مكتبة موالات وشيلات وقصائد لمحمد غازي النخيش النفيعي العتيبي

[طارق النفيعي]

بسم الله الرحمن الرحيم

والسلام والصلاة على رسول الله عليه أفضل الصلاة وأتم التسليم ..
نقدم في هذي المكتبة المتواضعة مجموعة من قصائد وشيلات وموالات شبلنا القادم محمد بن غازي النخيش النفيعي العتيبي
فهذا قليل في حقه ويستاهل أكثر أبن غازي وإن شاء الله نشووفه مع عمالقة الشعر ..
ما نطيل في الكلام ونترككم مع الحدث لحظه بلحظه علما أن التحديث مستمر ومتواصل بإذن الله تعالى ..

-( محمد بن غازي النفيعي )-

أولا : الموالات ( والمحاورات )

1- موالاته قدام سلطان الجلاوي في مخيم العرم في مزاين الهيلا

http://www.up4vip.com/up/download-5030e846b0.mp4.html

http://www.up4vip.com/up/download-76a209a78a.3gp.html

2- موالاته مع وصل العطياني في حفلة أبو شاكر النخيش في جدة

مباركة في فوز أبو شاكر في بإحدى جوائز مزاين الهيلا

http://www.up4vip.com/up/download-7d793109c2.mp4.html

وهذي أيضا موالات له أمام وصل العطياني

http://www.up4vip.com/up/download-3123ccf619.mp4.html

http://www.up4vip.com/up/download-47dfeac50f.mp4.html


3- موالاته مع عواض الربيعي في حفلة زواج في الطايف في قصر المسرات

http://www.up4vip.com/up/download-7511f3d348.mp4.html

4- موالاته مع معيض العصيمي في نفس حفلة زواج في الطايف

http://www.up4vip.com/up/download-a7d3324302.mp4.html

http://www.up4vip.com/up/download-2344ba864f.mp4.html


ثانيا : الشيلات

-( محمد بن غازي النفيعي )-

1- شيلة يا زين ياغالي ويا منوة الروح

http://www.up4vip.com/up/download-b3dfaef014.3gp.html

2- شيلة الزمن

http://www.up4vip.com/up/download-ea6d91657a.mp4.html

3- شيلة في ربعه ألاد النخيش في حفل زواج الشاب : عبد الله بن معيض النخيش


http://www.up4vip.com/up/download-f34e4b7fe5.3gp.html

4- قصيدة يا زين يا غالي ( ألقاء )

http://www.up4vip.com/up/download-b416177761.mp4.html

5- شيلة في الشيخ محمد بن زايد النخيش بعد خروج من المستشفى

http://www.up4vip.com/up/download-24fe483ae5.amr.html

ثالثا : القصائد

-( محمد بن غازي النفيعي )-

1- قصيدة في صاحب السمو مشعل بن عبد العزيز آل سعود وقد ألقاها محمد أمام سموه في مزاين الهيلا
عندما شرف مخيم النخيش


سلام ٍفي سلام ٍ يستزيدي=سلام ٍ ياعريب الجد هامك
سلام ٍ مستجد ٍ بالجديدي=سلام ٍ يعتلي يمة مقامك
سلام ٍ منبعه قلب ووريدي=سلامي دام يملكني غرامك
أحبك حب لايمكن يبيدي=وغاية منوتي دايم سلامك
أحبك وأملك بحبك رصيدي=وأعدد من رصيدي باحترامك
أنا وشلون ماأحبك ياسيدي=مادامك تشبه امعزي مادامك
ألا يالحر مشعل يالفريدي=ألا ياصايب الرأي بكلامك
حفظت تراثنا برأي(ن) سديدي=ونظمت المحافل باحتزامك
لك التقدير والشكر العديدي=لك العرفان منا في نظامك
رعيت البل وحققت المفيدي=ورفعت أقيامهنه باهتمامك
وضعت أساسها ساس جويدي=وعلى الواقع تحقق لك مرامك
أقوله بس مانيب الوحيدي=يقوله شعب ياطيب اعتزامك
وأنا في وقفتي قدمك سعيدي=فخر لي والشرف كوني حزامك
عسى عيد الفطر دايم يعيدي=ونواجه فيه طلتك وجهامك
قصيدة غاليه وأغلى قصيدي=غلاها يومها قيلت أمامك

2- قصيدة في ربعه (( ألاد النخيش ))


