روايتي الخطر القادم بقلمي احمد خالد الصياح العصيمي (كل عتيبي يدخل ضروري)

[صياحي]

السلام عليكم
اليوم جايبلكم روايتي الخطر القادم
انا دايما اسمع انه عتيبه فيها حميه كبيييييييييييييره
وحسيت فيها على ايام يوسف لما الكل وحد كلامه صوب يوسف
وحسيت وقتها بالافتخار الكبير اني من عتيبه على اساس انه القبيله كلللللللها برقا وروق اتحدوا عشان ينصرون موهبة شاب عتيبي اسمه يوسف بن رزاق العصيمي
عشان جذيه انا طمعان بحميتكم الكبيره
واليوم راح انزللكم روايتي الجديده اسمها الخطر القادم..............
واتمنى القى عندكم الدعم والتشجيع واتمنى تعطوني رايكم للاهيه خصوصا اني باذن الله راح اسعى انها تنشر وانا قلت من قبل وراح اقولها للمره الثانيه اني انا طموحي اكون سفير الهيلا في مجال الادب خصوصا انه نادر ما نلقى كاتب عتيبي شاب بعمري (18 سنه)
عموما خير الكلام ما قل ودل
راح اكتبلكم الان المقدمه وناطر تفاعلكم .................يا عتيبه

الخطر القادم
{ان الله لا يغير ما بقوم حتى يغيروا ما بانفسهم}
صدق الله العظيم
قصتي هي تنبيه على الاخطار المحدقة بنا ليلا ونهار
قصتي تشير الى بعض الاخطار وليست حصر
لكل شخصيه مغزى واللبيب من يقرا ما بين الاسطر
في القصه اخطار تضر شخص....... لا غير
واخطار تهدم المجتمع النائم على الحرير
واخطار تضخمت مع السنين ومع اللامبالاه وقصر النظر
اقرا القصه بعقلك....... للتنوير
واستخلص المراد توصيله وتسلح بالصبر
اقرا القصه بقلبك الكبير
وتخيل انها تحكي واقعك وعيش الدور
اقرا القصه بعقلك المنير
وفكر في كيفية محاربة هذه الاخطار
اقرئها بقلبك لكي تدرك حجم الخطر
افرئها بعقلك لكي تسعى لنحر الخطر
لا تعتبرها مجرد وسيله لقضاء وقت الفراغ ..........الكبير
بل اعتبرها الخطوه الاولى للتغيير والتطوير
خلال قرائتك للقصه ورؤيتك للخطر عن طريق المجهر
اسال نفسك هل انت خطر قادم ....... وشر خطير
وهل بدات لهذا الطريق.......... المسير..........
وهل حاولت في مره من المرات واد الخطر
ام التزمت الصمت وقلت..................... هو حر
انو السعي نحو البحث عن مكامن الخلل لكي تقتلعها من الجذور
انو ان تكون قرائتك عباده تجزى ويجزى كاتبها الاجر الكثير
اللهم بلغت اللهم فاشهد اللهم عوضني بالحور ...................
قصتي تدور حول بيتين
بيت الاسير
هو بيت مكون من ام (بشاير) ولديها من الاولاد 2 نواف20 سنه وطلال 17سنه ومن البنات تحرير 15 سنه
وذكرى والدهم الاسير
وبيت البدون
هو بيت مكون من عماد رجل( بدون ) جنسيه وزوجته الكويتيه انوار ولديه من الاولاد 2 طارق 22سنه وحمد 18 سنه ومن البنات امل 27 سنه واحلام 16سنه واماني 15 سنه

تبدا احداث قصتي بتاريخ 15\ 5 \ 2006
.................................................. .................................


