اللاصوم
05-20-2008, 12:05 AM
بسم الله الرحمن الرحيم
مساكم الله بلخير جمعيا
اضع بين ايديكم دايون الوالد الشاعر عبيد بن بريكان اللاصوم الدغيلبي
وأتمنى أن ينال على رضاكم . .
http://up104.arabsh.com/my/bb057f1.jpg (http://up104.arabsh.com)
صورة الشاعر عبيد بن بريكان اللاصوم الدغيلبي العتيبي
القصيدة الاولى / مشاركته في مزاين قبيلة عتيبه
بسم القبيلة كلهـا صغـار وكبـار = وشيخاً حياته لجـل ربـه نذرهـا
متعب طويل الباع في كل محضار= لا كبرت القـالات ينطـح نحرهـا
وربعه حزامه يوم زوغات الأبصار= زحول الرجال ليا تنكـر دهرهـا
كسابت الطالات وافيـن الأشبـار= وأميرهم مـن دونهـم مختصرهـا
لو كان ما تملك من المـال دينـار= القل ما وقف عزوتي مـا شقرهـا
في الموقف الغصاب والقل تجـار= هل كرمة دايم تناطـف السفرهـا
تهلي بكم أعـداد هتـان الأمطـار= وعداد ما هلـت سحايـب مطرهـا
وعداد ما يكسي من الريش الأطيار= وعدد حروفاً في الصحافة نشرهـا
وعداد ما خط القلم فوق الأسطـار= وعدد من يقرأ الحـروف وعبرهـا
وعداد ما ضمت محيطات وأبحـار= وعداد ما يشطاء مجـري نهرهـا
وعداد ما تنعم طواليـع الأشجـار= وتعانقت جـذور الـورد وثمرهـا
وعداد ما هلت من المـزن مـدرار= سيل ٍ تطاما سهلهـا مـع وعرهـا
بشيوخ برقا وروق ماضين الأذكار= أفعالهم فـي الكـون كـل ذكرهـا
قدر ٍ لكم مـا ينتعبـر بالأشعـار= والله لـو ألفيـن بيتـاً سطـرهـا
في أمجادكم مصقول الأفكار يحتار= لو هو شباب يشيب ماقد حصرهـا
وباللجنة اللي نظمـت كـل الأدوار= هلا بها فـي حلهـا مـع سفرهـا
اللي تعرض للمتاعـب والأخطـار= لعل رب الكـون ياقـاء خطرهـا
ونحيي الشعار من كـل الأقطـار= وحياة من شرف حجر من حجرها
ومحضرين كـل لؤلـؤ و محـار= ومعهم من الغبـة نـوادر أدرهـا
حنا الضيوف اليوم وأنتم هل الـدار= وجودكم كـل المشاعـر عمرهـا
مقامكم فوق الكواكـب و الأقمـار= والأرض تاخذ نورها من قمرهـا
أنتم سلايل متعب الهجـن ومهـار= وكم كبد ممـروراً بفعلـه سمرهـا
يعرف مقامه لا حصل موقفاً حـار= كم سربة بالسيف الأرخم حشرهـا
اللي تزعم يوم وجه الدهـر جـار= والجـار ذوقنـا الأمريـن ورهـا
شاور وفكر مع بعيديـن الأنظـار= وحدود خصمـه لا تعنـد عبرهـا
وبعد تقرر بزغت النـور محـدار= بهيلاً تجاهل خصمها من سطرهـا
بهيلاً تهايل كنها مـوج وإعصـار= وروس الخشوم اللي تزنعف كسرها
ونخبة رباعيـن لهـم دور وأدوار= في ساعة كان الخصيـم انتحرهـا
اليا اعتزوا من جد طلابـة الثـار= تبيع غال الروح فـي محتضرهـا
لا جاء نهاراً مثل معتـق بالأقـدار= والروس في حزم الدفينـه زبرهـا
كـم أبلـحـاً شــرف الـغـار= وكم مهرة سـردا بسيفـه عقرهـا
بربعها نهار الضيق يهدون الأعمار= صديق عينك ساعته ما حضرهـا
زاحوا قبايل نجـد يميـن و يسـار= وستاقوا اللي قدمهـا فـي نحرهـا
ناوين في الصمان مشتى ومصفـار= مع ضف فرساناً تلامـع الشهرهـا
ترعا بهم حد الخطر كـل مشكـار= بعد الهزل قايـم يتطايـر وبرهـا
تلقط زماليق الشقارى في الأقفـار= مع الريم وشافوا للحبارى أجررهـا
جايلهـا وقـت البراديـن نــوار= أقواس ترسم من طبيعـة زهرهـا
ما كنك ألا وسـط دكـان عطـار= ريح الشقارى والشمطري ذعرهـا
فيها أم سالم ترفع الصوت مزمـار= لا سمعها المشحون فيض أعبرهـا
ماربها اللي حط مريـاع و حمـار= والأمير بيـن العجـول و بقرهـا
مدهال قطعـان يشوقـن الأنظـار= كن الرجوم أمسمره فـي ظهرهـا
يدفع لها المقهـور والطيرماطـار= والسبر في راس الطويلـة سبرهـا
وقدامها في كل متـرس ومحكـار= بصنع اليهودي حافظيـن نظرهـا
وخزام صدر له مراسيـم وقـرار= وأهل الفعول الناقصـات احتقرهـا
ماياخذ الفنجال مـن بـن وبهـار= ألا بفعـل تعتـرف بـه جبرهـا
وأيضاً الثنيه لا تشبـاء ولاصـار= ألا رباعـاً كاملـة فـي دجرهـا
لموقفاً مـا تنقبـل فيـه الأعـذار= ربعي هل الشرفاء تلقـوا خطرهـا
ربعاً تجازي صاحب الشر بشـرا= رحتى عدل عـن كلمتـه ماعتبرهـا
واليوم شرع الرب دستور وشعـار= من يوم أخو نوره علينـا قصرهـا
وانجاله اللي للوطن درع و ستـار= أملوك الجزيرة برها مـع بحرهـا
حطوا لنا في الكون قيمـة ومقـدار= نرمي لهم فـوق المنابـر أغترهـا
القصيدة الثانيه / في الدفاع عن الرسول صلى الله عليه وسلم
يالله يـا عالـم خفـي السـريـره = يا عالما ً ما تحوي أرحـام وقبـور
يا عالمـا ً بالغيـب شـره وخيـره = محدد نهار الحشر والبعث ونشـور
أبرج لعينا ً مـن سهرهـا ضريـره = تسهر وكن الشب في الموق مذرور
أمسيت أنا وجروح قلبـي غزيـره= ينزف صواب القلب بالدم شختـور
أسبابهـا غيضـا ً تزايـد زفيـره= أصبر وأنا قلبي من الحزن مخطـور
جزعان من قول الشعوب الحقيـره =مما سمعته في النبي غير مسـرور
أسود ضمير ومعمـي الله بصيـره= كلبا ً على الإسلام والرسل مسعـور
ويمنا ً تمثل فيـه عطـاء الجبيـره= وينشل لسانا ً قال في سيـدي زور