بسم رحمن ٍ رحيم ٍ مبتدايه فالكلام= خير قول ٍ يبتدابه واسع ٍ مفعولها
والسلام الوافي اللي فيه حشمه واحترام=لربعي ألاد النخيش اللي تبين افعولها
أتشرف بالبيوت إن قلتها قدم الحشام=البيوت اللي تشرف ماقفي وأقولها
وقبل أرحب ودي أعلمكم بقول ٍ تمام=يوم وصانا نوسع للصدور انزولها
قالها بن زايد الشيخ المحنك يالكرام=وفالمواقف يظهرون من الرجال ازحولها
قال لي هات الجزاله بالتراحيب العظام=بالنيابه عن شيوخ نخيش في مجمولها
وأتشرف يوم أرحب في محل ٍ مايضام=بالنيابه عن شيوخ ٍ باين ٍ مدلولها
مرحبا في مرحبا عداد ماشيف الغمام=مرحبا وأهلا ٍ بربعي عرضها مع طولها
ومرحبا عدد هديل ٍ مصدره صوت الحمام=لاطلع نور الصباح ودورت محصولها
مرحبا عد النجوم اللي يشقن الظلام=وعدة أيام الزمن ثم احسبوا مدبولها
مرحبا بأهل الشحم وأهل المواقيف الجسام=مرحبا بأهل التلاحم قبل دق اطبولها
مرحبا ٍ باللي امناهم دايم الدوم السنام=وكل عليا لابغوها بالتكاتف جولها
مرحبا بأهل العلوم النيره والكيف دام=يا شيوخ آل النخيش بسلمها وأصولها
مرحبا فيكم تراحيب ٍ توارد بازدحام=تاصل أفراد القبيلة ويتجدد صولها
أنتم أهل ٍ للمحل اللي يطيب ابه المقام=وبارك الله بالرجال اللي تشيل احمولها
وأنتم أهل ٍ للمداحم يوم عادت للدحام=وأنتم أهل الفعل الأبيض في جميع فصولها
وختمها صلوا على اللي جا نذير ٍ للأنام=عد نو ٍ نستخيله صادق مخيولها

3- قصيدة عتيبة في مزاين الهيلا


تو حان القصيد وتو زانت اطروقه=يوم صارت عتيبه صف برقا وروقه
ننتظر كلنا محفل عتيبه يجينا=والخيال انتحين وقت لمعة بروقه
سيل الله دارك يالنفود العريقه=بعد صرتي مكان المهرجان بحقوقه
وبين قدح السوالف وبين نو ٍ نخيله=يالله بنو وسمي هانيات ٍ احقوقه
يسقي ديار هيلا" هايله بالوصايف=لين شعبانها تمشي بهون ورفوقه
سيل هاني ولايجرح بطون المسايل=لجل ينبت نبات باقيات ٍ عروقه
لين ماعاد تفرق بين حزم ودماثه=لونها لون واحد نادرات ٍ فتوقه
كل نوع ٍ تشوفه من جميع المنابت=وإن وطيته برجلك انفقع بمعلوقه
تأكل النوق عشب ٍ ماتخلطه بغيره=وهبة ٍ من كريم ٍ يعلم اللي نسوقه
هي طراة الحياه إن طال عمر البنادم=شف راع البداوه وين مرباع نوقه
كل هذا طراة العمر عند العتيبي=وكل عاقل يعرف المخطيه والصدوقه
ياعتيبه ترانا فدوة ٍ للقبيله=من قديم العصور بكل عزم ٍ وطوقه
صيت مجد وبطوله زاخر ٍ بالفعايل=يم كسب المعالي ماتجيهم معوقه
روق ياروق مع برقا نبا العرض يرقا=لين كل(ن) يشوف وبالمسامع يذوقه
ملتقاكم نجاحه في التحام وتكاتف=أول الغيث قطره ويتدفق دفوقه
التنافس شريف ٍ والتلاحم تبين=وكل وصف ٍ ثمين ٍ بالفعايل نفوقه
نذبح الحايل اللي من علو الحلالي=ونلطم العايل اللي مطلقات ٍ سبوقه
لو أعدد وأوصف عاجزات ٍ وصوفي=يقصر الوصف ياصف مجدنا من شروقه
وعقب جانا أمان ٍ مايوصف بمثله=تحت حكم ٍرشيد ٍ وافيات ٍ اعموقه
يدحر الفتنه اللي سعيها للتفرق=لين كل القبايل في ذراه امحقوقه
الله الله يحفظه من جميع الصوادف=وكل نفس ٍ تضده ياعساها زهوقه
دام حكم ٍ ورثته يابو متعب وصنته=وبايعك كل شعبك معلن ٍ لك وثوقه
لك نجدد ولانا ياسليل الذيابه=ونتبرأ من اللي دارنا مايشوقه
حصن عالي مكينٍ دون تربة وطنا=وانتسابق لصدة من يفكر يبوقه

