يابناء عتيبه ارجو الدخول .؟ والنقاش بكل عقلانيه

[ابو جنيه]

السلام عليكم



موضوع اطرحه لكم وهو من اهم المواضيع اللي تهم قبيلتي


اتمنى الابتعاد عن القبليه والنقاش بكل عقلانيه ....


مالذي فعلوه اعضائنا السابقين للقبيله ؟

هل سعو الي تعييين احد الكوادر التعليمية من القبيلة في احد المواقع الحساسه ؟
هل سعو الي دخول احد ابناء القبيلة في احد الكليات العسكرية الدفاع او الداخلية ؟
هل سعو الي وصول احد أبناء القبيلة الي ان يصبح وكيل وزارة او مساعد وكيل وزراة ؟
هل سعو الي وصل احد ابناء القبيلة الي رئيس قسم او مسؤل قسم ؟
هل سعو الي دخول احد الحاصلين علي شهادة الدكتورا والماجستير الي التعيين بجامعة الكويت
هل سعو الي تعيين احد من افراد القبلية في المعهد التجاري والتطبيقي من الحاصلين علي الشهادت العليا ؟

اوجه هذةالاسئلة الي من لدية الدليل علي وصول احد من افراد القبيلة عن طريق اي عضو
كما تفعل اكثر القبائل المعروفة بالكويت ...

هل هو عدم مقدرة اعضائنا علي خدمة القبيلة او
هل خوفن من وصول احد افراد القبيلة اي منصب اومكان معروف ويكون خطر عليه من ان يسحب البساط من تحت قدمية ؟


اترك الجواب لكم

انا اتكلم عن القبيلة وعن الرفع من شائنها وليس كلام شخصي .

اتمني من الاعضائ السابقين ان يفتحو الطريق الي ابناء القبيلة
الذين لديهم الشهادات العليا
ولديهم القدرة وصول ابناء القبيلة الي مراتب عليا
قد يكون وزراء وكلاء وزارات سفراء وغير ذلك....

تمنياتي للقبيلة العلو والمجد ولوصول الي القمة

والكويت اولا وثاني واخيرا

عاشت الكويت


اخوكم

ابو محمد الذيابي

[ماكنتوش *!]

اتعاضد معاك واصف بجانبك بخصوص هذا الراي
وكذلك عتيبه ..

نريد افاده حقيقيه ، هل حصل ذلك ؟؟
سوالف معامله ويمشيها لك
اذا جذيه : الحكومي البصام ينفعك اكثر .. الحكومه تمشيله كل معاملاته

لكن نبي واحد فعلا ً رجل مايكون مجرد لعبه بيد س ( من الشيوخ ) او غيرهم

نبي شخص كفء يرفع اسم عتيبه
شخص نزيه





نكشه صغيره : التغير بالمجلس هذا 75 %

ومنظمنه عتيبه وعتيبه اكبر من انها تكون حكرا ً على فلان !!

[ابو جنيه]

مرحبااا


ياماكنتووش

كلامك عين العقل

ولا بد من التغيير

[ماكنتوش *!]

أبشر بالتغيير

تغيير كـااااسح بإذن الله

[ابو جنيه]

انشاءلله

وهي مجرد ايام لااكثر

:)

[ذيب النفعه]

يالذيابي الله يعطيك على قد نيتك

بعد مشاهدتي للعينه العشوائية تأكد من نجاح سعــــــدون حماد بفارق ساحـــــــــــــــق

الله يوفق الجميع ومبروك مقدما لسعدون حماد

[خالد العضياني]

السلااام عليكم ورحمه الله ,,,,

أخوي ابو جنبيه موضوعك جدا مهم....

فعلاااا مشكله قبيلتنا ان العضو مايمسك جماعته المناصب باي وزاره او جهه مهمه

مع ان في شباب عندهم شهادات وخبره تميزهم عن غيرهم ,,,, وغيرهم ياخذها بارده مبرده

ليش؟؟؟؟ لأن عندهم اعضاء مرتكيه لهم ويفرضونهم فرض

وفي قبايل من غير ما أذكرها تسوي جذي ....... وبالنسبه لي اقول ياطيبهم الي نافعين بعض

تلقاهم زارعين بأغلب الوزارات الحسساسه ربعهم علشان اذا احد يبي من افراد القبيله خدمه

بالوزاره ....يقوله رح ابن عمك هناك مسؤول يدبرك ....(تلاحظون) شغله..!!!

بعض وانا اقول بعض العتبان المسؤولين ماينفعون ربعهم...تدرون ليش؟؟

لأنه وصل بمجهوده يعني مدبر حاله بالعفرته وخايف على نفسه لأنه ماله ضهر

هذاا رايي .... ممكن يكون صح وممكن يكون غلط

بس أقول نبي تلااااحم للعتبان ونبي الأعضاء الي يطلعون

بأي دائره يكونون سند وضهر للعتبان كلهم ..ودمتم

[ابو جنيه]

ذيب النفعه

راح اترفع عن الهرج معك

[ابو جنيه]

مرحباا ياخااالد


كلامك صحيح 100 في المائه وهاذ دليل على ان اعضائنا السابقين لم يكن لهم دوور في مناصب ابناء القبيله

وماقول غير الله يرحم ناصر العصيمي

ويرحمنا برحمته

[ماكنتوش *!]