ناطركم
واكرر
اتمنى اعرف رايكم للضروره القصوى

[محمد المقاطي]

هلا العصيمي

ما شاء الله عليك

مقدمه رائعه وقصه اروع

الا بسألك وين القصه هههههه

علي القوة

وبانتظار طرح القصه

[المقاطى_q8]

ابن عاصم

بدايه رائعه
وكأني قريت شي بين السطور
مبين على القصه من البدايه
انها مبطنه ومدفونه






تحيااااااتي

[صياحي]

اخوي محمد المقاطي......اعتقد واجزم ومتاكد انه اللي انا كاتبه هو يسمى مقدمه فبلاش اســــــ

اخوي المقاطي
اشكرك على دعمك لي وفعلا القصه مبطنه واتمنى انها تعجبكم

[صياحي]

بيت الاسير
بشاير: تحرير تحرير
تحرير: خير
بشاير: جم مره اقوللج قوللي نعم
تحرير(بامتعاض): نعم يما
بشاير: روحي نادي اخوانج بنحط الغدا
تحرير: يما انا قايلتلج من قبل ان علاقتي باخواني مو شي
بشاير: تحرير حبيبتي اللي تسوينه غلط لازم تقوين علاقتج باخوانج
تحرير: يما اللي يسمعج يقول بروح انادي توم كروز يتغدا معاي مو طارق وطلال كل واحد دمه اثقل من الثاني
بشاير: عيب تقولين عن اخوانج جذيه
تحرير: من زينهم واحد ملييييييييغ حده يقط النكته .... (تستدرك كلامها) أي نكته الا الملاغه ومحد يضحك عليها الا هو والا طلال بس قاعد ويكتب حسباله انه بيغير الدنيا بكتاباته البايخه
بشاير: تحرير هذي انتي ما تيوزين من طبايعج تحبين الهذره انا قلتلج روحي ناديهم يعني روحي ناديهم
تحرير: ان شا الله
(تحرير: هي اخر العنقود دلوعه وحساسه حيل ودايما تحس انها مظطهده بالبيت وان محد يحبها راح نتعرف عليها اكثر مع الاحداث)
راحت تحرير غرفة اخوها الكبير نواف وطقت الباب
نواف: هااااااااااااااااااااااااااااااااااااااا
تحرير: يا طرزان تعال تغدا
فتح نواف الباب
قال نواف: ماني مصدق عيوني الاميره النائمه تطق باب غرفتي وتقوللي تعال تغدا انا بحلم ولا بعلم
تحرير: يا كرهك ويا ثقل دمك
ومشت وخلته يولي
(نواف اكبر واحد بالبيت دمه خفيف بس مو دايما يحب النكت والغشمره لكن مع الاحداث راح يسوي شغلات راح تغير مسار القصه كلها )
تحرير تطق باب غرفة طلال
طلال: ادخل
قالت تحرير: دخلي مو ادخل انا تحرير
(ولقته قاعد جدام الكمبيوتر ويكتب)
قال طلال: هلا تحرير حياج
قالت تحرير: تعال انت ما مليت كل شوي اشوفك قاعد تكتب
يعني مع احترامي احسك تضيع وقتك عالفاضي
قال طلال: شوفي تحرير ما راح ارد على كلامج اني اضيع وقتي عالفاضي لكن تاكدي اني انا الاقي ذاتي في الكتابه واحس بنفسي اكثر واكثر لما اكون اكتب تدرين شنو احلى شي لما كون
قاطعته تحرير: اوووووووووووف انا طالعه
وطلعت من الغرفه
(طلال :شخصيته حيل هاديه ورومانسي يموت على الكتابه ودايما كلامه فيه عمق كبير واهتماماته غير عن اللي بعمره لكن مع الاحداث راح تصيرله اشياء تحطمه)
في الصاله قاعدين الام (بشاير ) ونواف وتحرير
نواف: يما الاكل اليوم وايد حلو
قالت تحرير: وانت ما همك غير بطنك
قالت بشاير: ما صارت وين طلال
قالت تحرير: ابييييييه ابيه نسيت اناديه
قال نواف: ما تنلامين لانج غبيه انا بروح اناديه
قالت بشاير: لا خلك انا بروح اناديه
قال نواف: لا يما والله ما تقومين انا بروح اناديه تحرير ما تنلامين يا غبيه هانم
وراح
قالت تحرير: يما شفتيه
قالت بشاير: تحرير هذا اخوج وهذي غشمرته ما تعرفينه
بغرفة طلال
قال نواف: يا الله تعال تغدا هالغبيه امي قالتلها تناديك وما نادتك صج غبيه
قال طلال: حرام عليك والله انها حبوبه وعادي ما فيها شي نست
قال نواف: انا بسبقك يا ابو الحنيه والطيبه
على الغدا
قال نواف: يما يقوللج (ويطالع تحرير) اكتشفوا دوا للغباء
قالت تحرير: يما شو (تحاول تمسك دموعها) شو فيه (وتبجي)
قال نواف : تدرين شكلج وااااااااايد حلو وانتي تبجين
قالت بشاير (وهي تصارخ): بس نواف هذا مو وقته اذا ما تحترمني عالاقل احترم هالنعمه اللي يدامك
قال نواف: الحمد الله شبعت ......وراح
قال طلال: يما تسمحينلي اقول وجهة نظري
بشاير: صدت عنه وما ردت عليه
قال طلال: يما المفروض انج ما تزفين نواف ولان نواف هو الكبير
قالت تحرير: انت هيه هيه عندك كلام روح اكتبه بقصصك لين ينهد حيلك بس انا مالك شغل فيني
قالت بشاير: الحمدالله شبعت وراحت
قالت تحرير: نوافوه ما خلى امي تتهنا بلقمتها
قال طلال: الحمدالله شبعت ...وراح
قالت تحرير: انا اكلمك
قال طلال وهو معاطيها ظهره: انا انسان احب اطور نفسي واسمع النقد سواء كان من انسان فاهم او ياهل عشان جذيه انا بروح داري و على قولتج اكتب قصصي وانا ما ابي اكلمج لين احس انج كبرتي مو توج ياهل
وراح
قالت تحرير: اوف ليش انا ما عندي احد يحس فيني ليش دايما الكل هاملني ومتجاهلني اووووف