عيني بصيـره والأيـادي قصيـره= من القهر كني على الزور مسمـور
لا يا أمـة الإسـلام هـذي مغيـره= سب النصارى وسب عبـادة الثـور
نبينـا اللـي سيرتـه مستنـيـره= وش عذرنا ما دام لحق النبي جـور
ان كان ما فينا على الديـن غيـره= حتيش لو قمنا حضـارات وقصـور
إليا وردنا الحوض يـوم الحشيـره= في وقته اللي في الصيحات مذكـور
نطلب شفاعة والمواقـف عسيـره= وشلون نحصد حب ماهوب مبـذور
مهما يقـول ابليـس وإلا شويـره= حب النبي في قلوب الأجيال محفـور
إلـى دعـا قايـد جميـع الجزيـره= يبشر بربعا ً لا دعاء الداعي احضور
نذكـره حطيـن يــوم الكسـيـره= يوم انهزم جنده من القدس مذعـور
ونذكـره بالمعتـصـم والمسـيـره= زاره ومن دونه محيطـات وبحـور
أحفاد خالـد مـع سعـد والمغيـره= وأبي السرح من بعدهم كمل الـدور
واليوم دور أهل الحمـول الكبيـره= اللي لهم في شيل الأحمـال مقـدور
حكامنـا اللـي يركبـون الوعيـره= دون الشريعه كل ضرغـام ونمـور
عمدان بيت الدين فـي كـل ديـره= والبيت ستره من وراء بابه السـور
ملاذنـا فـي طوالهـا والقصيـره= لا جاء النهار اللي به الفعل مخبـور
أقـل شـيء أن نرحـل سفـيـره= وسفيرنا يطلب رجوعه على الفـور
وإنقاطعه فـي كبارهـا والصغيـره= ولا رزقنا عند أسود الوجه محصور
وألا الشهادة جعل في الأمـر خيـره= نسكن نعيما ً بين الأبـرار والحـور
وبابا النصارى يوم يزمـي زبيـره= صرح مع الإعلام خطبـه ومنشـور
مـا يعتبـر قـدام يلعـن مشيـره= مطاوع كلام إبليس وعيونه العـور
وختامهـا صلـو صـلاة كثـيـره= على نبينـا حـط للديـن دستـور
القصيدة الثالثه : مرثية في المرحوم / مرزوق بن ماطر الدغيلبي
البارحه عيـت عيونـي تنومـي= وليا جفاني نـوم عينـي جفينـاه
كنه يلوج بموق عينـي هزومـي= وأسباب سهري من رفيقٍ فقدنـاه
أخذت أسرح ثم أضوي همومـي = وليا جلب في السوق هم شرينـاه
من يوم ما فارق يمومـه يمومـي= ياصعب فرقا مثل مرزوق صعباه
طبيب طيب مهنـدس فالسلومـي= طلق الحجاج اللي بشوش محيـاه
لآجله بكى مرداس ساس القرومي= مذور لو صبي عينـه نثـر مـاه
معذور لو انـك تشـق الهدومـي= وجميع مايستر عراء الجسم رماه
الله يلـوم اللـي لمثلـك يلومـي= يلومك اللي ما مشى ربع ممشـاه
ستر العفايف زاهيـات الرقومـي= ماهوب درن دسعته فـي دنايـاه
وعلى القصيره بالردى ما يحومي= مأمون جانـب نـادرات سجايـاه
ولاغاب واليهـا يسـد اللزومـي= يرفى خمال الجار والبيت يرعـاه
وعن السفايف والوضيع محشومي= ولافيـه رجـم كايـد ماتـعـلاه
رجل الحموله والقبيلـه عمومـي= واليا عطى مايـوم مـن بعطايـاه
لا وأجملنا اللي بحملـه يقومـي= ينهظ بحملـه لـو أيدينـه مثنـاه
ولاشِق جيبه يوم فتـل الكمومـي= وعلى الرفاقـه ماتهـدد بعجـراه
واليا زمو له نايديـن الخصومـي= يكسر نعفته من بعد دوس علبـاه
لو ينفدي بالمـال والله لأسومـي= ولو ينفدي بأرواحنا كـان نفـداه
لكن وضـعٍ للحكيـم محكومـي= وما شرعه من كون الكون نرضاه
حطوه في قبره عليـه مختومـي= والله يأمن وحشته وسـط مثـواه
يسقي ضريحه صادقات الوسومي= عسى السحاب الغر قبره توطـاه
عليه مزهـرة الزماليـق تومـي= ياليـت ينهـظ ساعـة ويتنـشـاه
ياموت ما صديت يـم الرخومـي= وأنتـه تمـره بالطريـق وتعـداه
عيال الرخوم مرفعين الخشومـي= لوكان مايسوى خروف ولد شـاه
تختص ليث بالصفوف معدومـي= اللي ليا جت ساعة الضيق نلقـاه
عـن الـردى مترفـع للنجومـي= فوق الكواكب له قصـور مبنـاه
وأن كبرت القاله قوي العزومـي= ياسعد من جاله من الضيم ينخـاه
من دون حقه فالمواقف هجومـي= ويحاسبه عن غلطته كـف يمنـاه
عليه أجاوب من عوى فالرجومي= الجوع حـده والضرايـا تحـداه
وانعي كما الورقى بليلي ويومـي= واقنب قنيب الذيب لا طال مسراه
يالله يلـي فـي عبـاده رحومـي= عساه في الجنـه مقـره ومـأواه
تجبر عزاء اللي من فرقاه كظومي= فاجئتهم الايـام باحـزان فرقـاه
القصيدة الرابعه / يوصي أبنائه وحثهم اثناء سفرهم للدراسه خارج المملكه
الا يـا حمامـه جاوبينـي وانـا بجيـب= اخفـف عنـى صـدر تواصـل تنهاتـه
انا البارحه ما امسيت واجاوب غليث الذيب= مغير اتزفر وارخـص العيـن عبراتـه
اليا زل نصف الليل لي في الفراش نحيب= مابيـن الحنايـا تصفـق امـواج وناتـه
انا اسهر بليلي لين كـل النجـوم تغيـب= واعـد الثوانـي والدقـايـق وساعـاتـه
نهار المـوادع ياعيالـي علـي صعيـب= تحطم ضلوع الصدر مـن قـو زفراتـه
جروح الضماير حايـر فيهـن الطبيـب= تعذر علاج القلـب مـن قـو صدماتـه
انا والله اني جاهـل فـي خفايـا الغيـب= وانا ادخل على الله من زمانـي ولوعاتـه
توادعت انا واللي لهم فالضميـر مجيـب= نـوادر حـرار تـاج راسـي وفزعاتـه
حزامي عضودي لاتنكـر لـي الشريـب= توطا على خشمـه بعـد كسـر جمهاتـه
دعوهم على اللي في السفر سيرها ترتيـب= من فوق السحـاب الغـر ضفـة كفراتـه