4- قصيدة الزمن


يالله وأنا طالبك عذنا ياكريم أمن الدبور=عقب الذي جانا من الأصحاب واللي نسمعه
أثر العرب مثل القرب مع طيلة المده تبور=الشق فيها لاكبر ماينرقع لو ترقعه
واللي حداني يم علمي ذاه وقفات الشعور=يوم أختلف عندي وصوف أحلى الفصول الاربعه
أشوف لي ناسً تحب الهرج من خلف الظهور=تظن في تظهير عثرات الاصاحب منفعه
هم مادروا أن التفرق أول أسباب الحدور=مثل السفينه ماتسير ألا بوجود الأشرعه
الله ياوقتً مضى فيه السوالف ماتدور=وقلوب خلق الله نظيفه بالحيا متشبعه
ليته يعود اليوم لجل الذيل مايرقا الصدور=والرأس يبقى رأس مهما طال وقت الزوبعه

5- قصيدة في مدينة البجادية و الشيخ محمد بن زايد النخيش بمناسبة
أفتتاح منتدى البجادية


بديت بسم اللي عليم(ن)بالاسرار=الواحد اللي كلنا طالبينه
ومن بعدها مالي قدا غير الإبحار=في غبة(ن)فيها نصيد السمينه
أرتب القيفان من جزل الأشعار=وأنا من اللي قولهم محتمينه
عزمت لو دونه كما ضلع سنجار=لأطب غباته سوات السفينه
ابمدح أهل العرف والطيب والكار=أهل العقول الثابته والرزينه
ولانيب ناسي فضل من شب له نار=فعل(ن)ثمين وكلنا خابرينه
يوم إن راع الأوله حط له دار=يقول ياربعي أبيها مدينه
هذاك أبن زايد امحنك وبيطار=شيخ(ن)على العليا تسابق ايدينه
يكفيه من جاله يبا فزعته غار=يفزع لمن تصفق يساره يمينه
ثم اجتمع حوله طويلين الأشبار=لين اعمروها من لباين وطينه
واليوم شوفوها على كل الأذكار=محفوظة(ن) مثل الملاك الحسينه
أسم البجاديه كم ضو الانوار=يسطع كما سطع النجوم المكينه
وعقب التطور واتصالات واقمار=يازين شعر(ن)فالوطن بادعينه
عان البجاديه بدت بين الاقطار=في موقع(ن)لاماندور وزينه
نبا ندون فيه من كل الاخبار=ونذكر علوم(ن)وافيات(ن)ثمينه
هذاه واجبنا على المتن عبار=لجل البجاديه احصون(ن)حصينه
ياللي تديرونه ترى الحمل جبار=من عضوها حتى تجي مشرفينه
ماهوب سهل الموقع اليوم يندار=لابد من بذل الجهود المتينه
وختامها صلوا عدد وبل الامطار=على الرسول اللي أمر بالسكينه

6- قصيدة عال المشاهيق


أنا همومي مثل عال المشاهيق=دوم اتفكر كيف وشلون تنشال
أن جيت ابفرح جتني تنشف الريق=واقعد مع العربان والفكر جوال
وأن بان همي في عيوني من الضيق=بررت للي شافني حفة الجال
لو جبت تفصيل الهموم المداريق=يمكن يصيبه من سواليفي هبال
ماله لزوم تعرف كل المخاليق=عن ماحواه القلب والروح والبال
لو ينحرق قلبي من الهم تحريق=ماأشرح همومي لي شخصً ورجال
ولو ينفتح في وجهي ألفين تحقيق=ماأعد غير اللي له العقل يحتال
أخير من شمت العدا والمشافيق=اللي تحب تزود فالقيل والقال

