مهــــرة 29 عتيبــــه
05-13-2008, 02:41 PM
بسم الله الرحمن الرحيم
الحمد لله رب العالمين والصلاة والسلام على أشرف الأنبياء والمرسلين نبينا وحبيبنا محمد وعلى آله وصحبه وسلم تسليماً كثيراً وبعد ...
أنا أحدى بنات هذه القبيلة العريقة قبيلة عتيبه الهيلا ،، ولي الفخر بقبيلتي ماحييت ..
عالعموم ماراح أطول بالمقدمة بس الموضوع إني محتاجة لفزعتكم مو لمصلحتي الشخصية لكن لمصلحة القبيلة بشكل عام الصغير فيها قبل الكبير الشايب قبل العجيز ، المهم إن الموضوع كبير كبير بدرجة ماتوصف،
مثل ما أنتو عارفين كرامة عتيبة ومجدها وتاريخها لا يمكن يمحيه أو يهزه برنامج أو قناة أو غيره مما ظهر حديثاً ، أو أنا غلطانه ؟؟؟!!!
بداية في برنامج شاعر المليون كان ظلم صرح وواضح وبجح لولدنا الحر النداوي وكانت الأسباب وهمية وما فيها من الصحة ذرة ، لكن موضوع عدى وراح وتكررت الحركة في النسخة الثانية مع اللي مثلونا في المسابقة ، قلنا مايهم البرنامج حط دوبه ودوبنا ، لكن إن الأمر يستمر والمرض يتفشى في كل القنوات والبرامج هذي اللي ماراح نقبلها ،، وسبب دخولي وطلبي للفزعه منكم هو أنه احتمى الوطيس ضد القبيلة والسبب الأول والرئيسي هو الغيرة بيقول الكثير الغيرة من إيش ؟؟ أشياء كثره أنا ماكتبت علشان أعرف بقبيلة أشهر من نار على علم بالعلوم الطيبة والشهامة وغيره وغيره ..
نرجع لمحور حديثنا وموضوعي اللي أتمنى من قبيلتي العد الرهاوي الوقوف بجنبي لأني نخيتهم وهم خيرهم مايوقف للغريب فما بالكم باللي من لحمهم ودمهم ....
سبب كتابتي وموضوعه اللي هو
فارس الصحراء : وليد بن خالد الغربي العتيبي
إحتمال البعض منكم ماتابع البرنامج راح أشرح لكم اللي أشوف أنه راح يشد همتكم ويقوي عزيمتكم :
انطلق قبل ما يقارب الشهر والنصف برنامج في قناة الصحراء وهو برنامج فارس الصحراء وكان من القبائل المشاركة عتيبه الهيلا ممثلة في وليد العتيبي ف29 ، وقبيلة القحطاني والعجمي والبقمي والمري وهذيل وغيرهم من قبائل شبه الجزيرة، لكن اللي أثبت جدارته واستحقاقه للقب هو ولدنا الشقردي البرواردي الفارس الذيب الرجل : وليد العتيبي لكن مثل ما ا،تم عارفين للنجاح أعداء ، واللي تسببوا في خروجه في دائرة الخطر هذا الأسبوع بالرغم من إن اللجنة راضية عنه بفضل ربي لكن على حد قولهم خذله التصويت ، وبصراحة على قد ماضحكة حزنت من سذاجتهم أيعقل إن قبيلة عتيبه اللي خلقهم الله نص العرب مثل ماقال أخونا الشاعر نايف صقر : الله خلق نصف العرب عتبان ، وهل يعقل إن عتيبه تخذل ولدها وماتصوت له ، اللي خلاها تخلف الهقاوي في شاعر المليون ما أتوقع إنها ماراح تخلفها في هالموقف وحنا أهل المواقف العسيره قبل اليسيره ، والله إني أحكي من جمرة وحرقه، وأحس أفكاري متشتته ومتلخبطه لأن الوقت ضيق وساعة الحسم حانت ياعتيبه ، وعندي أمل في ربي ثم فيكم قولوا تم قولوها ياشيوخ القبيلة ويارجال أعمالها وبناتها وشبابها ، راح أقولكم ايش المطلوب :
اليوم الثلاثاء أوكي ، والتصويت ينتهي يوم الإربعاء الساعه 7 مساء والحفل يوم الخميس الساعة 10 مساءً ،
فالمطلوب من كل من ينتهي إسمه بالعتيبي صغير وكبير عنده حمية عنده غيره على قبيلته يصوت لوليد والأفضل يكون من شرائح موبايلي على رقم موبايلي 6564 يرسل رساله يكتب فيها حرف ف29 مابينهم لا مسافه ولا شئ ، والسبب وراء اختياري لشبكة موبايلي لأن الاتصالات السعودية كانت السبب في قلة نسب شبابنا لأنها تحجب عنهم التصويت ، والدليل إني في اليوم أصوت من ال STC اللي هي شبكة الاتصالات السعودية مابين 400 إلى 500 صوت هذا وأنا وحده من مليار واحد ووحده سواءً عتيبي أو من القبائل اللي تحق الحق وشافت شهامة فارسنا وليد العتيبي ، واللي يجلط القلب ويموت من القهر نتيجة تصويت وليد آخر شئ هل يعقل إن العد الرهاوي تكون نتيجة وقفتهم وتصويتهم 4.05 % وولد هذيل وغيره نسبهم 24.23 % وأكثر وأقل ..
