اسئله صريحه بحاجه الي اجوبه جريئه ,,,

[محمد المقاطي]

السلام عليكم ورحمة الله وبركاته


يعطيكم العافية جميعا اخواني وخواتي


في السنوات الاخيرة ظهرت ظاهرة المباركه بشهر رمضان الفضيل عن طريق المسجات

وهناك عدة اسئله تدور في بالي لهذا الموضوع :


1- هل هذي الطريقة تكفي للمباركة بهذا الشهر الفضيل ؟

2- هل هذي الطريقه صحيحة ام خاطئة ؟

3- هل الذين يستخدمون هذي الطريقه لسبب ( الواحد مايخلي الناس تشره عليه .. يعني ادز مسجات

وخلاص ) ام لاسباب اخرى ؟



ومبارك عليكم الشهر واجعلو شعاركم في هذا الشهر

(( صيام وقيام وصلة ارحام ))

وفي انتظار مشاركاتكم وتفاعلكم

اخوكم ومحبكم : ابو يوسف

[الذيابي الهلالي]

مشكور أخوي محمد على الموضوع الرائع
بالنسبة للاسئلة فأعتقد أن المباركة قد تكفي في بعض الاحيان
بالنسبة لصحتها لاأعلم بالضبط ماذا تقصد بصحتها هل هو من ناحية الشرع أو العرف
بالنسبة قد يكون لهذا السبب وقد يكون لاأسباب أخرى منها أن يكون إنسان عزيز عليك فتبارك له بهذا الشهر
أتمنى أن أكون وفقت في الاجابة




$ تحياتي$

[محمد المقاطي]

مشكووور

اخوي يوسف

علي مشاركتك وتفاعلك

ولي عوده وتعقيب ان شاء الله

بعد مشاركات الاخوان الاعضاء

اما من ناحية تساؤلي عن صحتها فلا اقصد الناحيه الشرعيه

وانما اقصد هل المباركه تكون بالمسج او الاتصال

او الزياره الي اخر طرق المباركه

[عبدالعزيز المورقي]

انا اشوف ان هذه الطريقة قد تكفي لناس معرفتهم سطحية او بعدين عنك
اما الاقرباء لا تكفي مجرد المسجات

ولو تأمل بها تجد فيها فائدة التواصل بين اصدقائك واقربائك ومعارفك
فيرسل لك صديق قد يكون لم تراه من شهور او سنة فيهنيك برمضان فهذا شي جميل ويمكن انك نسيته فتذكرته من خلال المسج

بس عموما هي صارت عادة لدى جميع الناس في هذه المناسبة





مشكوووووور على الموضوع اخوي محمد
بس عسى المسج وصلك هههههه

[ولد النفعه]

صراحه سؤال صعب

على العموم منت بلاقي جواب له

مشكووور

[الــولــيــد]

1- هل هذي الطريقة تكفي للمباركة بهذا الشهر الفضيل ؟

لا طبعا


2- هل هذي الطريقه صحيحة ام خاطئة ؟


صحيحه


3- هل الذين يستخدمون هذي الطريقه لسبب ( الواحد مايخلي الناس تشره عليه .. يعني ادز مسجات

وخلاص ) ام لاسباب اخرى ؟


لا مسجات وخلاص


شكر لك اخوووي محمد المقاطي على هذا اللقاء الرائع


أخوك / وليد الذيابي

[محمد المقاطي]

انا اشوف ان هذه الطريقة قد تكفي لناس معرفتهم سطحية او بعدين عنك
اما الاقرباء لا تكفي مجرد المسجات

ولو تأمل بها تجد فيها فائدة التواصل بين اصدقائك واقربائك ومعارفك
فيرسل لك صديق قد يكون لم تراه من شهور او سنة فيهنيك برمضان فهذا شي جميل ويمكن انك نسيته فتذكرته من خلال المسج

بس عموما هي صارت عادة لدى جميع الناس في هذه المناسبة





مشكوووووور على الموضوع اخوي محمد
بس عسى المسج وصلك هههههه


هلا والله

اخوي عبدالعزيز المورقي

بصراحه كلامك جميل ومقنع بنفس الوقت

لكن وانا اخوك في الوقت الحالي تحولت من عاده

الي واجب فمثلا امس واحد ارسل لي تهنئه ومباركه

وبعدها بوقت ارسل لي رساله يسأل ليش مارديت عليه

كأن الهدف تبادل الرسائل وليس التهنئه

والثاني انا وياه بالدوام الصبح من طلعنا من الدوام

ارسل لي رساله كأني ما كنت وياه قبل ساعه

وتبادلنا التهاني

عموما مشكور علي ردك وتفاعلك


ومسجك وصل الله لايهينك

وتري مو انت المقصود بالموضوع

هههههههه

[محمد المقاطي]

صراحه سؤال صعب

على العموم منت بلاقي جواب له

مشكووور


هههههه

شقالوا لك ولد النفعه

داخلين اختبار

وماقصروا الاخوان جاوبوا

الله يعطيهم العافيه

عموما مشكور علي مرورك

ومشاركتك

[محمد المقاطي]

1- هل هذي الطريقة تكفي للمباركة بهذا الشهر الفضيل ؟

لا طبعا


2- هل هذي الطريقه صحيحة ام خاطئة ؟


صحيحه


3- هل الذين يستخدمون هذي الطريقه لسبب ( الواحد مايخلي الناس تشره عليه .. يعني ادز مسجات

وخلاص ) ام لاسباب اخرى ؟


لا مسجات وخلاص


شكر لك اخوووي محمد المقاطي على هذا اللقاء الرائع


أخوك / وليد الذيابي


ابو يوسف

ما شاء الله عليك

وش هالتناقض

شلون ماتكفي ,, ومع ذلك صحيحه

عموما لاهنت علي المشاركه والتفاعل

وعلي الطاري ابو يوسف

اي مقابله اللي تشكرني عليها

ههههههههه

[روقي1]

اخوي محمد اللي اشوفه انها تكفي لانها تخليك ماتنسا احد في المباركه


وتكون علي العموم الرساله لكل واحد تعرفه وتعرف رقم جواله ماتستثني منها احد
وطبعن الاقارب لازم زياره خاصه ومباركه لهم لانها لاتكفيهم الرساله وصلت الارحام ليست في مسج
والاصدقاء القريبين منك اكيد لازم تباركلهم رسمي والباقي اذا واجهته تباركله واذا ماواجهته مسجك يكفي

ولا لو تبي تزور كل واحد في محاه تباركله خلص الشهر وانت ما خلصت وانت عارف الوقت هذا الواحد تكثر اشغاله وهو ماعنده شغل

تقبل مروري


والله ولي التوفيق

[محمد المقاطي]

روقي1

مشكور علي مرورك ومشاركتك الرائعه

وبالفعل وجهة نظرك احترمها واذا ماكانت هي الصواب

اعتقد انها هي الاقرب اليه

عموما الله يعطيك العافيه علي تواصلك وتفاعلك