7-

هذي القصيدة للشاعر / فيصل بن تركي القثامي

مرسله إلى فيصل بن مفلح النخيش وموجهه إلى أبن غازي



سجل يبومفلح جزيل المثايل=وارسل لبوغازي كلام القصيدة
هذاك لن حانت حروب وهوايل=من دون ربعه بالسيوف الحديده
مثل الثعال ان جات حق المخايل=ايهل هماله على من يريده
من لابه تعرف بطيب الفعايل=لاجات مابين الرجال الشديده
لاجاء النخيش يعدل من كان مايل=مقدم عتيبة فالليال الشديده
وابك النخيشي مزببن للدخايل=فكاكته لنجاك خلفه طريده
والهرج مايثبت سوا بالدلايل=واللي يباها في الفعول التليده
وانا قثامي كان راحت قبايل=قبيلتي يوم الاسامي فريده
من ربعي عتيبة عدا كل عايل=امجادها ماهيب وسط الجريدة
امجادها من فوق ضهر الاصايل=اعدوها بالحرب تقطع وريده
واعيدها يانخيش للمجد طايل=والله يديمك في ليال مديده


وهذا الرد من الشاعر / محمد بن غازي


ياهاجسي مادمت للجزل نايل=وبيوت فكرك بالمعاني سديده
نبغاك تصطاد البيوت الجزايل=وتحكم القيفان وتشد حيده
وصل كلامي لابن عمي عجايل=رسالة فيها الردود الحميده
وعدد حروفي بالقصيد العدايل=للشاعر اللي جايز(ن) لي نشيده
قله ترى صدري لشرواك شايل=حب وغلا وسط البيوت الجويده
قل للقثامي ياسليل الحمايل=اللي على الطاله تزايد رصيده
صدري يقدر من تعدا الطوايل=وأبدع علشانه ابيوت(ن) فريده
ياشعر خلك مثل سيل المسايل=سيل(ن) كسى خيره جميع البديده
أدخل قلوب الناس لاصرت قايل=ولهل الوفا والطيب خلك وليده
سلم عليهم بالتحايا الجلايل=ثم ثنها لأهل النقا فالعقيده
حماية الخايف عدا كل عايل=أهل الكرم واهل الفعول المجيده


كل هذا أقل من الواجب تجاه شاعر صغير في السن كبير في شعره وإلى الأمام ..

ملاحظه : سوف يتم التحديث في نفس الموضوع بإضافة رد الرجاء المتابعة وأبداء الرأي ..

أخوكم : طارق النفيعي / البجادية

[المقاطى_q8]

بيض الله وجهك ياطارق

نقل مميز وقصيد جزل

وعزالله محمد شاعر ماعليه كلام ومن الدرجه الأولي



تحياتي

[طارق النفيعي]

الله يعافيك ويسلمك ويخليك ..

مشكور ولاهنت

[طارق النفيعي]

تم الاضافة


8- قصيدة عند زيارة الأمير / سعود بن سلطان بن محمد الكبير لمخيم النخشه في مزاين الهيلا

وأعذرونا الأبيات قصيرة لأنه قام بأعدادها في وقت قصير

عند زيارة الأمير [/COLOR]


يامرحبا ترحيبة المسك والعود=ترحيبةن بسعود يامرحبابه
اعداد ماتقطف رياحين وورود=واعداد نو ٍ صادق ٍ من سحابه
نفرح ونستانس ليا صرت موجود=وبقلوبنا كل الوفا والرحابه
يامرحبا مليون مليون وتزود=ترحيبة ٍ في سيدي مرحبابه

[طارق النفيعي]

9- قصيدة في ربعه ذوي سنان من النخشه [/COLOR]


ياطير ياللي ناوي ٍ للسفر قف=عندي رساله وأنت قد الرسايل
أصبر شويه بعد الأذن وتلطف=حتى أكملها بيوت ٍ جزايل
طابورها أبيات ٍ على قافية اف=تربط برجلك لين تصبح عقايل
ثم ضم رجلينك على الصدر بالصف=وجهتك غرب ٍ يم روس الطوايل
أرجوك تتعب لجلها لاتأفف=وأكفخ بجنحانك لدار الحمايل
وإليا وصلت كلاخ هل المزرف=ثم صح لألاد سنان والعرف دايل
امزرف ٍ بأشواق قلبي امشطف=فيه الغلا للكل والشك زايل
وصل سلامي للجميع وتصرف=مستخدم ٍ كل الطرق والوسايل[/QUOTE]