[الاسعدى2008]

الله يوفقك يا ابن العم والله انى نتمنى لك كل الخير ..

بس تبى المواضيع الى تكتبها كلها تهدف الى اصلاح المجتمع .


الله يصلح حلنا ..

[صياحي]

الاسعدي
اشكرك على مشاعرك الصادقه ......................................

وصدقني ما راح تلقى من قصص الا الشي اللي يرضيك ويفيد مجتمعنا الكويتي والخليجي عموما

على كفره
انا نزلت قصه بقسم القصص اسمها صراع مع القدر وهي من النوع اللي يحبه قلبك

[صياحي]

الاسعدي توقيعك يعزف على الجرح الكبير والقهر الكبير............

فعلا الى متى البدون منسيون؟
عموما يمكن بقدرة قادر بقصتي تنحل مشاكلهم او جزء منها ..........يمكن مسؤول من المسؤولين يقراها لنها مليانه ماسي وكابه والم وظلم

على فكره ترا بسنه من السنين عقدوا بمصر جلسه طارئه بسبب تغيير قانون جائر على الشعب المصري واللي حرك الحكومه هناك هو.............................فلم مصري

وسلامتك
واتمنى اشوف اسمك دااااااااااااايما

[صياحي]

.....................
بصراحه لحد الحين دعمكم لي حلو
خصوصا انه احنا تونا في البدايه وما كتبتب ولا شي مهم او يحلي الواحد يتحمس لكن لقيت اصداء تشجع
اوعدكم انها راح تعجبكم
وانا من عتيبه والى عتيبه
ان كسرت قصتي الدنيا ك روايه نا شا الله فاعتقد انه هذا نجاح لنا كلنا
.................................................ع موما اتمنى القى عندكم شوية صبر خصوصا انه الاجزاء الجايه راح تبين الصوره بشكل اكبر بوااااجد
شكرا لكم واحد واحد اللي رد واللي ما رد
يكفيني انكم تقرون قصتي
شكرا