تنصـو ديـار الكفـر عبـادة الصليـب= يبـون المعرفـه ماهدفـهـم ديانـاتـه
الوح بكفي فـي المـوادع وانـا عطيـب= وزمان المصايب خاف غـدره ونكباتـه
عسى الله يسمح دربهـم كاسبيـن الطيـب= ويعودو لابوهـم بعـد تحقيـق رغباتـه
طريق المراجل والرجولـه تـراه تعيـب= وبسيط على اللي يسمع العـود ووصاتـه
ابنخي عيالي عز ابوهم عسى مـا اخيـب= تغوص المحيـط وتنتـزع منـه داناتـه
وتبعد عن الشبه وتهجـر طريـق العيـب= وتحافظ علـى مبـدأ الشريعـه وعاداتـه
بوصي عيـال العـود لطامـة الحريـب= ولاحاش المراجـل مـن تلـذذ بشهواتـه
نصيحه من اللي كل راسه ودقنـه شيـب= ولابه مسـار مـع هـل المرجلـه فاتـه
وصية محب كامـل العـرف والتجريـب= حريص على عرضه عن اقـوال شماتـه
القصيدة الخامسه / قيلت في ابناء الشاعر اثناء دراستهم الجامعيه في مدينة القصيم حيث انهم كانو يأتون اليه مساء يوم الاربعاء ويعودون مساء الجمعه وهاضت قريحه الشاعر بهذه الابيات
البارحـه يـوم الخلايـق هجوعـي= الذيب جاوبني وانا الذيـب جاوبـت
وكلا رقـد واناعلـى راس كوعـي= يامـا ويامـا فـي فراشـي تقلبـت
اخذت اصارع عبرتـي والدموعـي= واشملت مع بحر الهواجيس واجنبت
وطاوعتهن غصبا على غير طوعـي= وشرقت مع مركب فلكهن وغربـت
يلوعني مـن جـور الايـام لوعـي= وعانيت من جور الليالـي وجربـت
ورجلي على روس المراقي تبوعـي= مابه طويل الا على راسـه ارقبـت
اروم راس العالـيـه والطلـوعـي= وانا على درب المصاعـب تدربـت
وعلى الوفاء والطيب حرصا طموعي= ماهمنـي لوكـان لجلـه تعـذبـت
وافرح الى قالوا مسانـا الربوعـي= واكره الى قالوا ترى بكـره السبـت
موعـد وداع نادريـن الطبـوعـي= اللي لهم في نهـج الاخيـار رتبـت
لحظه وداعـي للحبايـب تروعـي= لاجيت اوادعهـم بعقلـي تقضبـت
ولولا فـوادي ماسكاتـه اضلوعـي= ضاع الفواد وصرت لفوادي اذهبـت
ودولاب صدري من زماني امزوعي= وامسيت اكابد جور الايام وانصبـت
وانا ترجى مـن عيالـي رجوعـي= هلا عدد ماساق في الارض من نبت
يامرحبا يغلأ علـى الارض دوعـي= الى اقلبوا وقفـت طولـي ورحبـت
ياعز صـوت ايداعبنـه اسموعـي= واعز زول بيـن الازوال خاطبـت
وجودكم في البيت مثـل الشموعـي= تكهرب المنزل وانا ايضـا تكهربـت
والبيت ريحه ورد من كـل نوعـي= ومن السرور وبهجت الصدر غيبـت
ياعيال انا بوجودكـم طـال بوعـي= وانا احمد الله يـوم ربيـت ماخبـت
انتـم ذراي ومحزمـي والدروعـي= وانتم رصيدي والمذاخيـر لاشبـت
وعـزي لعـود مايجيلـه افزوعـي= ولاكل من ينجب يقول انـي انجبـت
ياحفاد ربعـأ ينطحـون الجموعـي= تاريخهم في صفحة المجـد بالثبـت
من ماكـر ماضـم عشـه اتبوعـي= نـوادر تعجبـك لامــن تكـربـت
من ماكر طيـره قطوعـا جزوعـي= يعجبك فعله فـي اللقـاء لاتحزبـت
وترى اثمر من روس هاك الجذوعي= وان طابوا الانجال ياسيـدي طبـت
والعرق يسقى شامخـات الفروعـي= وانا نسبكـم يابنـا الاكـرام عربـت
ولاني على نسب الدوينـي خثوعـي= لاشفت انا ماعفت من بعـد جنبـت
القصيدة السادسه / من قصائد مختارة للشاعر
البارحه يوم القمر في الشفـق غـاب= سهران لين الصبح جالـه اشعاعـي
والدمع من عيني على الخـد ينسـاب= ابكي على عمر مـع الهـم ضاعـي
ياعيال ياللي فتلـوا روس الاشنـاب= وقدامكـم يـاطـن روس الافـاعـي
اللي لكم تخضع عنيـدات الارقـاب= ولكم على الخصـم النكيـد اندفاعـي
والى مشيتوا خلـوا القـار مجنـاب= وقسو عليهن مـع طمـان ورفاعـي
واخذوا معاكم زبـدة العلـم بكتـاب= ممـا بقلبـي ماحتملـت الـودعـي
علما يـرج المـخ وشـد الاعصـاب= واخشى على الشريان منه انقطاعـي
والى لفيتوا ديرة اصحـاب وجنـاب= قصـوا عليهـم قصتـي وانطباعـي
في مجلسـا راعيـة ماسكـر البـاب= كلا يجي للبيـت مـن غيـر داعـي
في بيت من له عندنا قـدر وحسـاب= لهل الوفاء والطيـب فيـه اجتماعـي
اللـي لنـار البـن والهيـل شبـاب= في القصر ولا في حصين الشراعـي
وانا من اللي معجبـا فيكـم اعجـاب= لكـن وقـت عبيـد مايـوم طاعـي
وجينا نبي معكـم سواليفـأ اعـذاب= تطـرب لهـن اقلوبنـا واستماعـي
وابعد عن التفكير هو راس الاسبـاب= للجلب الهموم اللي عليهـن اقناعـي
وشفنا رفيقي يشتكي بعض الاتعـاب= عليت يا المنصـاء طويـل الذراعـي
ياربع انا قلبي مـن الهـم منصـاب= ويلوعني مـن جـور الايـام لاعـي
وانا جريح القلب من فقـد الاحبـاب= بيـن العيـون وبيـن قلبـي نزاعـي
ياماجـرالـي يعربـيـن الانـسـاب= طمنـت بعـد زمتـي وارتفـاعـي
ومضيت ليلي بيـن زفـره وهنـداب= وكلا رقد وانا علـى الكـوع واعـي
ومن كثر ماعانيت انا عارضي شـاب= وقتـي طعنـي طعنتيـن اوسـاعـي
وجضيت جضت من مكن رجله الداب= من حر مايونس عن الـدرب تاعـي
من سم صل في القـدم مكـن النـاب= من غاسـق الانيـاب للسـم زاعـي
واقنب كما ذيب علـى راس مرقـاب= جايـع ويدعـي للذيـاب الجيـاعـي
لوتدعـي بالجـوع ياذيـب كــذاب= وشلون جايع والعشاء في المراعـي