يالذيابي الله يعطيك على قد نيتك

بعد مشاهدتي للعينه العشوائية تأكد من نجاح [سعــــــدون حماد بفارق ساحـــــــــــــــق

الله يوفق الجميع ومبروك مقدما لسعدون حماد


والله لو انك شايف العنيه جان عرفت ليه سعدون أجلها
ولونه واثق جان ما اجلها


أتمنى ان تتعقلون قبل ان تتفوهون بكلام غير مسوؤل

[عضو عتيبه]

شكرا لك على هالموضوع

ونحن ضد التغيير والمجازفه

[ذيب النفعه]

والله لو انك شايف العنيه جان عرفت ليه سعدون أجلها
ولونه واثق جان ما اجلها


أتمنى ان تتعقلون قبل ان تتفوهون بكلام غير مسوؤل



والله ياماكنتوش مدري وش فيك يعني تكذبني وانت ما عندك دليل
وشدراك اني ما شفت العينه
اقسم بالله العظيم ان العينه عندي وقدام عيوني واذا تبي تسأل عن اي اسم حاضر حتى تصدق

بعدين ياخوي والله اني احب جميع الاعضاء لان تربطني رابط الدم والعرق كما يقولون

اخيرن هذا راي وكلن حر برايه

تحياتي لك

[ابو جنيه]

عضو عتيبه

وجهت نظرك واحترمها

لااكن الناس صابه يائس

[(فارس عتيبه)]

ذيب النفعه احترم رايك بخصوص العينه العشوائيه وابارك لسعدون حماد بعد ولاكن منو المرشح الثاني اللي يبي يطلع مع سعدون

[معتاد الذيابي]

ماقول الا الصوت امانة

واعطة من يستحقة

لم نشاهد في المجالس السابقة من نفع القبيلة

بشكل واضح من جميع اعضاء مجلس الامة السابقين

وخاصة من بعد الغزو

لالالالالالالالالا بد من التغيير

والوصول الي ماهو افضل ويستاهل الثقة

فالخيار بيدك ياولد الهيلا

يالحر

فانتم احرار ابناء احرار

وعلي العز يا اعتيبة

[ماكنتوش *!]

والله ياماكنتوش مدري وش فيك يعني تكذبني وانت ما عندك دليل
وشدراك اني ما شفت العينه
اقسم بالله العظيم ان العينه عندي وقدام عيوني واذا تبي تسأل عن اي اسم حاضر حتى تصدق

بعدين ياخوي والله اني احب جميع الاعضاء لان تربطني رابط الدم والعرق كما يقولون

اخيرن هذا راي وكلن حر برايه

تحياتي لك




تقدر تعددلي الي واثق منهم سعدون كم واحد
واذا ماتبي تقول اساميهم بالمنتدى ودي اشوفهم بالرسايل الخاصه

ودي اتنور :)

[(فارس عتيبه)]

معتاد الذيابي تبي التغيير انا معاك بالتغيير ولاكن ليش تجازف اللجنه بكل القبيله وتنزل اثنين بحجة التغيير يااخي تبي تغير لابد ان يكون المرشح معروف بكل القبيله وصدقني شيبان عتيبه وشبابها اذا حان وقت التغيير والله يوقفون وقفه رجل واحد ويغيرون ولاكن تغير بهالطريقه والله ما يصير اهم شي كرسي عتيبه لا يضيع علينا بحجه التغيير

[ماكنتوش *!]

أبشر .. كرسي عتيبه ماهوب ضايع
وبدل كرسي كرسيين

اذا ما انشقوا عن الفرعي ونزل فلان نفسه غصب برا الفرعي
بوقتها بس قول على كراسينا السلام

[ابو جنيه]

معتاد الذيابي

ماكنتوش


شكرا لكم على الردود الواعيه واللي تدل على وعي ابناء القبيله في الدائره الخامسه

تحياتي

ابو محمد الذيابي

[عبدالله العضياني]

مشكورين ياأخوان على الموضوع المميز

ولابد من التغيير لانه في ناس انضلمو من ابناء عتيبه

ولو انه سعدون متأكد من أنه العينه من صالحه كان ما اجلهاااا

وانشاالله التغيير جاي بأذن الله والله يوفق الجميع

[ابو جنيه]

مرحبا

يالعضياني

شكرا لمرورك

ولابد ان شباب عتيبه ياخذونه فرصتهم

[المعلمه]

كل يبي يدش الانتخابات

عزززززي لحالي

مبررررررررررررروكـ يالحوت

[ذيب النفعه]

تقدر تعددلي الي واثق منهم سعدون كم واحد
واذا ماتبي تقول اساميهم بالمنتدى ودي اشوفهم بالرسايل الخاصه

ودي اتنور :)




ماكنتوش العزيز
وشرايك الحين يوم اقولك ان ابوحماد فايز بالاول دون منازع
هذا الكلام ما اقصد فيه قصور بالاخوان المرشحين لا وحشا والله
لان من بينهم ولد العم اللزم والخال والربع العزيزين علينا
لكن هذا تنافس وكلن ياخذ حقه