[المقاطى_q8]

توم كروز يتغدا معاي مو طارق وطلال
راحت تحرير غرفة اخوها الكبير نواف وطقت الباب
تحرير تطق باب غرفة طلال

بس عشان تعرف اني متابع جيد
بنتظار باقي الأحداث



تحياااااااتي

[صياحي]

ما اشك بهذا يا المقاطي

وانا متاكد انك واخوانك العتبان راح توقفون معاي لين اصير كاتب مهم على مستوى العالم كللللللللللله
وان غدا لناظره لقريب

[المقاطى_q8]

صياحي

ما أدري انت فهمت قصدي او لا
انا اقصد ان عندك خطئ بالأسماء
التي ذكرتها لك بمشاركتي السابقه

تحياتي

[صياحي]

فاهم عليك .........................................واتمنى انك تواصل معاي وما تقاطع

[صياحي]

اييييييييييييييييييييييه صح صح معاك حق توني انتبه بس اعذرني انا لما انزللكم الجزء انزله اخر الليل قبل ما اناك فاكون مو مركز اسف على هالخطا

واشكرك على قوة ملاحظتك

وهذا اللي انا ابيه

[المقاطى_q8]

العفووو ياكاتب عتيبه القادم


قبل لاتنام ومو مركز انا اشوف بعض البدليات ههههه









تحياااااتي ولاطول علينا بالباقي

[صياحي]