قصدك لجلب الهم دفعـات واسـراب= وانا زبونـه كـان سرحـان باعـي
يالايمـي فيهـم يضيعـن الاطبـاب= في القلب مع تاج الوريـد امزاعـي
يالله ياغافـر خطـأ العبـد لاتــاب= يـارب تاقـى عثرتـي وانهزاعـي
القصيدة السابعه / من قصائد مختارة للشاعر
البارحـه يـوم القمـر مبـرهـزا= أشري ذهب وأرمي التنك والبيـازي
قيفان أصخرها علـى مطلـع الـزا= تصميم فكـر مـا يجيـه أهتـزازي
والعيـن كنـه مـن منامـه يقـزا= والا يكسـر فـي بردهـا قـزازي
والقلـب كنـه نايشـه نـار قــزا= ولا ينوشه من ازرق التـاج غـازي
ولا قلت جفني راق من النوم فـزا= فز الوحش من رؤؤس هاك النوازي
أسبابهـا علـم بنفـسـي يـحـزا= وأحـس بـه بيـن المعاليـق وازي
يا أهل الكروز اللـي مقامـه يلـزا= من الوارد التالي حديث الطـرازي
مشروبـه الممتـاز دفـعٍ ومــزا= مصممينـه للـوعـر والـغـرازي
مجهزينـه للطلـب فـي أي حـزا= مع قار وإلا مع فـلاش وغـرازي
لا أخذ ثقيل التـرس ثـم استـرزا= يهوي كما يهوي على الصيد بـازي
لاطـاف نصـف الليـل دزوه دزا= داخل بلادك ما يبي لـك جـوازي
نصـوه للـي لـه مقـام ومـعـزا= ذبـاح للضيفـان حيـل وغـوازي
عـدمٍ خصيمـه لا تنصـاه كــزا= ولا رافق الدرن الحقيـر الخنـازي
مطلـق ولـد نايـف مقامـه يعـزا= مع أهل الوفاء والمجد والطيب لازي
شرواه عن مبـداء الرذيلـه يخـزا= صميـدعٍ بفعـول الآخيـار فـازي
مبـداه لـدروب المراجـل يـقـزا= حلحيل ضلعٍ راسـي مـا يـرازي
من رؤؤس قومٍ في اللقاء ما تهـزا= رجالهم مـن ساسهـم مـا يهـازي
راسي سـواة طويـق مـا يستفـزا= رجلٍ عزيز ومن رجـال عـزازي
قلـه رفيقـك فـي الرفاقـه يعـزا= وقبلت في بعض الرجـال التعـازي
مـادام حـي ولا لنـا منـه عـزا= فينـا يطـاوع كاسبيـن المخـازي
قلته وأنـا مـن عـزوةٍ مـا تلـزا = هم تاج راسي وعزوتي واعتـزازي
ولا يسحب انا صليب معـه انتـوزا= ندق في الـراس العنيـد ارتـوازي
ماكـر حـرارٍ مارجـن فيـه وزا= تبعه على صيد الجزيـلات فـازي
رضع الوفاء من يوم هو في المهزا= تاريخهم معـروف يـوم المغـازي
لاجـاء نهـار فيـه للحصـن لـزا= لأفعال عطران الشـوارب نجـازي
ومن عادتي في أهل الوفاء ما اتخزا= لوكـان للعايـل عنيـد إنـحـازي
ولألطم عيونـي بالأصابـع وأطـزا= مـادام مانـي يالرفيـق مـتـوازي
بلعتهـا والكـبـد كـأنـه يـجـزا= ولاني لغلطـات العفـون إنتهـازي
وكسيتها مـن فاخـر الجـوخ بـزا = وفصلتها تفصـال ثـوب حجـازي
ولانـي بحبـلٍ ينثنـي لـو يـرزا= وعندي على سلوم الرجال أمتيـازي
القصيدة الثامنه/ مناسبة هذه القصيده هو مامر به الشاعر من ضروف وفاة أخيه حيلان بن بريكان اللاصوم رحمه الله وبعد وفاته بفتره اصيب ابن خاله ضاوي بن عباس بمرض وتوفي على اثره رحمهم الله جميعاً فهاضت قريحة الشاعر بهذه الابيات
قال الذي من حر ما أونس تبنـج= لا عل ما فـال الأجاويـد فالـي
من يوم صدري عن مساجينه أفرج= وصفقت بالكف اليميـن الشمالـي
من حر مابي بس أغيب وأسوهج= ياعاذليـن عبيـد مالـك ومالـي
يالربع أنا لي عـدة ايـام مخلـج= من البيت والاحباب جالي جفالـي
أصرف دموع كنها السيـل لا دج= مابيـن لحلـوح تضكـه جبالـي
ياعين يلي بازرق الدمـع تزعـج= وآخر نزيـف العيـن دم زلالـي
لوكان أنا من عبرة العين محـرج= لاهاجت العبرات بيـن الرجالـي
وأسبابها هم يخـج الحشـاء خـج= اودع معاليق الضمايـر وصالـي
هموم قلب لا أمسو الناس ترهـج= هم عداء مع وحدتـي وأنعزالـي
تكفون يالظفران انـا ودي أنهـج= والوقت عكر لي مزاجي وبالـي
نويت أسوق الرجل وأسجها سـج= خايف يجيلي من جلوسي هبالـي
بلاي من شـي بصـدري توهـج= ما يحتمل قلب الخطاء ما جرالـي
الله علـى بنـز إلا منـه ادلــج= يمرس كما يمرس جديد المحالـي
ياما حلا لافز مـع خالـي الفـج= وابيع واشري فوق سيتـه لحالـي
وحدي مع النفس الزعول أتهـرج= عيـت تجاوبنـي عليـه سؤالـي
غبر الليالـي بالخديعـه تـدارج= اخذت عضيدي وأقتفاه ابن خالـي
اللي عليهم ضامري بالآسـى لـج= لجت ذياب شرفـن فـوق جالـي
غارن على مالٍ بعد شافهـن هـج= ودون العشاء عدوهن أهل الحلالي
طبـع الليالـي للأجاويـد تسهـج= ولانيب انا الأول ولانيـب تالـي
ولاني على ماقدر الـرب محتـج= لو الزمن من عادتـه ماصفالـي
ولو العـلاج يفيـد كـان اتعالـج= والكل من ربعي يجيب الدواء لي
وانا علاجي كـل صنديـد ابلـج= قامـت تغززهـم بنـات الليالـي
وجدي عليهم وجد من طاح فالعج= حالو عليـه مسطريـن العيالـي
في موقف ماعاد له منـه مخـرج= فكن يدينه من ظهرهـا الحبالـي
فاجأه عـدم مـر كبـده تسهـرج= مطلوب له من سابـقٍ دم غالـي
يمناه عنـد مواجهـه رجتـه رج= من رؤؤس ربع يحتمون التوالـي
ولو ضاقت الايـام لا بـد تفـرج= وعد صحيح من عزيز الجلالـي
مساكم الله بلخير جمعيا
اضع بين ايديكم دايون الوالد الشاعر عبيد بن بريكان اللاصوم الدغيلبي
وأتمنى أن ينال على رضاكم . .