10 - قصيدة في زواج فواز بن فلاح النخيش


على الله مبتداي بكل قـــــــــولي=وعليه نوجه التكــــــــــــلان كله
حسيب العبد في يومٍ يهـــــــولي=بيومٍ كل خلقه مســــــــــــــــتذله
بعدها حــــان بدعي مع حــلولي=أبنثر من هجوسي خير حـــــــله
بدايتها تراحيبٍ تجـــــــــــــــولي=على الحضار كلٍ في محـــــــــله
أخص بها هل الفعل البطـــــولي=وتذهب يم ابن زايد تــــــــــــدله
نقي المعرفه ذرب السبـــــــولي=ألا ياكثر نعمٍ في سجـــــــــــــــله
وأعمبها على من كان حـــــولي=تراحيبٍ تجيكم مســــــــــــــفهله
أرحب بالنيابة مع مثـــــــــــولي=وقفت ومـــــــــــــــاقفي ابستغله
تراحيبٍ يشدن الحمــــــــــــولي=تدك القلب ثمٍ تستحـــــــــــــــــله
بحفل أهل الوفا وأهل الفعــولي=رفيعين المقــــــــــــــام الله يجله
أبطرب فيه من غير الطبــــولي=عسى الأفراح لعيالك مظـــــــــله
تراني يافلاح أجمع فلـــــــــولي=أشيّل من ريـــــــــــــــاحينه وفله
تباريكٍ كما وبلٍ همـــــــــــــولي=سحــــــــابه فكري اللي مرتكٍٍ له
عساه سعيد والفرحه تطـــــولي=وعسى توفيق ربي مكســـــبٍ له
عسى ليلتك تسعد بالجفـــــــولي=غزالٍ كل حـــــــــــرٍ باغي ٍ له
وختام القول ياربعٍ تنــــــــــولي=صــــــــــــلاة الله عدد طلع الأهله
على خير البشر وأفضل رسولي=نبي ٍ هدي ربي غــــــــــايةٍ له

[طارق النفيعي]

5- لعبه مع الشاعر صالح الازوري في الطايف في بيت تراحيب النفيعي


http://www.up4vip.com/up/download-33711e049e.mp4.html

http://www.up4vip.com/up/download-adb786719f.mp4.html

http://www.up4vip.com/up/download-8b822b0964.mp4.html

http://www.up4vip.com/up/download-e71c6db4c6.mp4.html

http://www.up4vip.com/up/download-e9bcc79959.mp4.html

http://www.up4vip.com/up/download-9b982b3626.mp4.html

http://www.up4vip.com/up/download-7bd3231e08.mp4.html

[طارق النفيعي]

6- موالاته أمام فايز الوذيناني

http://www.up4vip.com/up/download-078abe85a4.mp4.html

http://www.up4vip.com/up/download-28cf65ba6b.mp4.html

[طارق النفيعي]

11- قصيدة في زواج الشاب : فواز بن نوار بن شامان النخيش



بداية كل بادي ذكر ربي يالله الغفـــــــــــار=له الحمد وله الشكر وله الدنيا يصــــــرفها
بعد ذكره تحياتي أرددها على الحضـــــــار=وأهلي بالنيابة عن هل الحفــــــــلة وماقفها
سلامي ياسلامي ياهجوسي فأول المشوار=ســـــلام أحلى من انتاج النحل ياللي تعلفها
سلامٍ عد وبال المطر في حزة الأمطــــــار=سلام الله على أهل الحفل واللي جا يشرفها
تراحيب الرجـــال الطيبة دايم تجيك اغزار=تراحيبٍ ثمينة عان أبو سلطــــــــان والفها
كريمٍ والكريم الله يعينه والليــــــــال اكثار=يمينٍ فالشدايد وافيه ما أطيب وصـــــايفها
كريمٍ وسط دار أهل الكرم والعز وأهل الكار=طويلين الشبور اللي على العــــليا ولايفها
يعيشون بمظلة والدٍ بأهله وربعه بــــــــــار=ذرى الديره مؤسسها متابعها وشــــــايفها
هذاك الحر ابن زايد عزيز الجاه ويا الجـار=عسى ربي يحفظه للجمــاعه من صوادفها
ولاننسى نبارك للعريس اللي يشب النـــار=لعل الوفق فاله والليالي مايخـــــــــــــالفها
أبارك لابن خالي ياعسى يسلم من الأخطار=إليا منه سلم تارث هل الطاله ســـــــلايفها
وختام القول صلوا عد ماتنشر من الأخبار=على بث الجزيرة والقنوات وصحـــــايفها

[طارق النفيعي]

12- مرثية في الشيخ : سعود بن شلواح النخيش بعدما وافاه الأجل في يوم الأربعاء الموافق 28/12/1427هـ إثر حادث مروري في مدينة البجادية . تغمد الله الفقيد بواسع مغفرته .