في بيت البدون
(بيت غارق بالمشاكل والضياااااااااااااااااااااااع)
بالمطبخ
امل بالمطبخ
(امل هي اكبر وحده بين اخوانها..... كانت تحب واحد حب جنوني وكانوا متفقين على كل شي لكن لما جا وتقدم لها الام رفضت وتقدم مره ثانيه لكن هني الام ما اكتفت بالرفض وبس لا اهانته من يومها وامل ما تدري وين ارضه ووين سماه والسبب الحقيقي لرفض الام لحبيب امل هو..... ولا اقوللكم مع الاحداث تعرفون
عشان جذيه امل دايما حزينه ومكسوره ودايما تكتب خواطر عن حبيب الماضي ورفيق الحاضر وفارس المستقبل .... فوق مشاكلها هذي كلها مشكلتها الازليه انهم بدون والوضع المعيشي
امل احصرت حياتها بين اربع طوف وجدور ومواعين وخذت مكان الام الحاضره الغائبه....راح تعرفون كل شي مع الاحداث ....)
دخل طارق
قال طارق: شلونج امل
قالت امل: هلا طارق انت شلونك انا خلاص راحت علي
قال طارق: شفيج امل شكلج مو عاجبني
قالت امل: ما عليك مني المهم انت وين راح ومنين راد
قال طارق: امل انا ما حب اشوفج حزينه
قالت امل: طارق تصدق اني اكثر مره اكون فيها قريبه من نفسي لما اكون امر بحالة احباط وضيقة خلق تخيل اني والله يا طارق مرات لما تجي أي مناسبه تونس يضيق خلقي واشتاق للحزن تعودت عليه اه (تتنهد بحسره وبالم) المهم انت شلونك
قال طارق: امل انا ما تعودت منج هالانهزام انا دايما اقول امل القويه واذا بتقولينلي وين رايح ومنين جاي اعتقد تعرفين اجابة سؤالج قاعد بطالي لا وظيفه ولا دراسه وانتي تعرفين السبب عشان ما عندنا ج....
قالت ساره: طارق تدري على كثر المصايب اللي احنا فيها لكن والله ما تتخيل فرحتي لما اقوم من الضحى واركبلكم الغدا ولما تجون وانجبلكم ويعجبكم والله ان كلمة يعطيج العافيه تساوي كل شي بالنسبه لي
قال طارق: عاد انتي بالطبخ محد ينافسج
قالت ساره: يقوللك ان الطباخ يبيله نفس حلوه بس مع كل هذا ما ادري شنو اللي يخلي طبخي حلو مع ان ماكو شي حلو بحياتي
(تضحك بسخريه) كان شي واحد حلو بحياتي بس حرمتني منه اغلى انسانه عندي
رن تليفون طارق وطلع برا يتكلم بالتليفون
(طارق ترتيبه الثاني بين اخوانه لما كان صغير كان يمشٍي نفسه بالدراسه لكن في مرحلة الثانويه تعرف على شله فاسده وصار كل وقته معاهم من يصبح لين يمسي وهو معاهم وطبعا لا ابو يحاسب ولا ام تراقب عشان جذيه صاروا هالشله هم كل حياته ومشا بطريج الفساد بكل اشكاله وانواعه ومع الاحداث طارق راح يقتل ورده بريئه لم ترا من هذي الدنيا شيء جميل مع الاحداث راح تعرفون طارق شسوى وليش سوا جذيه وراح تعرفون.........؟ )
.......حزة رجعة الطلبه من المدارس
دخلوا ابوطارق واحلام واماني وحمد
بدلوا ملابسهم ونزلوا الصاله
ابوطارق (عماد) اول ما دخل راح غرفة ام طارق يدورها ما لقاها عصب حييييل
(عماد رجل بدون جنسيه لكنه كويتي ابا عن جد راح تعرفون قصته بالتفصيل وليش صار بدون بس هو كويتي مثلما قلتلكم
حب بنت عمته الكويتيه(عندها جنسيه كويتيه ماده اولى) بس هو كان اكبر منها والله رزقه بعيال لكن كان حاط امل انه ياخذ الجنسيه والله رزقه ببنت قام سماها امل وبعدها الله رزقه بطارق وحمد واحلام واماني ومر العمر وهو للحين( بدون )ورقه تثبت انه كويتي لكن كانت عنده مشكله اللي هي ان انوار مع السنين صارت تشوف نفسها عليه ودايما تذكره انه بدون وشايفه نفسها عليه انها كويتيه وانه بدون (ورقه تثبت انتمائه) ووتحمَل منها الاهانات والظلم بس عشان عياله لانه روحه متعلقه فيهم بطريقه مو طبيعيه ودايما يحس انه سبب شقاهم عشان جذيه يحاول انه ما يتهاوش مع انوار بس عشان ما يزعل عياله لكن مع الاحداث عماد راح يسوي شغله تغير من مسار القصه )