http://up104.arabsh.com/my/bb057f1.jpg (http://up104.arabsh.com)
صورة الشاعر عبيد بن بريكان اللاصوم الدغيلبي العتيبي
القصيدة الاولى / مشاركته في مزاين قبيلة عتيبه
بسم القبيلة كلهـا صغـار وكبـار = وشيخاً حياته لجـل ربـه نذرهـا
متعب طويل الباع في كل محضار= لا كبرت القـالات ينطـح نحرهـا
وربعه حزامه يوم زوغات الأبصار= زحول الرجال ليا تنكـر دهرهـا
كسابت الطالات وافيـن الأشبـار= وأميرهم مـن دونهـم مختصرهـا
لو كان ما تملك من المـال دينـار= القل ما وقف عزوتي مـا شقرهـا
في الموقف الغصاب والقل تجـار= هل كرمة دايم تناطـف السفرهـا
تهلي بكم أعـداد هتـان الأمطـار= وعداد ما هلـت سحايـب مطرهـا
وعداد ما يكسي من الريش الأطيار= وعدد حروفاً في الصحافة نشرهـا
وعداد ما خط القلم فوق الأسطـار= وعدد من يقرأ الحـروف وعبرهـا
وعداد ما ضمت محيطات وأبحـار= وعداد ما يشطاء مجـري نهرهـا
وعداد ما تنعم طواليـع الأشجـار= وتعانقت جـذور الـورد وثمرهـا
وعداد ما هلت من المـزن مـدرار= سيل ٍ تطاما سهلهـا مـع وعرهـا
بشيوخ برقا وروق ماضين الأذكار= أفعالهم فـي الكـون كـل ذكرهـا
قدر ٍ لكم مـا ينتعبـر بالأشعـار= والله لـو ألفيـن بيتـاً سطـرهـا
في أمجادكم مصقول الأفكار يحتار= لو هو شباب يشيب ماقد حصرهـا
وباللجنة اللي نظمـت كـل الأدوار= هلا بها فـي حلهـا مـع سفرهـا
اللي تعرض للمتاعـب والأخطـار= لعل رب الكـون ياقـاء خطرهـا
ونحيي الشعار من كـل الأقطـار= وحياة من شرف حجر من حجرها
ومحضرين كـل لؤلـؤ و محـار= ومعهم من الغبـة نـوادر أدرهـا
حنا الضيوف اليوم وأنتم هل الـدار= وجودكم كـل المشاعـر عمرهـا
مقامكم فوق الكواكـب و الأقمـار= والأرض تاخذ نورها من قمرهـا
أنتم سلايل متعب الهجـن ومهـار= وكم كبد ممـروراً بفعلـه سمرهـا
يعرف مقامه لا حصل موقفاً حـار= كم سربة بالسيف الأرخم حشرهـا
اللي تزعم يوم وجه الدهـر جـار= والجـار ذوقنـا الأمريـن ورهـا
شاور وفكر مع بعيديـن الأنظـار= وحدود خصمـه لا تعنـد عبرهـا
وبعد تقرر بزغت النـور محـدار= بهيلاً تجاهل خصمها من سطرهـا
بهيلاً تهايل كنها مـوج وإعصـار= وروس الخشوم اللي تزنعف كسرها
ونخبة رباعيـن لهـم دور وأدوار= في ساعة كان الخصيـم انتحرهـا
اليا اعتزوا من جد طلابـة الثـار= تبيع غال الروح فـي محتضرهـا
لا جاء نهاراً مثل معتـق بالأقـدار= والروس في حزم الدفينـه زبرهـا
كـم أبلـحـاً شــرف الـغـار= وكم مهرة سـردا بسيفـه عقرهـا
بربعها نهار الضيق يهدون الأعمار= صديق عينك ساعته ما حضرهـا
زاحوا قبايل نجـد يميـن و يسـار= وستاقوا اللي قدمهـا فـي نحرهـا
ناوين في الصمان مشتى ومصفـار= مع ضف فرساناً تلامـع الشهرهـا
ترعا بهم حد الخطر كـل مشكـار= بعد الهزل قايـم يتطايـر وبرهـا
تلقط زماليق الشقارى في الأقفـار= مع الريم وشافوا للحبارى أجررهـا
جايلهـا وقـت البراديـن نــوار= أقواس ترسم من طبيعـة زهرهـا
ما كنك ألا وسـط دكـان عطـار= ريح الشقارى والشمطري ذعرهـا
فيها أم سالم ترفع الصوت مزمـار= لا سمعها المشحون فيض أعبرهـا
ماربها اللي حط مريـاع و حمـار= والأمير بيـن العجـول و بقرهـا
مدهال قطعـان يشوقـن الأنظـار= كن الرجوم أمسمره فـي ظهرهـا
يدفع لها المقهـور والطيرماطـار= والسبر في راس الطويلـة سبرهـا
وقدامها في كل متـرس ومحكـار= بصنع اليهودي حافظيـن نظرهـا
وخزام صدر له مراسيـم وقـرار= وأهل الفعول الناقصـات احتقرهـا
ماياخذ الفنجال مـن بـن وبهـار= ألا بفعـل تعتـرف بـه جبرهـا
وأيضاً الثنيه لا تشبـاء ولاصـار= ألا رباعـاً كاملـة فـي دجرهـا
لموقفاً مـا تنقبـل فيـه الأعـذار= ربعي هل الشرفاء تلقـوا خطرهـا
ربعاً تجازي صاحب الشر بشـرا= رحتى عدل عـن كلمتـه ماعتبرهـا
واليوم شرع الرب دستور وشعـار= من يوم أخو نوره علينـا قصرهـا
وانجاله اللي للوطن درع و ستـار= أملوك الجزيرة برها مـع بحرهـا
حطوا لنا في الكون قيمـة ومقـدار= نرمي لهم فـوق المنابـر أغترهـا
القصيدة الثانيه / في الدفاع عن الرسول صلى الله عليه وسلم
يالله يـا عالـم خفـي السـريـره = يا عالما ً ما تحوي أرحـام وقبـور
يا عالمـا ً بالغيـب شـره وخيـره = محدد نهار الحشر والبعث ونشـور
أبرج لعينا ً مـن سهرهـا ضريـره = تسهر وكن الشب في الموق مذرور
أمسيت أنا وجروح قلبـي غزيـره= ينزف صواب القلب بالدم شختـور
أسبابهـا غيضـا ً تزايـد زفيـره= أصبر وأنا قلبي من الحزن مخطـور
جزعان من قول الشعوب الحقيـره =مما سمعته في النبي غير مسـرور
أسود ضمير ومعمـي الله بصيـره= كلبا ً على الإسلام والرسل مسعـور
ويمنا ً تمثل فيـه عطـاء الجبيـره= وينشل لسانا ً قال في سيـدي زور
عيني بصيـره والأيـادي قصيـره= من القهر كني على الزور مسمـور
لا يا أمـة الإسـلام هـذي مغيـره= سب النصارى وسب عبـادة الثـور