ياناس ياربعي ياعزوتي اللي يسعدكم لازم نوقف الحاقدين عند حدهم إلا عتيبه ،،
تكفووووووووووون وما أتوقع إن بينا ترجي لأن عزنا من عز بعض لكن بضطر أترجى وأتوسل للعلي القدير ينصر وليد ويفوز بلقب فارس الصحراء ، بإذن الكريم الحي القيوم ،
نسيت أقولكم بالإضافه لشريحة الSTC والتصويت منها لكن بمعدل 200 صوت في اليوم لكن شريحة موبايلي كثفت التصويت منها ومازلت ، وبنشوف آخرتها معهم ، سواء القناة نفسها أو شركة الاتصالات لأن وليد العتيبي ماقصر رفع الرأس الله يرفع راسه ، ورايته بيضاء ، وبرضوا عتيبه الهيلا ماقصرت في التصويت لكن يمكن ماركزت على مسألة الاتصالات ..
والعشم في ربي ثم في القائمين على البرنامج إنهم يراعون ربي في التقييم ( ولا نشكك في نزاهة اللجنة ولهم الشكر والتقدير ) وعلى رأسهم المدرب حمد الصبحان الله يبيض وجهك ، لكن نتمنى إن التصويت يأخذ مجراه الطبيعي ولو تم هذا الشئ أنا متأكد إن وليد بيكون أعلى نسبة لأنه من العد الرهاوي مخلفة الهقاوي ، قبيلة عتيبه الهيلا مرجحة الموازين ، اللي خلوا من نفود السر ديره في يوم وليله وإلا نسيتوا مجدنا وتاريخنا ، حنا راعين الأوله ، ..
أخيراً أتمنى الكل فهم وعرف مقصدي ، من حر ما فيني ودي أصرخ بأعلى الصوت وأدخل بيت كل عتيبي وأشرح له إن الوضع مزري ويتعب نفسياً ،، أجل ولدنا وربي ما أقولها لأني عتيبيه وحمية بس لا والله بس الكل يشهد له والدليل شوفوا شات القناة كل القبائل ترشحه وتشيد فيه ، ولد أفضل واحد إن جيت للكشته هو اللي حطب وشرا الذبيحة وطبخها والقهاوي هو اللي يصلحها ويصبها وإن جيت للخيل فهو خيال وفارس والرماية يرمي ويصيب الهدف وعلومه غانمه وكامل والكامل وجه الكريم ..
ربعي ياعتيبه ربعي ياعتيبه رسالة من وليد لكم لما إنصدم من نسبته :
همي عتيبه ليا قاموا سوا
قام قومٍ ولا حني للذل روس ..
ياعتيبة في شبه الجزيرة ، ياعتيبة الكويت ، ياعتيبة العراق ، ياعتيبة الأردن ، تكفون شدوا الهمه ..
العذر والسموحة بس عندي مرض حمى الحمية .. وغيره أخوي وليد يستاهل ..
سبحانك اللهم وبحمدك أشهد أن لا إله الا انت سبحانك اني كنت من الظالمين..
على فكره تصويت وليد نلاحظ إنو ينزل كل مازاد التصويت إيش السبب ,
ياترى صوت أكثر تنزل النسبة أكثر !!!!!!!!!!!!!!!!!!
