حبيب العازمي.......ذيب الشمري.......(معنى مدفون)

[يوسف السيحاني]

ذيب الشمري:
نبي نسري على خط المعاني والحمول ثقال==واخوي حبيب اللي سرعته سرعه جنونيه
معاك الاختبار الصعب بالقفى والاقبال==وشرار النار لايمكن يكون العاب ناريه
حبيب العازمي:
نبي نمشي على خط الخليج اللي مافيه جبال==وانا مااسرع ليا شفتك تدربى كنك الحيه
ترى راعي المعاني يضرب الرجال بالرجال==واذا ماجتك المعاني رجعوها طاق طاقيه
ذيب الشمري:
حبيب يدري بالساعه قبل لا ياقع الزلزال==وهذي ميزة عنده خصوصيه خصوصيه
تحصنابعشر ايات ضد الاعور الدجال==ولا ناقف على قبور الفلاشا والمسيحيه
حبيب العازمي:
على سطح القمر مايطلع التشويش بالارسال==لكن الارض فيها والسبب فيها الحراميه
تضلل بالعمامه كان راسك ماعليه ضلال==اهل حايل عرب وانته تكلم بالفرنسيه
ذيب الشمري:
هي افضل مهنة الصعلوك ولامهنة النشال==واهل صنعا يسمون الصعاليك الشريطيه
تضللني فعول ماضيه في عهدي اللي زال==وحنا من خلقنا مانحب ضلال عاريه
حبيب العازمي:
لو اني قلتلك تشهد تبي تشهد بنص ريال ==يابو لحية كبيرة لاتيمم بالحونشيه
انا والله مااذم اهل الوفا في الحل والترحال==ولا فرقت بالشعب الكويت والسعوديه
ذيب الشمري:
مادام البرمكي يحيى وكيل وللخليفه خال==تبيه تغليه قادات السرايا والفداويه
انا والله مااحب الحق في حاله من الاحوال==واحب الفتنه وعندي لهذا الحب شرعيه
حبيب العازمي:
انا والله مااعرف البرمكي طيب ولا بطال==ولكن الطيبه فيها من الرحمان ماريه
عسى ربي يعين اللي معه حيله ولا يحتال==تجادله الروابع بين هاذيه وهاذيه
ذيب الشمري:
عسى رزقي كثر خوفي من الحساد والانذال==يبيعون الضماير فالمحلات التجاريه
بعد بكرة عتيبه ينخلون الحب بالغربال==وكثير ليا صلح من حبهم عشرين بالميه
حبيب العازمي:
عسى رزقك يجيك محول من الطايره بحبال==صلاة الفجر قبل الشمس تلحق بارد الفيه
عتيبه ياوسيع العرف منها تعقل العقال==عسى لمطير وسع الحرب والهيه سياسيه
ذيب الشمري:
مادام الرزق هذا خلو عتيبي فالاستقبال==بعد ماخوفتنا بعض الارزاق السماويه
انا ماقولروما لمثل قيفاره وهاني بال==اقول حبيب ابحر في سفينته الشراعيه
حبيب العازمي:
انا خابرك عاقل مير صار فيك خبال==تشيل الحبحبه وتقول هذي هندروجيه