نبينـا اللـي سيرتـه مستنـيـره= وش عذرنا ما دام لحق النبي جـور
ان كان ما فينا على الديـن غيـره= حتيش لو قمنا حضـارات وقصـور
إليا وردنا الحوض يـوم الحشيـره= في وقته اللي في الصيحات مذكـور
نطلب شفاعة والمواقـف عسيـره= وشلون نحصد حب ماهوب مبـذور
مهما يقـول ابليـس وإلا شويـره= حب النبي في قلوب الأجيال محفـور
إلـى دعـا قايـد جميـع الجزيـره= يبشر بربعا ً لا دعاء الداعي احضور
نذكـره حطيـن يــوم الكسـيـره= يوم انهزم جنده من القدس مذعـور
ونذكـره بالمعتـصـم والمسـيـره= زاره ومن دونه محيطـات وبحـور
أحفاد خالـد مـع سعـد والمغيـره= وأبي السرح من بعدهم كمل الـدور
واليوم دور أهل الحمـول الكبيـره= اللي لهم في شيل الأحمـال مقـدور
حكامنـا اللـي يركبـون الوعيـره= دون الشريعه كل ضرغـام ونمـور
عمدان بيت الدين فـي كـل ديـره= والبيت ستره من وراء بابه السـور
ملاذنـا فـي طوالهـا والقصيـره= لا جاء النهار اللي به الفعل مخبـور
أقـل شـيء أن نرحـل سفـيـره= وسفيرنا يطلب رجوعه على الفـور
وإنقاطعه فـي كبارهـا والصغيـره= ولا رزقنا عند أسود الوجه محصور
وألا الشهادة جعل في الأمـر خيـره= نسكن نعيما ً بين الأبـرار والحـور
وبابا النصارى يوم يزمـي زبيـره= صرح مع الإعلام خطبـه ومنشـور
مـا يعتبـر قـدام يلعـن مشيـره= مطاوع كلام إبليس وعيونه العـور
وختامهـا صلـو صـلاة كثـيـره= على نبينـا حـط للديـن دستـور
القصيدة الثالثه : مرثية في المرحوم / مرزوق بن ماطر الدغيلبي
البارحه عيـت عيونـي تنومـي= وليا جفاني نـوم عينـي جفينـاه
كنه يلوج بموق عينـي هزومـي= وأسباب سهري من رفيقٍ فقدنـاه
أخذت أسرح ثم أضوي همومـي = وليا جلب في السوق هم شرينـاه
من يوم ما فارق يمومـه يمومـي= ياصعب فرقا مثل مرزوق صعباه
طبيب طيب مهنـدس فالسلومـي= طلق الحجاج اللي بشوش محيـاه
لآجله بكى مرداس ساس القرومي= مذور لو صبي عينـه نثـر مـاه
معذور لو انـك تشـق الهدومـي= وجميع مايستر عراء الجسم رماه
الله يلـوم اللـي لمثلـك يلومـي= يلومك اللي ما مشى ربع ممشـاه
ستر العفايف زاهيـات الرقومـي= ماهوب درن دسعته فـي دنايـاه
وعلى القصيره بالردى ما يحومي= مأمون جانـب نـادرات سجايـاه
ولاغاب واليهـا يسـد اللزومـي= يرفى خمال الجار والبيت يرعـاه
وعن السفايف والوضيع محشومي= ولافيـه رجـم كايـد ماتـعـلاه
رجل الحموله والقبيلـه عمومـي= واليا عطى مايـوم مـن بعطايـاه
لا وأجملنا اللي بحملـه يقومـي= ينهظ بحملـه لـو أيدينـه مثنـاه
ولاشِق جيبه يوم فتـل الكمومـي= وعلى الرفاقـه ماتهـدد بعجـراه
واليا زمو له نايديـن الخصومـي= يكسر نعفته من بعد دوس علبـاه
لو ينفدي بالمـال والله لأسومـي= ولو ينفدي بأرواحنا كـان نفـداه
لكن وضـعٍ للحكيـم محكومـي= وما شرعه من كون الكون نرضاه
حطوه في قبره عليـه مختومـي= والله يأمن وحشته وسـط مثـواه
يسقي ضريحه صادقات الوسومي= عسى السحاب الغر قبره توطـاه
عليه مزهـرة الزماليـق تومـي= ياليـت ينهـظ ساعـة ويتنـشـاه
ياموت ما صديت يـم الرخومـي= وأنتـه تمـره بالطريـق وتعـداه
عيال الرخوم مرفعين الخشومـي= لوكان مايسوى خروف ولد شـاه
تختص ليث بالصفوف معدومـي= اللي ليا جت ساعة الضيق نلقـاه
عـن الـردى مترفـع للنجومـي= فوق الكواكب له قصـور مبنـاه
وأن كبرت القاله قوي العزومـي= ياسعد من جاله من الضيم ينخـاه
من دون حقه فالمواقف هجومـي= ويحاسبه عن غلطته كـف يمنـاه
عليه أجاوب من عوى فالرجومي= الجوع حـده والضرايـا تحـداه
وانعي كما الورقى بليلي ويومـي= واقنب قنيب الذيب لا طال مسراه
يالله يلـي فـي عبـاده رحومـي= عساه في الجنـه مقـره ومـأواه
تجبر عزاء اللي من فرقاه كظومي= فاجئتهم الايـام باحـزان فرقـاه
القصيدة الرابعه / يوصي أبنائه وحثهم اثناء سفرهم للدراسه خارج المملكه
الا يـا حمامـه جاوبينـي وانـا بجيـب= اخفـف عنـى صـدر تواصـل تنهاتـه
انا البارحه ما امسيت واجاوب غليث الذيب= مغير اتزفر وارخـص العيـن عبراتـه
اليا زل نصف الليل لي في الفراش نحيب= مابيـن الحنايـا تصفـق امـواج وناتـه
انا اسهر بليلي لين كـل النجـوم تغيـب= واعـد الثوانـي والدقـايـق وساعـاتـه
نهار المـوادع ياعيالـي علـي صعيـب= تحطم ضلوع الصدر مـن قـو زفراتـه
جروح الضماير حايـر فيهـن الطبيـب= تعذر علاج القلـب مـن قـو صدماتـه
انا والله اني جاهـل فـي خفايـا الغيـب= وانا ادخل على الله من زمانـي ولوعاتـه
توادعت انا واللي لهم فالضميـر مجيـب= نـوادر حـرار تـاج راسـي وفزعاتـه
حزامي عضودي لاتنكـر لـي الشريـب= توطا على خشمـه بعـد كسـر جمهاتـه
دعوهم على اللي في السفر سيرها ترتيـب= من فوق السحـاب الغـر ضفـة كفراتـه
تنصـو ديـار الكفـر عبـادة الصليـب= يبـون المعرفـه ماهدفـهـم ديانـاتـه
