ابو عثمان ؟؟؟ لا له ولا عليـــــــه // محكمـــــه !!

[خالد المقاطي]

اسعد الله اوقاتكم في كل خير

ودنا ندردش مــ ع استاذنا ابو عثمان .. والفايده ترجع لنا
.. الله الله ..


سلام رديه تفوق الوصف وحدود الخيال = من دارنا لاال السعود اللي يظل ظلالها
الا يابا عثمان لاحت فوقك بروق الخيال = ( والنار من شبابها والخيل من خيالها )

[محمد المقاطي]

صح لسانك

مشرفناا خالد المقاطي

مير انا ماسبق وشفت ابو عثمان

يدوج في قسم المحاوره

الا ان كان خالد شايفه

ننتظر ابو عثمان والخبر اليقين

[ابو عثمان]

لله الله ياخالد وصح لسانك طال عمرك والله يعين على هالبحر


يدوم إلك البقا ياصاحبي خالد وكيف الحال= عسى تصفي لك الأيام فالها وعقالها
انا خابرك وافي ياعسى الله يستر الأحوال= أهل الوفا ماتجحد العربان طيب افعالها

[ابو عثمان]

هاه يابو يوسف في صفي ولاً في صف ابو وليد
لكن اهم حاجه وجودك يابو يوسف
الله الله

[محمد المقاطي]

الله الله

صح لسانك ابو عثمان

ومن غير ماتنشد انا في صفك

مار عليك ابه

[محمد الدعجاني]

الله الله

وانا فى سجلوني مع الصفووف

والبيت عندك ياخالد

والليل الليل

[خالد المقاطي]

الله الله

يابو عثمان والله الساعه المباركه اللي جمعتني في هالطرق الخفايفي
والسموحه على التآخير والله البارح انتظرك .. وطلعلي شغل وعاني عودت :)
الان نكمل .. المحكمـــه .. :)

ابو يوسف

ابو سلطان

لاهنت على الحظور الطيب .. والله ان وجودكم مهم يعلم الله .. لاكن مايصير 3 ضد واحد :)




مابين نفحات الجنوب وبين نفحات الشمال = لازم نعرف القوم والميسم .. ( دليل ) هلالها
صاحبك وافي وانت وافي .. مايجي فيها مجال = والنفس عن سو الرذايل .. قاصرين حبالها

[((الـروقـي))]

الله الله صح لسانكم ياشعار والميل عليك يابو عثمان هات البيت

ابو وليد مرحبا بك بعد الغيبه والصف ازهله مجمع العيال كلهم

وانا فالصف معك

والليل الليل يباغي ظلم

[ابو عثمان]

الله الله ياخالد

ترى العربان ماتجهل فعولي والرجال رجال=فالديره اللي ماجهلت سهولها واجبالها
يجيك العلم بين الناس لاهاتف ولاجوال=والقوم ياخالد تبين اخبارها واحوالها

[ابو عثمان]

يامرحبا بأخي الروقي
ومرورك اضاء الصفحه اخي العزيز
وياهلا ومسهلا

[خالد المقاطي]

الله الله يابو عثمان .. هين هين :)


انا موجهلك سؤال .. ومنتظر رد السوال = رد العلوم اللي تشوف دقاقها وجلالها
ياكثر مايبدي على بطن المجْلات المقال = والناس ماتدري عن الصادق وعن دجالها

[خالد المقاطي]

الروقي

ياحي والله هالمتصفح اللي طليت فيه

ابدن دامك معي .. نبا نتعاون على ابو عثمان :)


ازريت فيه ..

[المقاطى_q8]

الله الله

علي الشعار وصح لسانكم

ولاهنت ياخالد كشفت لنا عن شاعرية ابو عثمان


واخذني في صفك يالبناخي


تحياتي

[خالد المقاطي]

مرحبا مرحبا


يالخال .. وجودكـــ .. مهـــم

عزالله اكتشفناه ..

[ابو عثمان]

الله الله يابو عثمان .. هين هين :)


انا موجهلك سؤال .. ومنتظر رد السوال = رد العلوم اللي تشوف دقاقها وجلالها
ياكثر مايبدي على بطن المجْلات المقال = والناس ماتدري عن الصادق وعن دجالها
الله الله ............(هين.... هين)

عسى الله يصلح الأحوال بين الناس يارجال=إقفايها ياصاحبي ماهوب مثل اقبالها
وإن كان تجهل صاحبك من يوم ماجاله مجال=الشيخ ابن حجنه يقود المعركه خيالها

[خالد المقاطي]

الله الله يابو عثمان مبدع .. والختام سلام ... على خير نلتقي ولاكن .. تكون مباشره
وحنا اوقاتنا انا معك .. ماش :)

لاكن اسمع // :)



حملتها بحمولها .. والحمل تبركله جمال = حنا .. عقدنا الحبل .. لاكن حلها حلالها
اقلط على على بن اليمن .. مادمت ليه راس مال = وختامها صح الله السانك ومنهو قالها

[ابو عثمان]

الفجر بانت ضيحته واذًن على المنبر بلال=والقافله راحت مع الصحرا تسير لحالها
بيني وبينك عهد باقي ياعتيبي لايزال=والود يبقى في رجال المعرفه وعيالها

صح لسانك اخوي خالد لكن المحاوره الحقيقيه تكون في تواجد الشاعرين في نفس اللحظه ليكون الرد مرتبط ويكون الشاعر عنده الدافع وان كنت لا أعتبر نفسي شاعر ولكن المثل يقول مجبرا اخاك لا بطل,,,,,,,,

[محمد المقاطي]

صحت السنتكم

خالد المقاطي وابو عثمان

وبيض الله وجيهكم

[ابو عثمان]

صحت السنتكم

خالد المقاطي وابو عثمان

وبيض الله وجيهكم

تسلم اخوي محمد
ومرورك رفع من حرارة المحاوره
وخاصه انك في صفي على عكس ضيف الله اللي اخذته الحميا,,,,
لكن انا حاسبها له
راح اوريه الشغل
بس صبرك علي شوي