الله مـن هم(ن) بــه القلـــب مــوعـود=يـــــوم الربـــــوع الـــمـوعد اللــي تلقــــاه
كل(ن) علـى هالــــيوم لا شك مــردود=أشهـــــد بــــأن الكــــون والــــــــــــخلق لله
مانيب معترض(ن) على موتت سعـود=يــومـه لـــو إن الخلـق تبـــكــي وتـنــعــاه
لكـن مـــوت الفجـــأة يـــزود ويـــزود=لـه صــدمـــة(ن) تــجعــل على القلب عرقاه
يبطــي أثـرها والــملأ حــولي شهــــود=مـــع طيـــلـــــة الأيــــام تبــقى كــوايـــاه
يـــا لله تغفــر له وتــرحمه وتجـــــود=يـــا لله أنــــا طــالــبــك يـــا لله يـــــــا لله
يـــا لله عســـاه بـــجنة الخلد مـوعود=والذنـــب يـــا ربــي عــــن سـعــود تمحــاه
حيثـه أصيل(ن) بالرفيعات مسنـود=مـن نـسل عــود(ن) مصلح(ن) ما نسينـــاه

[طارق النفيعي]

تم الأضافة


13- قصيدة بمناسبة زواج / فيصل شبيب فيحان شلواح النخيش




ســـــــــلام ياربع على الطيب ترتاح=فيهم تجي كل القصـــــــــــايد جزيله
سلام مثل النور في وقت الاصبـــاح=كن الظــــــلام إن شع يسحب شليله
في ليلةٍ يسطع ضواها ولابـــــــــاح=ليلة فرح وســـــــــط الليال الجميله
يامرحبا ترحيبةٍ كنها أوشـــــــــــاح=فوق الصدور الحــــاضرة مستطيله
تبدأ بابن زايد عدد وابلٍ طــــــــــاح=شيــــــــــــــــخٍ يشرفنا بفعله وقيله
وتثنى لربعه يوم عطر الفرح فــاح=ربعٍ على الطــــــــــــاله تعز القبيله
أقولها من خاطرٍ بالوفا ســــــــــاح=نيـــــــــــابةٍ عن نسل مرو الصقيله
ماهــــان رجلٍ جا من عيال شلواح=عوين ربعه فالليــــــــــــال الهويله
فيما مضى يوم أكثر الوقت الأتراح=قايم مقــــــــام الشيخ راع الفضيله
تلقاه حاضر كل ماصـــــــاح صياح=رجـــــــلٍ على فك النشب ما مثيله
رأيه سديد إليا حضر سيف ورماح=كل العرب وقـــت النشب تلتجي له
دايم نتايج فزعة العود الاصــــلاح=الله يثيب أهـل الفعــــــــول الجليله
وقت المدايد ستر للربع وجنـــــاح=كفيـلهم عند الفـــــــــــــلاليح طيله
والعود عقب الموت ياناس لو راح=فعله بقى ماأحــــــــدٍ نسيله جميله
ومن الجنان اللي وسيعات وفسـاح=يجزاه ربي يوم فعـــــــــــله خليله
هذا كلامي بحفلة ســــــــلالته شاح=يوم أبو فيــــــصل كل ذربه تجيله
مبروك يافيـــــصل عــدد بارقٍ لاح=والله يهنيك بحيـــــــــــــاةٍ طويله
وختامها صلوا عدد نايحٍ نــــــــاح=على نبي(ن) دل ناسٍ ضــــــليله

[طارق النفيعي]

تم الأضافة

7- مواله مع فهد قطنان الشيباني ( وصلك شاعر وساكن فالبجادية )

http://www.up4vip.com/up/download-01a1fec13b.mp4.html

[طارق النفيعي]

