العلم .. والرمز الشعري

[العتيبي]

العلم .. والرمز الشعري
الذي يفخر به الشعر .. ونفخر به جميعاً




غازي بن دخيل الله بن عون

إسم كبير في عالم الشعر .. تجربته الطويله .. غنية بالفوائد .. التي صاغها درراً للأجيال
شاعر .. حكمة .. ونصح .. وتوجيه .. ووصف .. ابدع في كافة أغراض الشعر
كانت .. قصائده .. الخالده .. شاهداً .. على .. انه أحد أهم الأسماء الشعريه
في هذا العصر ..

غازي .. أبدى إمتعاضه الشديد .. من وضع ساحة الشعر .. حالياً
وأعلن .. الوداع .. وقرّر الإعتزال .. وأكّد ان القرار غير قابل للتعديل !!

هذا القرار .. الذي نعتبره ويعتبره الكثير .. قراراً قاسياً .. حيث فيه حرمان لمن يهوى قصائد الجزاله والأصاله .. من الاستمتاع بجديد .. الشاعر الكبير / غازي بن عون

شاعرنا الكبير .. أهدى لمنتداه ( المرقاب ) قصيدة الإعتزال

وبذلك ننفرد .. بنشر .. هذه القصيده .. التي .. ستكون اصداءها .. قويه نظير جماهيرية العلم / غازي بن عون ..

وفيما يلي قصيدة .. الشاعر الكبير / غازي بن دخيل الله بن عون ..



تخالطوا فالشعـر حابـل ونابـل=ودشوا حماه مطوليـن الاظافيـر

بعض شبابٍ كـل مامنـه ذابـل=ويقلدون أحيان هيـم الخواصيـر

ازوالهم تشبـه بـروج الكيابـل=تعجبك والاحلام مثـل العصافيـر

وكلٍ لسوق الشعر منهـم يسابـل=يساوقون السوق ببضاعة غيـر

بسوق الجواهر يجلبون الحنابـل=وان قلت وش هاذا يقولون تطوير

وتطويرهم ماجيب من سوق بابل=ولا له بسوق عكاظ قيمه وتسعير

ولاجا من الاكمـام والا السنابـل=ولامن عذوق نبوت سيف مباكير

جا من نفايات الخنـا والمزابـل=وأستقبله مستشعرين وجماهيـر

جونا بحكي مثـل حكـي البلابـل=يحتاج للشفره تراجـم وتفسيـر

ناس تحبـذ قـول هتلـر ونابـل=وتكره شعرعمر بن كلثوم وزهير

ماستقبلوا منهم صناعـة قنابـل=والا صناعة طايـرات وبوابيـر

ومن يوم شفت الشعر جاله مقابل=وضيرعلااهوالي تبلـوه تضييـر

وشفته تشارك فيه نابـل وحابـل=حول اعتزال الشعرقررت تقريـر

قرارللتعديـل مـاهـوب قـابـل=بوادعه وداع بن عـون للطيـر

======================

منقول من منتدى المرقاب للعلم

[صقر روق]

يعطيك العافيه أبو علي

وفعلا تخالطو فالشعر حابل ونابل

مشكور وماقصرت

[نسيم الشرقية]

الله يعطيك العااافيه .

[حزن القوافي]

ماقصرت اخوي..

الله يعطيكـ العافيه يارب

[الزيادي]

الله يعطيك العافيه
وماقصر يالعتيبي
شــــــــــكرآ

[أبــو مـانــع العتيبي]

عجبنـي هالبيـت والقصيــده فوق الآمتياز والرقــه

بسوق الجواهر يجلبون الحنابـل=وان قلت وش هاذا يقولون تطوير


صـح لسـان الشاعر غـازي بـ عـون عزاللــه أنــه شـاعر مآيبيلـه شهـاده


لآهنـت أخـوي العتيبـي علىى النقـل الرائــع والممـيز

تقبـل تحيـاتي بكـل ود

[جراح العصيمي]

الله يعطيك العافيه يا (( العتيبي ))

على هذه القصيده

من الشاعر الكبير : غازي بن عون

الشاعر الذي يعتبر رمز من رموز الشعر النبطي


والله لايهينك

وتحياتي