الوح بكفي فـي المـوادع وانـا عطيـب= وزمان المصايب خاف غـدره ونكباتـه
عسى الله يسمح دربهـم كاسبيـن الطيـب= ويعودو لابوهـم بعـد تحقيـق رغباتـه
طريق المراجل والرجولـه تـراه تعيـب= وبسيط على اللي يسمع العـود ووصاتـه
ابنخي عيالي عز ابوهم عسى مـا اخيـب= تغوص المحيـط وتنتـزع منـه داناتـه
وتبعد عن الشبه وتهجـر طريـق العيـب= وتحافظ علـى مبـدأ الشريعـه وعاداتـه
بوصي عيـال العـود لطامـة الحريـب= ولاحاش المراجـل مـن تلـذذ بشهواتـه
نصيحه من اللي كل راسه ودقنـه شيـب= ولابه مسـار مـع هـل المرجلـه فاتـه
وصية محب كامـل العـرف والتجريـب= حريص على عرضه عن اقـوال شماتـه
القصيدة الخامسه / قيلت في ابناء الشاعر اثناء دراستهم الجامعيه في مدينة القصيم حيث انهم كانو يأتون اليه مساء يوم الاربعاء ويعودون مساء الجمعه وهاضت قريحه الشاعر بهذه الابيات
البارحـه يـوم الخلايـق هجوعـي= الذيب جاوبني وانا الذيـب جاوبـت
وكلا رقـد واناعلـى راس كوعـي= يامـا ويامـا فـي فراشـي تقلبـت
اخذت اصارع عبرتـي والدموعـي= واشملت مع بحر الهواجيس واجنبت
وطاوعتهن غصبا على غير طوعـي= وشرقت مع مركب فلكهن وغربـت
يلوعني مـن جـور الايـام لوعـي= وعانيت من جور الليالـي وجربـت
ورجلي على روس المراقي تبوعـي= مابه طويل الا على راسـه ارقبـت
اروم راس العالـيـه والطلـوعـي= وانا على درب المصاعـب تدربـت
وعلى الوفاء والطيب حرصا طموعي= ماهمنـي لوكـان لجلـه تعـذبـت
وافرح الى قالوا مسانـا الربوعـي= واكره الى قالوا ترى بكـره السبـت
موعـد وداع نادريـن الطبـوعـي= اللي لهم في نهـج الاخيـار رتبـت
لحظه وداعـي للحبايـب تروعـي= لاجيت اوادعهـم بعقلـي تقضبـت
ولولا فـوادي ماسكاتـه اضلوعـي= ضاع الفواد وصرت لفوادي اذهبـت
ودولاب صدري من زماني امزوعي= وامسيت اكابد جور الايام وانصبـت
وانا ترجى مـن عيالـي رجوعـي= هلا عدد ماساق في الارض من نبت
يامرحبا يغلأ علـى الارض دوعـي= الى اقلبوا وقفـت طولـي ورحبـت
ياعز صـوت ايداعبنـه اسموعـي= واعز زول بيـن الازوال خاطبـت
وجودكم في البيت مثـل الشموعـي= تكهرب المنزل وانا ايضـا تكهربـت
والبيت ريحه ورد من كـل نوعـي= ومن السرور وبهجت الصدر غيبـت
ياعيال انا بوجودكـم طـال بوعـي= وانا احمد الله يـوم ربيـت ماخبـت
انتـم ذراي ومحزمـي والدروعـي= وانتم رصيدي والمذاخيـر لاشبـت
وعـزي لعـود مايجيلـه افزوعـي= ولاكل من ينجب يقول انـي انجبـت
ياحفاد ربعـأ ينطحـون الجموعـي= تاريخهم في صفحة المجـد بالثبـت
من ماكـر ماضـم عشـه اتبوعـي= نـوادر تعجبـك لامــن تكـربـت
من ماكر طيـره قطوعـا جزوعـي= يعجبك فعله فـي اللقـاء لاتحزبـت
وترى اثمر من روس هاك الجذوعي= وان طابوا الانجال ياسيـدي طبـت
والعرق يسقى شامخـات الفروعـي= وانا نسبكـم يابنـا الاكـرام عربـت
ولاني على نسب الدوينـي خثوعـي= لاشفت انا ماعفت من بعـد جنبـت
القصيدة السادسه / من قصائد مختارة للشاعر
البارحه يوم القمر في الشفـق غـاب= سهران لين الصبح جالـه اشعاعـي
والدمع من عيني على الخـد ينسـاب= ابكي على عمر مـع الهـم ضاعـي
ياعيال ياللي فتلـوا روس الاشنـاب= وقدامكـم يـاطـن روس الافـاعـي
اللي لكم تخضع عنيـدات الارقـاب= ولكم على الخصـم النكيـد اندفاعـي
والى مشيتوا خلـوا القـار مجنـاب= وقسو عليهن مـع طمـان ورفاعـي
واخذوا معاكم زبـدة العلـم بكتـاب= ممـا بقلبـي ماحتملـت الـودعـي
علما يـرج المـخ وشـد الاعصـاب= واخشى على الشريان منه انقطاعـي
والى لفيتوا ديرة اصحـاب وجنـاب= قصـوا عليهـم قصتـي وانطباعـي
في مجلسـا راعيـة ماسكـر البـاب= كلا يجي للبيـت مـن غيـر داعـي
في بيت من له عندنا قـدر وحسـاب= لهل الوفاء والطيـب فيـه اجتماعـي
اللـي لنـار البـن والهيـل شبـاب= في القصر ولا في حصين الشراعـي
وانا من اللي معجبـا فيكـم اعجـاب= لكـن وقـت عبيـد مايـوم طاعـي
وجينا نبي معكـم سواليفـأ اعـذاب= تطـرب لهـن اقلوبنـا واستماعـي
وابعد عن التفكير هو راس الاسبـاب= للجلب الهموم اللي عليهـن اقناعـي
وشفنا رفيقي يشتكي بعض الاتعـاب= عليت يا المنصـاء طويـل الذراعـي
ياربع انا قلبي مـن الهـم منصـاب= ويلوعني مـن جـور الايـام لاعـي
وانا جريح القلب من فقـد الاحبـاب= بيـن العيـون وبيـن قلبـي نزاعـي
ياماجـرالـي يعربـيـن الانـسـاب= طمنـت بعـد زمتـي وارتفـاعـي
ومضيت ليلي بيـن زفـره وهنـداب= وكلا رقد وانا علـى الكـوع واعـي
ومن كثر ماعانيت انا عارضي شـاب= وقتـي طعنـي طعنتيـن اوسـاعـي
وجضيت جضت من مكن رجله الداب= من حر مايونس عن الـدرب تاعـي
من سم صل في القـدم مكـن النـاب= من غاسـق الانيـاب للسـم زاعـي
واقنب كما ذيب علـى راس مرقـاب= جايـع ويدعـي للذيـاب الجيـاعـي