عماد يصارخ: امل امل وصمخ
امل تركض : (تتنهد) هه ه هلا يبا
عماد: وين امج
قالت امل: يبا الله يهديك وتصارخ واركض حسبالي فيه شي مهم
قال عماد: ليش هذا شي مو مهم امج ما نشوفها لا على غدا ولا على عشا ما غير قاعده بصومعتها
قالت امل: انت ابوي وهي امي الله يهديكم انا بروح انجبلكم الغدا
اماني اماني
قالت اماني : هلا امل
قالت امل: يا الله الحين بنجب الغدا
قالت اماني: كل اخواني موجودين بس احلام اكيد بالغرفه
قالت امل: عشاني روحي ناديها
قالت اماني: من عيوني الحين اروح اناديها
(اماني: حبوبه وشاطره بدراستها حيل وهي تتمنى انها تكبر بسرعه عشان تتوظف وتساعد اخوانها لكن مع الاحداث راح يصيرلها شي يشيب شعر الراس ....؟)
اماني تطق باب غرقة احلام
اماني:احلام افتحي الباب صارلي ساعه اطق الباب
احلام ما ردت عليها
اماني فتحت الباب
شافت احلام قاعده تحط ماكياج
اماني صارخت عليها :انتي صج ما تستحين صارلي ساعه اطق الباب ما عندج لسان انتي لسانج يبيله قص
قالت احلام بكل برود: اطلعي برا مالي نفس اتكلم
قالت اماني: انتي هيه هيه على شنو شايفه نفسج لا تخليني امد ايدي
قالت احلام بطريقه تستفر: انا ما ابي اعلي صوتي عشان ما اتعب حنجرتي وما ابي اقوم عشان ما اوصخ ايدي فيج يا مؤرفه
قالت اماني: لا انتي مو مال احترام انتي
دخل طارق: شفيكم شفيكم صوتكم واصل لاخر البيت
قالت اماني: ماني ناقصتك انت الثاني وتدزه وتطلع
قال طارق: شفيها هذي انجنت شفيكم شصاير بينكم
قالت احلام حبيبي طارق بغيت شي
قال طارق: ممكن طلب تسوينه عشاني
قالت احلام: لا
قال طارق: زين اسمعي شبي منج
قالت احلام: انت ما تفهمها وهي طايره خلاص عادي اقوللك اياها اشكره اطلع برا ما ابي اشوفك
قال طارق: دقيقه دقيقه انا بس بقوللج شغله انتي على شنو شايفه نفسج ويا هالالوان اللي ملطخه فيهم وجهج جنج ماكله جاهل
قالت احلام: انا جذيه مو مشكله والله العظيم لاخليك تندم يا البطه السوده
قامت احلام وقطت كل علِب الماكياج اللي بغرفتها وطاحت على الارض وهي تصارخ : يبا يبا فكني منه يبا يبي يذبحني
دخل عماد : طارق شفيك على اختك
قال طارق وهو منصدم : يبا والله
قال عماد: جب بعد تجذب علي اطلع من غرفة اختك اشوه اني جيت وشفت كل شي بعيوني بس كافي ارحموني كل يوم مشاكل الواحد ما يرتاح حتى ببيته
طارق طلع من الغرفه وهو مقهور
قالت احلام: يبا عسى الله يخليك لي محد ياخذ بحقي غيرك
قال عماد: طول ما انا عايش محد راح ياكل حقج انتي الغاليه
احلام حضنت ابوها
(احلام: دايما مو عاجبها شي شاطره بالكلام المعسول اذا كانت تبي شي ...احلام ما كانت جذيه قبل لكن تغيرت شخصيتها لما احتكت بالبنات في المتوسطه وشافت شلون رفيجاتها عايشين وحطت ببالها انها اذا تمت بطيبتها راح يكون مصيرها مثل مصير اختها امل واحلام حلم حياتها انها تملك ثروه كبيره وانها تسافر لمكان بعيد عن اهلها عشان تفتك منهم وتعيش باجي عمرها بدونهم
ودايما تمنى النفس بالفارس اللي بيجيها على حصان ابيض ودفتر جيكات وتعيش معاه احلى ايام عمرها وشاطره في المكياج وتعرف تستخدم الشي اللي يناسب ملامحها لانها ما شا الله ملامحها حيل ناعمه وحلوه.... احلام بنَتْ مدن احلام كبيره حيل بخيالها ودايما تلجا لاحلام اليقظه وتسرح بخيالها بعيد