14- زواج أبناء العم / محمد معيض وسعود معيض



ســــــــــــلامًٍ أقــوله على كل سيره=هـو خير ماأبدا والهجــوس ابتدتبه
وأهلاً هلا بكل الحضـــــور الغـفيره=ترحـيبةٍ مـن خـــــــــافقي وارتقتبه
يامــــــــــــرحبا بالكل تأتي ثريــره=مـــافيه حــــاضر عندنا ألا احتفتبه
يامـــــرحبا بأهل الــوجيه السفيره=في حفـــل زيزومٍ افعــــــوله علتبه
في ديرةٍ ماهيب أيــــــــــات ديــره=دار ابن زايد مهـــرةٍ مـــــا احثلتبه
شيــــــــخٍ روابعه العــظيمه تديره=أسس قـــــــواعـــدها بفكره ورتبه
الله يحفظه فالعـــــــلن والسـريـره=شيــــــــــخٍ مزاياه الفريدة حــكتبه
مـــــــانيب محصيها مزاياً كبيــره=في ذكرها مـــــــــافيه قــافٍ وفتبه
وأعود يم الفكرة المســــــــتنيــره=هي مسند التفكير مــــــــــاحـدرتبه
الله ياليــــــــــــــلٍ انجومه كثيــره=مـافيه دربٍ تفــرعه مــــــا ضوتبه
تسطع فــرح وأنوارها مستديــره=في كل وجه تشـــوف ما شعشعتبه
شافن اثنين أقمار وقت الظهيــره=وعقب الغـــروب أنوارهـا عجـلتبه
لو جن ما شافن طلبهن خـطيــره=تطفي لهب نـــــــورٍ علينا أنـورتبه
ماشعشن ألا لحفــــــــــلة كبيــره=لحفلة هل العــــادات جـت واهتنتبه
تذكر وهـجها كل عــينٍ بصيـــره=حتى العمى يسمع صدى ما سرتبه
ليلة فرح وسط الليـــال الغــزيره=والله يديم أفــــــــــــراح ليلٍ نشتبه
مبـــــــــــروك للي كلنا نستشيره=مبــــــروك مع تقديرنا اللي رستبه
مبروك لمحمـــد عداد الجــــزيره=وأقولها لسعـــــــــــود لين اعتنتبه
مشاعرٍ مـــــــاهيب والله صغيره=من قلب ماهي بزين صـوتٍ وكتبه
وختامها صــــــــــلاة ربٍ وفيره=على رســــــــــولٍ كل خلقه درتبه

[طارق النفيعي]

تم الأضافة


15 - الطريق الجرهدي



الله من قلبن عبر هاك الطريق الجرهدي=طال الطريق الجرهدي ولا وصلت نهايته
سرى مع الدرب الصحيح وكل ليله سرمدي=وبان النهار ولاوصل قلبي مناه وغايته
احيان دوبي بالمشي واحيان اهرول واعدي=أجدد اعزومي مادام إن النوايا بايته
فالدرب أسلي خافقي بالصوت لاجيت أقصدي=وأحيان أسولف بالعقل مع خافقي وحكايته
ومنهو عرف دربي ترى عارف وشنهو مقصدي=مادام في دربي وصوف البعد ماهي فايته
درب الهوى يومي مشيته ماهنيت ابمرقدي=بأسباب غرون حط قلبي شارت ٍ لرمايته

[طارق النفيعي]

تم الأضافة

16- قصيدة غزلية ( شيب العين شوفك )



لاوالله الا شيب العين شوفك=شيب رموش العين طلة محياك
في ذمتي بالعون كامل وصوفك=ولاظنتي موجود زينك وحلياك
عينك كما اللي لاكفخ مايعوفك=الحر الاشقر نظرته مثل عيناك
والخشم سيف ٍ يالمعاين يحوفك=والخد برق ٍ ساطع ٍ من محياك
والشفه اللي شرها مايطوفك=ياشرنا لاشفت ضحكة ثناياك
والحاجب هلال ٍ بدا من صنوفك=سبحان ربن كملك في مزاياك

[طارق النفيعي]

تم الأضافة

مرثية بصوت وكلمات محمد غازي النخيش النفيعي في المغفور له بإذن الله الأستاذ / مزيد بن فالح بن عفتان النخيش اللذي وافته المنيه أثر حادث مروري شنيع على طريق الدوادمي والبجادية
مساء يوم الخميس الموافق 12 / 3 / 1429هـ

6- مرثية لمحمد غازي في المرحوم الأستاذ : مزيد بن فالح النخيش

http://www.up4vip.com/up/download-8d72ff4aa2.rar.html

[طارق النفيعي]

تم الأضافة

7- مواله مع فهد قطنان الشيباني ( وصلك شاعر وساكن فالبجادية )

http://www.mediafire.com/?y4xmmn2v3mn

الرابط اللي في المكتبة مخبط

[طارق النفيعي]

تم الأضافة

مواله مع عواض الربيعي

http://www.mediafire.com/?dk2vybriwwb

[طارق النفيعي]