ياناس شوفوا حل يا أنا يا خسارة وليد !!!
الحمد لله رب العالمين والصلاة والسلام على أشرف الأنبياء والمرسلين نبينا وحبيبنا محمد وعلى آله وصحبه وسلم تسليماً كثيراً وبعد ...
أنا أحدى بنات هذه القبيلة العريقة قبيلة عتيبه الهيلا ،، ولي الفخر بقبيلتي ماحييت ..
عالعموم ماراح أطول بالمقدمة بس الموضوع إني محتاجة لفزعتكم مو لمصلحتي الشخصية لكن لمصلحة القبيلة بشكل عام الصغير فيها قبل الكبير الشايب قبل العجيز ، المهم إن الموضوع كبير كبير بدرجة ماتوصف،
مثل ما أنتو عارفين كرامة عتيبة ومجدها وتاريخها لا يمكن يمحيه أو يهزه برنامج أو قناة أو غيره مما ظهر حديثاً ، أو أنا غلطانه ؟؟؟!!!
بداية في برنامج شاعر المليون كان ظلم صرح وواضح وبجح لولدنا الحر النداوي وكانت الأسباب وهمية وما فيها من الصحة ذرة ، لكن موضوع عدى وراح وتكررت الحركة في النسخة الثانية مع اللي مثلونا في المسابقة ، قلنا مايهم البرنامج حط دوبه ودوبنا ، لكن إن الأمر يستمر والمرض يتفشى في كل القنوات والبرامج هذي اللي ماراح نقبلها ،، وسبب دخولي وطلبي للفزعه منكم هو أنه احتمى الوطيس ضد القبيلة والسبب الأول والرئيسي هو الغيرة بيقول الكثير الغيرة من إيش ؟؟ أشياء كثره أنا ماكتبت علشان أعرف بقبيلة أشهر من نار على علم بالعلوم الطيبة والشهامة وغيره وغيره ..
نرجع لمحور حديثنا وموضوعي اللي أتمنى من قبيلتي العد الرهاوي الوقوف بجنبي لأني نخيتهم وهم خيرهم مايوقف للغريب فما بالكم باللي من لحمهم ودمهم ....
سبب كتابتي وموضوعه اللي هو
فارس الصحراء : وليد بن خالد الغربي العتيبي
إحتمال البعض منكم ماتابع البرنامج راح أشرح لكم اللي أشوف أنه راح يشد همتكم ويقوي عزيمتكم :
انطلق قبل ما يقارب الشهر والنصف برنامج في قناة الصحراء وهو برنامج فارس الصحراء وكان من القبائل المشاركة عتيبه الهيلا ممثلة في وليد العتيبي ف29 ، وقبيلة القحطاني والعجمي والبقمي والمري وهذيل وغيرهم من قبائل شبه الجزيرة، لكن اللي أثبت جدارته واستحقاقه للقب هو ولدنا الشقردي البرواردي الفارس الذيب الرجل : وليد العتيبي لكن مثل ما ا،تم عارفين للنجاح أعداء ، واللي تسببوا في خروجه في دائرة الخطر هذا الأسبوع بالرغم من إن اللجنة راضية عنه بفضل ربي لكن على حد قولهم خذله التصويت ، وبصراحة على قد ماضحكة حزنت من سذاجتهم أيعقل إن قبيلة عتيبه اللي خلقهم الله نص العرب مثل ماقال أخونا الشاعر نايف صقر : الله خلق نصف العرب عتبان ، وهل يعقل إن عتيبه تخذل ولدها وماتصوت له ، اللي خلاها تخلف الهقاوي في شاعر المليون ما أتوقع إنها ماراح تخلفها في هالموقف وحنا أهل المواقف العسيره قبل اليسيره ، والله إني أحكي من جمرة وحرقه، وأحس أفكاري متشتته ومتلخبطه لأن الوقت ضيق وساعة الحسم حانت ياعتيبه ، وعندي أمل في ربي ثم فيكم قولوا تم قولوها ياشيوخ القبيلة ويارجال أعمالها وبناتها وشبابها ، راح أقولكم ايش المطلوب :
اليوم الثلاثاء أوكي ، والتصويت ينتهي يوم الإربعاء الساعه 7 مساء والحفل يوم الخميس الساعة 10 مساءً ،
فالمطلوب من كل من ينتهي إسمه بالعتيبي صغير وكبير عنده حمية عنده غيره على قبيلته يصوت لوليد والأفضل يكون من شرائح موبايلي على رقم موبايلي 6564 يرسل رساله يكتب فيها حرف ف29 مابينهم لا مسافه ولا شئ ، والسبب وراء اختياري لشبكة موبايلي لأن الاتصالات السعودية كانت السبب في قلة نسب شبابنا لأنها تحجب عنهم التصويت ، والدليل إني في اليوم أصوت من ال STC اللي هي شبكة الاتصالات السعودية مابين 400 إلى 500 صوت هذا وأنا وحده من مليار واحد ووحده سواءً عتيبي أو من القبائل اللي تحق الحق وشافت شهامة فارسنا وليد العتيبي ، واللي يجلط القلب ويموت من القهر نتيجة تصويت وليد آخر شئ هل يعقل إن العد الرهاوي تكون نتيجة وقفتهم وتصويتهم 4.05 % وولد هذيل وغيره نسبهم 24.23 % وأكثر وأقل ..