لكن هل راح تحقق احلامها ولا لا ....؟؟؟؟ )))))
بنفس الوقت في بيت الاسير
في غرفة نواف
قال طلال: نوافوه عاد لا تزعل على شي ما يسوى
قال نواف(بعصبيه) ما يسوى امي تزفني مع اني ما غلطت هذا شي ما يسوى
قال طلال: انت تدري ان شكثر امي تحب تحرير لانها اخر العنقود
قال نواف: وانا شذنبي بصراحه امي مدلعتها بطريقه مبالغ فيها وانا هالشي مو عاجبني
قال طلال: تدري ان محد يكسر خاطري بهالدنيا كلها غير امي حيل تعبت علينا بعد ما ما ائسروا ابوي الله يرجعه لنا بالسلامه
قال نواف : امين بس يعني انا مالي احترام كلش بهالبيت كل الدلع حق تحرير
قال طلال: حرام عليك ترا تحرير بس لسان ولا ترا قلبها ابيض
نواف ما رد عليه
قال طلال: ايه انت الكبير الغالي وتحرير الصغيره الغاليه وانا لي الله
قال نواف: يه يه بالعكس انت الكل بالكل هذا وانت كاتبنا الكبير تقول جذيه
قال طلال (بحسره): أيْ كاتبنا الكبير واي بطيخ للحين محد خذا بايدي وببالي افكار واااااااايد بس للاسف محد يبي يدعمني
قال نواف: افا هذا وانت اخوي الوحيد خلاص قوللي متى تبيني ادعمك وانا ادعمك واخليك تنام بالصليبيخات يا غالي والطلب دعمه
قال طلال: نواف عاد ترا هذا مو وقت ملاغه المهم ها طاح الحطب
قال نواف: طاح اكيد اذا بدعمك اكيد بيطيح
قال طلال: ردينا تبي شي
قال نواف: سلامتك يا الغالي
قال طلال : الله يسلمك
في بيت البدون
بنفس الوقت امل وحمد يسولفون
(حمد ترتيبه الثاث بين اخوانه حمد نقدر نقول حمال القسيه
دايما يفكر بغيره قبل نفسه وحاط اهله باولوياته ومن اجل اهله راح يـــــ ........)
حمد: امل انا ودي اعرف كل الناس جذيه مثلنا يتهاوشون مع بعض كل يوم
قالت امل: حمد حبيبي احنا تنقصنا اشياء واجد عشان نصير مثل باجي الناس
قال حمد : معقوله الانسان ما يعتبر انسان الا اذا كانت عنده ج....
قالت امل: تدري يا حمد اني كل يوم اتحلم ان احنا صارت عندنا الج.... ولما اقوم من النوم واشوف حالتنا ارد انتكس مره ثانيه لدرجة اني اتمنى اني قبل ما انام اني ما اتحلم
قال حمد: احنا كل مشاكلنا تدور وتدور حوالين مشكله وحده وراح نتم ندور وندور لين تنحل وما عندي امل انها تنحل
قالت امل: صدقني راح تصير كل هالمشاكل سوالف نضحك عليها
قال حمد: امل ممكن سؤال ابيج تجاوبين عليه
قالت امل: تفضل
قال حمد: الكلام اللي قلتيه توج امانه امانه طالع من قلبج ومقتنعه فيه
قالت امل: بصراحه لا بس قاعده اقص على نفسي
قال حمد: يرحملي والديج سكري الموضوع صار هالموضوع ينرفز من كثر ما وعدونا يحلونه لنا اعضاء مجلس الامه
والسنين تمشي وفيه ناس عاشوا وماتوا واحفادهم ماتوا ولا انحلت هالمشكله
قالت امل: حمد احنا ما يمشي علينا هالكلام احنا ندري ان مشكلتنا تنحل بتوقيع واحد لكن لا حبتك عيني ما ضامك الدهر صاروا يعطونها حق المطربات والفاصخات لا وصارت هالمطربه يقولون اسمها ويقولون الكويتيه
قال حمد: هذي تمون عالاقل يكفي انها احلى صوت بالخليج ولا تنسين انها خذت الج من زوجها الكويتي بس انا مستحيل انسى اهانة سعاد عبدالله لنا في برنامج 6 على سته يوم اهانت البدون وانكرت وطنيتهم وقالت ان اللي يبيعون بالشوارع هذيله بدون قالتها باشمئزاز
قالت امل: يا عمي كلنا عيال قريه وكل من يعرف اخيه هي اسمها سعديه عبودي ولا هي كويتيه ولا شي عالاقل احنا قبيلتنا من اعرق القبائل وهذا يكفي واحنا موجودين من اكثر من ستين سنه وكل الاحصائيات تقول جذيه
يتبع.........................الاسبوع القادم