لوتدعـي بالجـوع ياذيـب كــذاب= وشلون جايع والعشاء في المراعـي
قصدك لجلب الهم دفعـات واسـراب= وانا زبونـه كـان سرحـان باعـي
يالايمـي فيهـم يضيعـن الاطبـاب= في القلب مع تاج الوريـد امزاعـي
يالله ياغافـر خطـأ العبـد لاتــاب= يـارب تاقـى عثرتـي وانهزاعـي
القصيدة السابعه / من قصائد مختارة للشاعر
البارحـه يـوم القمـر مبـرهـزا= أشري ذهب وأرمي التنك والبيـازي
قيفان أصخرها علـى مطلـع الـزا= تصميم فكـر مـا يجيـه أهتـزازي
والعيـن كنـه مـن منامـه يقـزا= والا يكسـر فـي بردهـا قـزازي
والقلـب كنـه نايشـه نـار قــزا= ولا ينوشه من ازرق التـاج غـازي
ولا قلت جفني راق من النوم فـزا= فز الوحش من رؤؤس هاك النوازي
أسبابهـا علـم بنفـسـي يـحـزا= وأحـس بـه بيـن المعاليـق وازي
يا أهل الكروز اللـي مقامـه يلـزا= من الوارد التالي حديث الطـرازي
مشروبـه الممتـاز دفـعٍ ومــزا= مصممينـه للـوعـر والـغـرازي
مجهزينـه للطلـب فـي أي حـزا= مع قار وإلا مع فـلاش وغـرازي
لا أخذ ثقيل التـرس ثـم استـرزا= يهوي كما يهوي على الصيد بـازي
لاطـاف نصـف الليـل دزوه دزا= داخل بلادك ما يبي لـك جـوازي
نصـوه للـي لـه مقـام ومـعـزا= ذبـاح للضيفـان حيـل وغـوازي
عـدمٍ خصيمـه لا تنصـاه كــزا= ولا رافق الدرن الحقيـر الخنـازي
مطلـق ولـد نايـف مقامـه يعـزا= مع أهل الوفاء والمجد والطيب لازي
شرواه عن مبـداء الرذيلـه يخـزا= صميـدعٍ بفعـول الآخيـار فـازي
مبـداه لـدروب المراجـل يـقـزا= حلحيل ضلعٍ راسـي مـا يـرازي
من رؤؤس قومٍ في اللقاء ما تهـزا= رجالهم مـن ساسهـم مـا يهـازي
راسي سـواة طويـق مـا يستفـزا= رجلٍ عزيز ومن رجـال عـزازي
قلـه رفيقـك فـي الرفاقـه يعـزا= وقبلت في بعض الرجـال التعـازي
مـادام حـي ولا لنـا منـه عـزا= فينـا يطـاوع كاسبيـن المخـازي
قلته وأنـا مـن عـزوةٍ مـا تلـزا = هم تاج راسي وعزوتي واعتـزازي
ولا يسحب انا صليب معـه انتـوزا= ندق في الـراس العنيـد ارتـوازي
ماكـر حـرارٍ مارجـن فيـه وزا= تبعه على صيد الجزيـلات فـازي
رضع الوفاء من يوم هو في المهزا= تاريخهم معـروف يـوم المغـازي
لاجـاء نهـار فيـه للحصـن لـزا= لأفعال عطران الشـوارب نجـازي
ومن عادتي في أهل الوفاء ما اتخزا= لوكـان للعايـل عنيـد إنـحـازي
ولألطم عيونـي بالأصابـع وأطـزا= مـادام مانـي يالرفيـق مـتـوازي
بلعتهـا والكـبـد كـأنـه يـجـزا= ولاني لغلطـات العفـون إنتهـازي
وكسيتها مـن فاخـر الجـوخ بـزا = وفصلتها تفصـال ثـوب حجـازي
ولانـي بحبـلٍ ينثنـي لـو يـرزا= وعندي على سلوم الرجال أمتيـازي
القصيدة الثامنه/ مناسبة هذه القصيده هو مامر به الشاعر من ضروف وفاة أخيه حيلان بن بريكان اللاصوم رحمه الله وبعد وفاته بفتره اصيب ابن خاله ضاوي بن عباس بمرض وتوفي على اثره رحمهم الله جميعاً فهاضت قريحة الشاعر بهذه الابيات
قال الذي من حر ما أونس تبنـج= لا عل ما فـال الأجاويـد فالـي
من يوم صدري عن مساجينه أفرج= وصفقت بالكف اليميـن الشمالـي
من حر مابي بس أغيب وأسوهج= ياعاذليـن عبيـد مالـك ومالـي
يالربع أنا لي عـدة ايـام مخلـج= من البيت والاحباب جالي جفالـي
أصرف دموع كنها السيـل لا دج= مابيـن لحلـوح تضكـه جبالـي
ياعين يلي بازرق الدمـع تزعـج= وآخر نزيـف العيـن دم زلالـي
لوكان أنا من عبرة العين محـرج= لاهاجت العبرات بيـن الرجالـي
وأسبابها هم يخـج الحشـاء خـج= اودع معاليق الضمايـر وصالـي
هموم قلب لا أمسو الناس ترهـج= هم عداء مع وحدتـي وأنعزالـي
تكفون يالظفران انـا ودي أنهـج= والوقت عكر لي مزاجي وبالـي
نويت أسوق الرجل وأسجها سـج= خايف يجيلي من جلوسي هبالـي
بلاي من شـي بصـدري توهـج= ما يحتمل قلب الخطاء ما جرالـي
الله علـى بنـز إلا منـه ادلــج= يمرس كما يمرس جديد المحالـي
ياما حلا لافز مـع خالـي الفـج= وابيع واشري فوق سيتـه لحالـي
وحدي مع النفس الزعول أتهـرج= عيـت تجاوبنـي عليـه سؤالـي
غبر الليالـي بالخديعـه تـدارج= اخذت عضيدي وأقتفاه ابن خالـي
اللي عليهم ضامري بالآسـى لـج= لجت ذياب شرفـن فـوق جالـي
غارن على مالٍ بعد شافهـن هـج= ودون العشاء عدوهن أهل الحلالي
طبـع الليالـي للأجاويـد تسهـج= ولانيب انا الأول ولانيـب تالـي
ولاني على ماقدر الـرب محتـج= لو الزمن من عادتـه ماصفالـي
ولو العـلاج يفيـد كـان اتعالـج= والكل من ربعي يجيب الدواء لي
وانا علاجي كـل صنديـد ابلـج= قامـت تغززهـم بنـات الليالـي
وجدي عليهم وجد من طاح فالعج= حالو عليـه مسطريـن العيالـي
في موقف ماعاد له منـه مخـرج= فكن يدينه من ظهرهـا الحبالـي
فاجأه عـدم مـر كبـده تسهـرج= مطلوب له من سابـقٍ دم غالـي
يمناه عنـد مواجهـه رجتـه رج= من رؤؤس ربع يحتمون التوالـي
ولو ضاقت الايـام لا بـد تفـرج= وعد صحيح من عزيز الجلالـي