واحب في هذه المناسبه اباركلك وابارك لكل عتيبه بهذه النتايج
المرضيه للجميع لان لكل مجتهد نصيب واخواني اللي ماحالفهم الحظ
نقولهم خيرها بغيرها والميدان جديد والخيل قرح

[ابو جنيه]

شاكر لك المرور

[فهد البرقاوي]

بالنسبه للمنفعه

الظليمه شينه

الاعضاء السابقين كان لهم دور في بعض الامور وقاموا جزاهم الله خير

بااشياء يشكرون عليها

مثل طلعوا جناسي لعائلة كامله من العتبان عاشوا طول عمرهم بدون
واتوقع ان بعضكم يعرف هالعائله في منطقة العارضيه

كذلك سعوا في اخماد بعض الشوشره بالنسبه لبعض جناسي العتبان
الي انكشفت ازدواجيتهم عن طريق المنافذ

ولد عمي انصاد بالجواز السعودي ثلاث مرات والبركه بعضو من اعضاء العتبان
غمتها في كل مره

وولد عمي نفسه هذا الي مطلع له الجنسيه عضو من اعضاء العتبان الي كانوا
بمجلس 2006

كذلك اعرف ناس واجد طلع لهم عضو من العتبان بيوت ماكانوا ليحصلوا عليها
لو عاشوا 20 سنه قدام وبعضهم راحت عليه ومايآخذ بيت لين يموت
وطلع لهم العضو هذا

لكن بالمناصب والله مااذكر اني سمعت ان عضو رفع عتيبي وحطه في منصب
الا شخص واحد خريج حقوق جامعة الكويت متفوق ممتاز مع مرتبة الشرف
تقدم يبي وكيل نيابه وكان افضل المتقدمين لكن مهما كان لازم واسطه
وقام معه عضو من اعضاء العتبان السابقين وسهل الله والرجال صار وكيل نيابه


وبصراحه يااخوان
ابكون صريح معكم

بعض العتبان اذا مسك منصب مايعرف اخوه

يعني انا اخوي خريج حقوق بتقدير جيد وتقدم يبي محقق قالوا سنك متعدي السن القانوني بسنه
المسئول عن القبول عتيبي والله اني ناسي اسمه كلمه الشايب يعرفه على شان يستثني السن
قال والله مستحيل ومن سابع المستحيلات واذا صار استثنائيات من اي احد ابدخل ولدك
ويوم طلعت النتايج اكشتفنا ان فيه كذا واحد متعدين السن القانوني ومستثنينهم

كذالك انا موظف بوزارة مدير مكتب الوزير فيها عتيبي
والله ياجماعه انه ماينفع بسبع المذاهب
جاه اخوي اول ماتوظفت عشان يحطني في مكان معين بالوزاره قال مااقدر
والله ياجماعه ان عقبها رحت لرئيس قسم شئون الموظفين وطلبته وانا والله مااعرفه
ولاهو عتيبي عازمي من عيال عطا قال ابشر بسعدك وعطاني كتاب بيض الله وجه للمكان الي ابيه

والعتيبي هذا بالذات على قو منصبه ماعمري سمعت انه نفع اي واحد عتيبي او غير عتيبي

[ابن عتيبه]

ربعنا فيهم الخير والبركه

اعرف شخص ترشح لمراقب عام بوزاره وتم رفض طلبه من قبل اللجنه وراح لوليد العصيمى وجابها له بدون لجنه وهو الان مراقب عام من ثلاث سنوات

[عبيدغازي العتيبي]

السلام عليكم ورحمة الله وبركاته
وبعد...اشكرك اخوي ابوجنيه واشكر كل الاخوان كلهم علي الطرح والنقاش ولكن ليحق
التجريح للبعض كلنا عتبان وعلي الدرب طوال وكما ذكر اخوي الروقي بخصوص هذا الكلام
ومن ناحيه الموضوع الي انتم تناقشون عليه اود طرح رايي وانشالله تتقبلونه
ان المرشحين الذين تمت تزكيتهم الله يوفقهم وامامهم مسير طويل وعسا الله يوفقهم بما فيه
خير ومن ناحيه بعض ذكر الاخوان ذكر التغيير اقووول الفرعيه والعتبان هم ابدا بالتغير
هم الذين اختارو الرجال الي يبونهم ومن ناحيه اخري شيبان العتبان هم الذين اختارو
المرشحيين الذين تمت تزكيتهم والمرشحين الذين خاضو الفرعيه ولما يحالفهم الحض
عسا الله يوفقهم وكلن له طموح ولي الله كاتبله راح يصير من نصيبه محد يقدر يعارض
المكتوب الي الله كتبه له والله يوفق عايض ابوخوصه وسعدون حماد في الانتخبات القادمه
ولاتخلونهم بالانتخبات القادمه يعتيبه عيالكم وتقبلو تحياتي ومروري وعسا ان اكون
قلت الي يرضي الجميع والله ولي التوفيق
وشكـــــــــــرااا