـــــهم ســوات الاضاحي
ليت الرفق من عزوة الاد شــــــــــيبان = اهل الســــــلوم الطيبه مثل ناحـــــي
ياكثر مثــله بين لمات الاضعـــــــــــان = كلاٍ على ورثـــــة جـــــدوده يناحــي
وعاين فليفل مع هل الضلع ماشـــــان = دون الحسب داس الخطر وسـتراحــي
وفي مثلها سووا سوات ابن ســلطـان = ولد الدويـش ان كنت للعلم صــــاحي
ولا تنسدح واذكر سوايا ابن ســـجوان = خلا ابن عمه عنـــد فذه ينـــــــاحي
والطايله خذهـــا الصويطي صنيتــــان = من دون جاره صار للشــيل مـــتاحي
يوم انتهض فرخٍ من الوكر ســـــكران = صاده حمود وبرقعه واســــــــتراحي
انشد من المشــــــهد ليــا حــد بــرزان = وماحدرت جوده وقصــر ابن ضاحي
ومن الكويت اجنب ليا عين فـــــــرزان = وماطرت الســــيفه وماها المـــلاحي
وســـــــند ليا مكه ونشــــد بالاوطــان = ان كان في لوم الاخاوه ســـماحي
الاجل والاســـــــباب تجري بالاكـــوان = ولا يلوم المبــــــــتلا الا النفاحــــــي
الحق يبغا حد ولســـــان وســـــــــنان = وربعٍ يطيعونك بكل المشــاحـــــي
وقلبٍ قطــوعٍ وقت زوغات الاذهـــان = فوايهه تذكر بكل الـنـواحــــــــــــي
منتب ضعيفٍ لك مخالب وجنحـــــــــان = وربعك على العايل تراهم ذحاحــي
ولا صرت عن شيل المواجيب عجـــزان = ادخــل على برقـــــا يفكـك منـاحي
اما بجـــــــاهه مع طليقين الايمــــــان = ولا بضرب مـذلقـات الرماحـــــــــــي
وبرك لحمـــــــــل الذم في كـل ديـوان = وهتل مع اللي يســكنون البطاحـي
ترى الدعث يقصر مشـــــــابر دهمان = ويشرى على السبقه حصان الرباحـي
وترى التفق نيشـــان والخيل مــيـدان = هذي دروب اهل القضاء والفـلاحــي
وصلاة ربــــي عــد ماكــــــاينٍ كـان = على النبي ماخضر نبت الضـــواحي
وسلامتكم