وهذي أضافه موجودة في المكتبة بس الروابط عطلانه

لعب محمد غازي النفيعي مع صالح الازوري

http://www.up4vip.com/up/download-1f5a96bc0c.mp4.html

http://www.up4vip.com/up/download-4aa38de844.mp4.html

http://www.up4vip.com/up/download-24eb675011.mp4.html

http://www.up4vip.com/up/download-74b976df26.mp4.html

http://www.up4vip.com/up/download-c6464ebe95.mp4.html

http://www.mediafire.com/?gdi9gzwowhw

http://www.mediafire.com/?gjziwvyz9c0

وهذي موالات لمحمد غازي أمام فايز الوذيناني

http://www.mediafire.com/?zliccbz0ltj

http://www.mediafire.com/?cn3dyvn1j0m

[عاصم العتيبي]

بيض الله وجهك علي الجهوود
الطيبه وجزاك الله خير علي الشيلات

[طارق النفيعي]

ووجهك

شاكرين تواصلك

[طارق النفيعي]

وهذي أضافة جديدة

7- شيلة في الشيخ / سعود الدهينة بعد ذهابه لتلقى العلاج خارج المملكة

http://www.up4vip.com/up/download-7a8bf97cc2.rar.html

وهذا رابط آخر

http://www.mediafire.com/?tbgpnjwhj2m

[النخيش]

كفووو والله يا النخيش

لاهنت يا بن العم

[طارق النفيعي]

ولا عليك زود

ومشكور يابن العم على التواصل ..

[طارق النفيعي]

تم الأضافة ..

طاروق بين محمد غازي النفيعي وحمد الشيابني

http://www.mediafire.com/?mgxmfoyyibz

http://www.mediafire.com/?9ng53geg2h2

http://www.mediafire.com/?9pxb2qzajdw

http://www.mediafire.com/?bchm3bk0m2c

[طارق النفيعي]

تم الأضافة ..

17- قصيدة تعبر عن نفسها ( الشعر ورث ٍ للجدود )



ابدا بذكر الخالق اللي مالكن ما فالوجود=باسط سبع رافع سبع الواحد الرب الغفور
من بعدها ياهاجسي اسبح بحر وابذل جهود=والبحر عومه واضربه خلك كما السيل الحدور
انقا جزل واترك هزل ونسى تحدر وارقى سنود=واتعب على شان الدرر في وسط غبات البحور
وإن كان ماجبت الذي دايم على بالي ترود=قلنا بلاش من الشعر والهاجس اللي فالصدور
الشعر ورثن للجدود وعشت ياورث الجدود=دام انت لفنون العرب مقصد ومرسى ماتبور
لكن جاه اللي بلاه وصار لايمكن يزود=نقصه ترى بأسبابهم دايم على طول الشهور
ناس(ن) تحسب اصياغته هرج(ن) سهل من دون فود=ولادروا إنه درر ماحافها ناقص شعور
وألا مع اللي مثلك وشرواك نلقاله ورود=وإليا بغى الفزعه عليهم فأنت من ضمن الحضور
ياليت تقييمه يجي من شايب(ن) عنده سدود=مؤمن وعادل مايعرف الميل رجال(ن) وقور
حتى تحط الناس بين الهزل والجزله حدود=واللي يجيب الجزل تلقى بصمته ضمن السطور
وراع الهزيل اللي كثر ماعاد نلقاله وجود=وإن كان يبغى الجزل يسمع من طويلين الشبور

[طارق النفيعي]

وهذي أصافة اخرى ..


18- بعد سلامة الأخ مطليق عايض النفيعي من حادث مروري . .



مافيه شي يهمني وقت الوسوم وحلها=ألا علوم الغيث وعلوم الحيا اللي تقتفيه
ولافيه شي(ن) يشرح الخطر ويبعد غلها=مثل التمشي فالمروج الخضر واللي تحتويه
من عقب مزن(ن) سيلت من حين ربي هلها=على الديار اللي قليبي من هواها تكتويه
اللي ولدت ابها ولا يمكن بيوم أملها=دار(ن) فريدة وصف ماتلقى لها دار(ن) شبيه
ويزيد حب الدار عندي فالمطر وأفلها=في مجلس(ن) من حوله الغدران ورجال تبيه
منظر طبيعي تعشقه كل الخلايق كلها=أشم فيه أنقى هوى ولايلام اللي يجيه
هذا طراة العمر وأهل العرف هذا دلها=واللي هذا ماهو هواه يعيش بالدنيا سفيه
ولابه خبر يجلب حشود المعرفه وأهل(ن) لها=ألا خبر شفاك يامطيلق وجيت أقول فيه
لعل ماصابك يخفف من ذنوبك جلها=والمقبل من أيامنا ثوب العوافي تكتسيه
سلامتك يابن الرجال اللي هذا محلها=والله عن اصدوف الزمن ياقا مثيلك ويحميه