ياناس ياربعي ياعزوتي اللي يسعدكم لازم نوقف الحاقدين عند حدهم إلا عتيبه ،،
تكفووووووووووون وما أتوقع إن بينا ترجي لأن عزنا من عز بعض لكن بضطر أترجى وأتوسل للعلي القدير ينصر وليد ويفوز بلقب فارس الصحراء ، بإذن الكريم الحي القيوم ،
نسيت أقولكم بالإضافه لشريحة الSTC والتصويت منها لكن بمعدل 200 صوت في اليوم لكن شريحة موبايلي كثفت التصويت منها ومازلت ، وبنشوف آخرتها معهم ، سواء القناة نفسها أو شركة الاتصالات لأن وليد العتيبي ماقصر رفع الرأس الله يرفع راسه ، ورايته بيضاء ، وبرضوا عتيبه الهيلا ماقصرت في التصويت لكن يمكن ماركزت على مسألة الاتصالات ..
والعشم في ربي ثم في القائمين على البرنامج إنهم يراعون ربي في التقييم ( ولا نشكك في نزاهة اللجنة ولهم الشكر والتقدير ) وعلى رأسهم المدرب حمد الصبحان الله يبيض وجهك ، لكن نتمنى إن التصويت يأخذ مجراه الطبيعي ولو تم هذا الشئ أنا متأكد إن وليد بيكون أعلى نسبة لأنه من العد الرهاوي مخلفة الهقاوي ، قبيلة عتيبه الهيلا مرجحة الموازين ، اللي خلوا من نفود السر ديره في يوم وليله وإلا نسيتوا مجدنا وتاريخنا ، حنا راعين الأوله ، ..
أخيراً أتمنى الكل فهم وعرف مقصدي ، من حر ما فيني ودي أصرخ بأعلى الصوت وأدخل بيت كل عتيبي وأشرح له إن الوضع مزري ويتعب نفسياً ،، أجل ولدنا وربي ما أقولها لأني عتيبيه وحمية بس لا والله بس الكل يشهد له والدليل شوفوا شات القناة كل القبائل ترشحه وتشيد فيه ، ولد أفضل واحد إن جيت للكشته هو اللي حطب وشرا الذبيحة وطبخها والقهاوي هو اللي يصلحها ويصبها وإن جيت للخيل فهو خيال وفارس والرماية يرمي ويصيب الهدف وعلومه غانمه وكامل والكامل وجه الكريم ..
ربعي ياعتيبه ربعي ياعتيبه رسالة من وليد لكم لما إنصدم من نسبته :
همي عتيبه ليا قاموا سوا
قام قومٍ ولا حني للذل روس ..
ياعتيبة في شبه الجزيرة ، ياعتيبة الكويت ، ياعتيبة العراق ، ياعتيبة الأردن ، تكفون شدوا الهمه ..
العذر والسموحة بس عندي مرض حمى الحمية .. وغيره أخوي وليد يستاهل ..
سبحانك اللهم وبحمدك أشهد أن لا إله الا انت سبحانك اني كنت من الظالمين..
على فكره تصويت وليد نلاحظ إنو ينزل كل مازاد التصويت إيش السبب ,
ياترى صوت أكثر تنزل النسبة أكثر !!!!!!!!!!!!!!!!!!
ياناس شوفوا حل يا أنا يا خسارة وليد !!!